ইষ্টের 8:5 - Chakma Bible

⁵ ইষ্টেরে কলঅ, “মহারাজর যুনি গম্‌ বিলিনে মনে অয়, তে যুনি মরে দোয়্যের্‌ চোগেন্দি দেগে আর যুনি মনে গরেদে, কামান্‌ গরানা উচিত্ আর যুনি তে মঅ উগুরে হুজি ওই থায়, সালে মহারাজর পুরো রেজ্যত্‌ যিহূদীগুনোরে ভস্ত গুরিবাত্তে ফন্দী গোজ্যে অগাগীয় হম্মাদাথার পূঅ হামনে যে চিদিগান লেখ্যে সিয়েন্‌ বাতিল গুরিবাত্তে এক্কান্‌ উগুম্‌ লেগা ওক্‌।

ইষ্টের 8:5 Iomraidhean Croise

ইষ্টের 2:17

অন্য মিলেগুনোত্তুন্‌ ইষ্টেররে রাজা বেশ্‌ কোচ্‌পেলঅ আর তে অন্য গাবুজ্যে মিলেগুনোত্তুন্‌ রাজার ইদু বেশ্‌ দোয়্যে-মেয়্যে আর কোচ্‌পানা পেলঅ। সেনত্তেই রাজা তা মাদাথ্‌ মুকুট পিনেই দিলো আর বষ্টীর জাগানত্‌ ইষ্টেররে রাণী বানেল।

ইষ্টের 2:4

সে পরেদি মহারাজর্‌ যিবে গম্‌ লাগে তেয়ই বষ্টীর জাগানত্‌ রাণী অবঅ।” এ সল্লাগান রাজার ইদু গম্‌ লাগিলো। তে সেধোক্কেন্‌ কাম্‌ গুরিলো।

ইষ্টের 3:1

এ ঘটনাগানর পরেন্দি রাজা অহশ্বেরশে অগাগীয় হম্মদাথার পূঅ হামনরে রেজ্যর অন্য দাঙর্ পোজিশনর্ মানুচ্চুনোত্তুন্‌ বেশ্‌ দাঙর্‌ পোজিশন্ দিইনে সর্মানিত গুরিলো।

ইষ্টের 5:8

মহারাজে যুনি মরে দোয়্যের্‌ চোগেন্দি দেগচ্‌ আর মঅ কোজোলিগান্‌ রাগেবাত্তে চাজ্‌ আর মঅ আওজ্‌চান পূরেই দিবাত্তে চাজ্‌ সালে এজেত্তে কেল্যে মুই যে হানাগান্‌ যুক্কোল্‌ গুরিম্‌ সিয়েনত্‌ যেনে মহারাজে আর হামনে এজঅ। সেক্কে মুই মহারাজর প্রশ্নগানির্‌ জোব্‌পান দিম্‌।”

ইষ্টের 7:3

জোবত্‌ রাণী ইষ্টেরে কলঅ, “মহারাজ, মুই যুনি তর্‌ দোয়্যে পেই থাং আর মহারাজে যুনি হুজি ওই থায় সালে মঅ কোজোলিগান্‌ অলঅ মর্‌ আর মঅ জাদর্‌ মানুচ্চুনোরে পরাণে রোক্ষ্যে গর্‌,

যাত্রা 33:13

যুনি মুই তর্‌ দোয়্যে পেই থাং সালে তুই কি আজালোই কি গরচ্‌ সিয়েনি মরে জানেই দিচ্‌ যেনে মুই তরে বুঝি পারং আর তর্‌ দোয়্যেলোই থেই পারং। মনত্‌ রাগেচ্‌, এই জাদ্‌তো তর্‌।

যাত্রা 33:16

তুই আমা লগে ন-গেলে মানুচ্চুনে কিঙিরিনে বুঝিবাক্‌, মঅ উগুরে আর তর্‌ মানুচ্চুনো উগুরে তর্‌ দোয়্যে আঘে? মুই আর তর্‌ মানুচ্চুনে যে পিত্‌থিমীর্‌ অন্য মানুচ্চুনোত্তুন্‌ যুদো সিয়েন্‌ আর কেধোক্ক্যেনগুরি বুঝো যেবঅ‌?

১ শমূয়েল 20:29

তে মরে কোইয়্যেদে, ‘দোয়্যে গুরিনে মরে যেবাত্তে দে; আমার বংশর মানুচ্চুনে আদামত এক্কো উৎসর্বর অনুষ্ঠান গোজ্যন্‌ আর মঅ ভেইবো মরে সিয়েনত থেবাত্তে উগুম গোজ্যে। যুনি মঅ উগুরে তর্‌ মনত্‌ এক্কানা দোয়্যে থায় সালে মত্তুন্‌ যেইনে মর্‌ ভেইয়ুনোরে চেই এবাত্তে অনুমতি দে।’ সেনত্যেই তে মহারাজার খানাত্‌ ন-এজে।”