ইষ্টের 8:8 - Chakma Bible

⁸ মাত্তর্‌ রাজার নাঙে লেখ্যে আর রাজার আন্দিক্কোই সীলমহ্‌র মাজ্যে কনঅ উগুম্‌ বাদ দিয়্যে ন-যায়। সেনত্তেই ইক্কিনে যেধোক্কেন্‌ তমার্‌ গম্‌ বিলিনে মনে অয় সেই যিহূদীগুনোর পক্ষে রাজার নাঙে আর এক্কান্‌ উগুম্‌ লিগিনে রাজার সই গোজ্যে আন্দিক্কোলোই সীলমহ্‌র মারঅ।”

ইষ্টের 8:8 Iomraidhean Croise

১ রাজাবলী 21:8

ঈষেবলে সেক্কে আহাবর নাঙে কয়েক্কান্‌ চিদি লিগিনে সিয়েন উগুরে আহাবর সীলমঅরবো দিলো আর নাবাতর শঅরত্‌ বজত্তি গোজ্যে বুড়ো নেতা আর মুরুব্বিগুনোর্‌ ইদু চিদিগানি পাধেই দিলো।

ইষ্টের 1:19

সেনত্তেই যুনি রাজার অমত্‌ ন-থায় সালেন্ তে যেনে এক্কান্‌ রাজ-উগুম্‌ দে, বষ্টী আর কনদিনঅ রাজা অহশ্বেরশর মুজুঙোত্‌ এই ন-পারিবো। এ উগুমান্‌ পারস্য আর মাদিয়ার আইনোত্‌ লেগা থোক্‌ যেনে সিয়েন্‌ বাদ দিয়্যে ন-যায়। ইয়েনি বাদেয়ো রাজা যেনে বষ্টীত্তুন্‌ বেশ্‌ যগাজ্যে অন্য আর একজনরে রাণীর পোজিশনান্‌ দে।

ইষ্টের 3:12

সে পরেদি পত্তম মাজর্‌ তের দিনোত্‌ রাজার লিগিয়্যেগুনোরে ডাগা অলঅ। তারা পত্তি চাগালার্‌ অক্ষর আর পত্তি জাদর্‌ ভাষা মজিম্ হামনর বেক্‌ উগুমানি নানান্‌ রেজ্যত্‌ আর চাগালার্ শাজন্‌গুরিয়্যেগুনো ইদু আর নানান্‌ জাদর্‌ নেতাগুনো ইদু লিগিনে জানেলাক্‌। সিয়েনি রাজা অহশ্বেরশর নাঙে লেগা অলঅ আর রাজার নিজো আংটিবোলোই সীলমর্‌ গরা অলঅ।

ইষ্টের 8:10

মর্দখয় সেক্কে রাজা অহশ্বেরশর নাঙে চিদিগানি লিগিনে রাজার সোই গোজ্যে আন্দিক্কোলোই সীলমহর্‌ গুরিলো। সে পরেন্দি তে রাজার এক বাবোত্যে জোরেই দাবা দি পারেদে ঘোড়ালোই হবর্‌ কোইয়্যেগুনোরে দিইনে চিদিগানি পাধেই দিলো।

ইষ্টের 8:5

ইষ্টেরে কলঅ, “মহারাজর যুনি গম্‌ বিলিনে মনে অয়, তে যুনি মরে দোয়্যের্‌ চোগেন্দি দেগে আর যুনি মনে গরেদে, কামান্‌ গরানা উচিত্ আর যুনি তে মঅ উগুরে হুজি ওই থায়, সালে মহারাজর পুরো রেজ্যত্‌ যিহূদীগুনোরে ভস্ত গুরিবাত্তে ফন্দী গোজ্যে অগাগীয় হম্মাদাথার পূঅ হামনে যে চিদিগান লেখ্যে সিয়েন্‌ বাতিল গুরিবাত্তে এক্কান্‌ উগুম্‌ লেগা ওক্‌।

দানিয়েল 6:8

ইক্কিনে ও মহারাজ, তুই সেই উগুমান লিগিনেই দিবে যেনে ইয়েন্‌অ মাদীয় আর পারসীককুনোর্ আরঅ এক্কান আইন অয় যিয়েন বাদ্ বা বদলা ন-যায়।”

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”