ইষ্টের 7:8 - Chakma Bible

⁸ রাজঘরর্‌ বাগানত্তুন্‌ রাজা হানা ঘরানত্‌ ফিরি এলঅ আর সেক্কেনে ইষ্টেরে যে আসনানত্‌ এলান্‌ দিইনে বোই এলঅ সিয়েন উগুরে হামনে পোজ্যে এলঅ। সেক্কে রাজা রঅ ছাড়িনে কলঅ, “এ মানুচ্চো কি মঅ মুজুঙোত্‌ রাণীর ইজ্জোদ্‌তান্ বর্‌বাদ্ গুরিবো?” রাজার মুয়োত্তুন্‌ এ কধাগান নিগিলেনার্‌ লগে লগে মানুচ্চুনে হামনর মুয়োন্‌ নাঢি দিলাক্‌।

ইষ্টের 7:8 Iomraidhean Croise

ইষ্টের 1:5

এ দিনুন্‌ শেজ্‌ ওই যানার্‌ পরেন্দি তে শূশনর্ তাম্বুলোত্‌ আঝিল্ ওইয়্যে দাঙর্‌-চিগোন্‌ বেক্কুনোত্তে সাত দিন সং রাজঘরর্‌ বাগান উদোনত্‌ এক্কো হানা দিলো।

ইষ্টের 1:6

সেই বাগান্নো সাজেবাত্তে ধুব্‌ আর য়্যেল্‌ কাবড়র্‌ পর্দা বেবহার গরা ওইয়্যে। সিগুন্‌ ধুব্‌ আর বিগুনো রঙর্‌ মসীনা সুদোর্‌ দুড়িলোই রূবোর্‌ হেবালোই মার্বেল পাত্তরর্‌ ভাজত্ আক্‌সোয়ে এলঅ। মার্বেল পাত্তর্‌, চিলোন্ আর নানান্‌ রঙর্‌ অন্য মংগা পাত্তর্‌‌লোই কাম্‌ গোজ্যে কাবড় উগুরে সনা আর রূবোর আসন এলঅ।

ইষ্টের 6:12

ইয়েনর্ পরেন্দি মর্দখয়ে আরঅ রাজঘরর্‌ গেদোত্‌ গেলঅ। মাত্তর্‌ হামনে মনত্ দুঘে মাঢাবো লুগেইনে যাদিমাদি গুরিনে ঘরত্‌ গেলঅ।

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইয়োব 9:24

শদানুনোর্‌ আঢত্‌ পিত্‌থিমীগানরে ইরি দিয়্যে ওইয়্যে গোজেনে বিচেরক্‌কুনোর চোখ্‌কুন নাদি থোই দিয়্যে। তেয়ই যুনি সিয়েন্‌ ন-গরে সালে কন্না সিয়েন্‌ গোজ্যে?

যিশাইয় 22:17

উজিয়ার্, ও বোলী মানুচ্চো, লগেপ্রভু তরে দরমর গুরি ধুরিনে মেলা মারিবাত্তে যার্।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

আমোষ 3:12

লগেপ্রভু কত্তে, “গরগ্‌কুনে‌‌‌‌‌‌ সিংহ মুয়োত্তুন্ যেবাবোত্যে বানা টেঙর্ দ্বিবে আড়্ বা কানর্ এক্কো কট্টা উদ্ধোর্ গুরি পারন সেবাবোত্যে ইস্রয়েলর্ যে মানুচ্চুনে শমরিয়াত্ বজত্তি গরন্ তারা বানা তারা খাদর্ খুদো আর কাবড় পাদালোই উদ্ধোর্ পেবাক্।”

মার্ক 14:65

সেক্কে কয়েকজনে যীশুরে সেফ্ ফেলেই দেনা আরাম্ভ গুরিলাক্ আর তারা তা মুয়োন্ নাঢি দিইনে তারে ঘুষি মারিনে কলাক্, “অনুমান্ গর্ কন্না তরে মারিলো!” আর সে পরেদি চুগিদারুনে তারে নেযেইনে চুয়োড়্ মারা ধুরিলাক্।