ইষ্টের 8:11 - Chakma Bible

^11-12 রাজা অহশ্বেরশে সে চিদিগানত্‌ অদর মাজর্, অত্তাৎ বার মাসর তের দিনোত্‌ যেনে তার্‌ রেজ্যর পত্তি শঅরর্‌ যিহূদীগুনে এগত্তর্‌ ওইনে নিজোরে রোক্ষ্যে গুরি পারন্‌ সেই অধিকারান দিলো। কনঅ জাদর্‌ বা চাগালার্ মানুচ্চুনে যিহূদীগুনোরে আর তারার্‌ মিলেগুনোরে আর ঝি-পূঅগুনোরে আক্রমণ গুরিলে তারা সে দল্লোরে ভস্ত গুরিবার, অত্তাৎ মারে ফেলেবার বা এক্কুবারে শেজ্ গুরি দিবার অধিকারান পেলাক্‌, আর সে শত্রুগুনোর সোম্বোত্তিগানি লুদেবার অধিকারান পেলাক্‌।

ইষ্টের 8:11 Iomraidhean Croise

ইষ্টের 3:13

রাজার পুরো চাগালাগানিত্‌ হবর্‌ বোইয়্যেগুনোরে দিইনে চিদি পাদা অলঅ। সে চিদিগানিত্‌ উগুম্‌ দিয়্যে অলঅ যেনে অদর নাঙে বার মাজর্ তের দিনোত্‌ যিহূদীগুনোর বেক্‌ পূঅগুন-বুড়োগুন-চিগোন গুরোগুন-মিলেগুনোরে, অত্তাৎ বেক্কুনোরে ভস্ত গরা অয়, অত্তাৎ মারে ফেলা অয়, এক্কুবারে শেজ্‌ গুরি দিয়্যে অয়। ইয়েনিবাদেয়ো তারার্‌ পযাপিরানি যেনে লুদো অয়।

ইষ্টের 9:18

মাত্তর্ শূশনর্ যিহূদীগুনে তের আর চৌদ্দ দিনোত্ একসমারে এগত্তর্ ওইয়োন। সে পরেদি পন্দর দিনোত্ তারা জিরেলাক্ আর দিন্নোরে হানার আর ফুত্তি গুরিবার দিন ইজেবে পালেলাক্।

গীতসংহিতা 137:8

ও বাবিল মিলেবো, তরে ভস্ত গরা অবঅ; তুই যেবাবোত্যে আমা উগুরে গোজ্যস্, যে মানুচ্চো তঅ উগুরে সিয়েনি গুরিবো তে বর্ পেইয়্যে!

গীতসংহিতা 68:3

মাত্তর্ গোজেন ভক্তগুনে হুজি ওদোক্ আর গোজেন মুজুঙোত্ ফুত্তি গোরোদোক্।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিহিষ্কেল 39:10

মাদত্তুন্ বা ঝার্-জংলত্তুন্ তারার্ আর দার্‌‌‌‌‌বো তুবো ন-পুরিবো, কিত্তে গাজ বদলে তারা আত্যের্ পড়িবাক্। তারা তারার্ লুদেয়্যে পযাপিরানি লুদেবাক্; তারার্ পযাপিরানি যিগুনে কাড়ি নেযেয়োন তারার্ পযাপিরানি তারা কাড়ি নিবাক্। মুই প্রভু লগেপ্রভু এ কধাগান কঙর্।