Biblia Todo Logo
Bìoball air-loidhne

- Sanasan -




ইষ্টের 8:15 - Chakma Bible

15 মর্দখয়ে মসীনা সুদোর্‌ বিগুনো রঙর্‌ পোজাগ উগুরে য়েল্‌ আর ধুব্‌ রংয়র্‌ রাজপোজাক্‌ উরিনে আর সনার এক্কো দাঙর্‌ মুকুট মাদাথ্ দিইনে রাজার মুজুঙোত্তুন্‌ নিগিলি গেলঅ। শূশন শঅরর্‌ মানুচ্চুনে রঅ ছাড়িনে হুজিয়ে ফূত্তি গুরিলাক্‌।

Faic an caibideil Dèan lethbhreac




ইষ্টের 8:15
15 Iomraidhean Croise  

সে পরেদি ফরৌণে নিজো আদত্তুন্‌ সীলমর দিয়্যে আংদিক্কো খুলিনে যোষেফ আদত্‌ পিনেই দিলো। তে তারে দোল কাবর্‌ পিনে দিনেই তা গত্তনাত্‌ এক্কো সোনার নেগেলেস্‌ দিলো।


সেই বাগান্নো সাজেবাত্তে ধুব্‌ আর য়্যেল্‌ কাবড়র্‌ পর্দা বেবহার গরা ওইয়্যে। সিগুন্‌ ধুব্‌ আর বিগুনো রঙর্‌ মসীনা সুদোর্‌ দুড়িলোই রূবোর্‌ হেবালোই মার্বেল পাত্তরর্‌ ভাজত্ আক্‌সোয়ে এলঅ। মার্বেল পাত্তর্‌, চিলোন্ আর নানান্‌ রঙর্‌ অন্য মংগা পাত্তর্‌‌লোই কাম্‌ গোজ্যে কাবড় উগুরে সনা আর রূবোর আসন এলঅ।


তা খেমতা আর বলর্‌ বেক্‌ কধানি আর মর্দখয়রে রাজা যেধোক্ক্যেন্‌ গুরিনে দাঙর্‌ পদ দিইনে দাঙর্ গোজ্যে সেই বেক্‌ কধানি মাদিয়া আর পারস্যের রাজাগুনোর্‌ বিজগ বোইবোত্‌ লেগা আঘে।


রাজার উগুম্‌ পেইনে হবর্‌-বোইয়্যেগুনে যাদিমাদি নিগিলি গেলাক্‌ আর শূশনর্ তাম্বুলত্‌অ সেই উগুমান্‌ জানেই দিয়্যে অলঅ। সে পরেন্দি রাজা আর হামনে আংগুর-রস হেবাত্তে বজিলাক্‌ আর ইন্দি শূশন শঅর ভিদিরে কিজিক্-কাজাগ্ পড়ি গেলঅ।


ইষ্টেরে তিন দিনোর্ দিন্নোত্‌ রাণীর পোজাক্‌ উরিনে রাজার ঘর মুজুঙোত্‌ রাজঘর ভিদিরে দরবারত্‌ যেইনে থিয়্যেল। রাজা দোরান ইন্দি মু গুরিনে সে ঘর ভিদিরে সিংহাসনত্‌ বুয়োই এলঅ।


সে পরেন্দি তে তারার্‌ ইদু তার্‌ ধন-সম্পদর্‌ কধা, তা পূঅগুনোর্‌ কধা, যেদক্কানি উপায়ে রাজা তারে সর্মান দেগেয়্যে সিয়েনির কধা আর কেধোক্কেন্‌ গুরিনে তারে অন্য দাঙর্‌ পোজিশনর্‌ মানুচ্চুনোত্তুন্‌ আর অফিসারুনোত্তুন্‌ উগুরে তুল্যে সে কধানি বার্‌বো গুরিনে কুয়ো ধুরিলো।


সেনত্তেই হামনে রাজপোজাক্‌ আর ঘোড়াগুন্‌ নেযেল আর মর্দখয়রে রাজপোজাক্‌ উরেইনে ঘোড়া উগুরে চোড়েইনে শঅরর্‌-চক্কর্‌বোত্‌ তা আগে আগে এ কধাগান ফগদাঙ্‌ গুরিনে বেড়া ধুরিলো, “রাজা যিবেরে সর্মান দেগেবাত্তে চায় তা উগুরে এ বাবোত্যে গরা অবঅ।”


রাজার বিশেজ্ ঘোড়াত্‌ চড়িনে হবর্‌ কোইয়্যেগুনে রাজার উগুমে যাদিমাদি নিগিলি গেলাক্‌। শূশনর্ তাম্বুলত্‌অ সেই উগুমান জানা অলঅ।


গোজেন ভক্তগুনোর্ ভালেদি অলে শঅরত্ রঙ্গফুত্তি অয়, আর পাজিগুনে ভস্ত অলে মান্‌জ্যে হুজিয়ে রঅ ছাড়ন্।


গোজেন ভক্ত মানুচ্চুনোর আঢত্ খেমতা গেলে বেক্কুনোর ভালেদি অয়, মাত্তর্ পাজিগুনোর আঢত্ খেমতা গেলে মানুচ্চুনোরে তোগেইনে পাহ্ ন-যায়।


গোজেন ভক্ত মানুচ্চুন্ বাড়িলে মান্‌‌জ্যে হুজি অন্, মাত্তর্ পাজি মানুচ্ শাজন্‌গুরিয়্যে অলে মান্‌‌জ্যে ছদ্‌‌ফদান।


সিয়েন ন-অলে কি চেবাত্তে যেইয়ো? দোল্ কাবড় উজ্যে কনঅ মান্‌জ্যরে চেবাত্তে নাকি? আজলে যিগুনে দোল্ কাবড় উরোন্ তারা রাজঘরত্ থান্।


মাত্তর্ মুই তমারে কঙর্, শলোমন রাজা এদক্ সয়-সাগোজ্যে ভিদিরে থেইনেয়ো ইগুনোর্ এক্কো ধোক্ক্যেন্অ তে নিজোরে সাজেই ন-পারে।


এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।


Lean sinn:

Sanasan


Sanasan