ইষ্টের 7:4 - Chakma Bible

⁴ কিত্যে ভস্ত গুরিবার্, অত্তাৎ মারে ফেলেবার বা এক্কুবারে শেজ্‌ গুরিবাত্তে মরে আর মঅ জাদর্‌ মানুচ্চুনোরে বিজি দিয়্যে ওইয়্যে। যুনি আমার্‌ বানা চাগর্‌ আর চাগরানী অবাত্তে বিজি দিয়্যে অদঅ সালে মুই জুরো গুরি থেদুঙ্‌, কিত্যে সেবাবোত্যে দুঘো কধা মহারাজরে জানানা উজিত্‌ ন-অদঅ।”

ইষ্টের 7:4 Iomraidhean Croise

নহিমিয় 5:5

যুনিয়ো আমি এক্‌ জাদর্‌ মানুচ্‌ আর আমা ঝি-পূঅগুনে তারার্‌ ঝি-পূঅগুনো ধোক্কেন্‌ তো আমা ঝি-পূঅগুনোরে চাগর্‌ বানা পোজ্যে, আর আমা ঝি-গুনোর্‌ ভিদিরে কয়েকজনে আগেত্তুন্‌ ধুরি চাগর্‌ ওই যেইয়োন্‌। ইক্কিনে আমাত্তুন্‌ কনঅ্‌ খেমতা নেই, কিত্যে আমার ভূইয়ানি আর আংগুর ক্ষেত্‌তানি অন্যর্‌ ওই যেইয়্যে।”

ইষ্টের 3:13

রাজার পুরো চাগালাগানিত্‌ হবর্‌ বোইয়্যেগুনোরে দিইনে চিদি পাদা অলঅ। সে চিদিগানিত্‌ উগুম্‌ দিয়্যে অলঅ যেনে অদর নাঙে বার মাজর্ তের দিনোত্‌ যিহূদীগুনোর বেক্‌ পূঅগুন-বুড়োগুন-চিগোন গুরোগুন-মিলেগুনোরে, অত্তাৎ বেক্কুনোরে ভস্ত গরা অয়, অত্তাৎ মারে ফেলা অয়, এক্কুবারে শেজ্‌ গুরি দিয়্যে অয়। ইয়েনিবাদেয়ো তারার্‌ পযাপিরানি যেনে লুদো অয়।

ইষ্টের 3:9

রাজার যুনি গম্‌ বিলিনে মনে অয় সালে তারারে ভস্ত গুরি ফেলেবাত্তে এক্কান্‌ উগুম্‌ জারি গরা ওক্‌। সেক্কে রাজ-ভান্ডালত্‌ রাগেবাত্তে রাজার্‌ কাম্‌ পরিচালনাগুরিয়্যেগুনোর্‌ আঢত্‌ মুই তিনশঅ নব্বই টন রুবো দিম্‌।”

ইষ্টের 7:5

সেক্কে রাজা অহশ্বেরশে রাণী ইষ্টেররে পুযোর্‌ গুরিলো, “কন্না সিবে? সেই মানুচ্চো কন্না? এধোক্কেন্‌ কাম্‌ গুরিবার কার্‌ সাহস ওইয়্যে?”

ইষ্টের 7:6

ইষ্টেরে কলঅ, “সেই বিপক্ষ আর শত্রু অলদে এই পাজি হামনে।” সেক্কে হামনে রাজা আর রাণীর মুজুঙোত্‌ থেবাত্তে অমকদ দোরেল।

ইষ্টের 8:11

রাজা অহশ্বেরশে সে চিদিগানত্‌ অদর মাজর্, অত্তাৎ বার মাসর তের দিনোত্‌ যেনে তার্‌ রেজ্যর পত্তি শঅরর্‌ যিহূদীগুনে এগত্তর্‌ ওইনে নিজোরে রোক্ষ্যে গুরি পারন্‌ সেই অধিকারান দিলো। কনঅ জাদর্‌ বা চাগালার্ মানুচ্চুনে যিহূদীগুনোরে আর তারার্‌ মিলেগুনোরে আর ঝি-পূঅগুনোরে আক্রমণ গুরিলে তারা সে দল্লোরে ভস্ত গুরিবার, অত্তাৎ মারে ফেলেবার বা এক্কুবারে শেজ্ গুরি দিবার অধিকারান পেলাক্‌, আর সে শত্রুগুনোর সোম্বোত্তিগানি লুদেবার অধিকারান পেলাক্‌।

ইষ্টের 8:6

মঅ জাদ্‌তুনো উগুরে আর মর্‌ নিজো মানুচ্চুনো উগুরে দযা লামি এবঅ সিয়েন্‌ দেগিনে মুই কেধোক্কেন্‌ গুরিনে সোজ্য গুরিম।?”

ইষ্টের 9:25

মাত্তর্‌ হামনর কুজুরোমিগানি যেক্কে রাজার কানত্‌ যেইয়্যে সেক্কে তে লিগিনে উগুম্‌ দিয়্যেগান্ যেনে যিহূদীগুনোর বিরুদ্ধে হামনে যে কুজুরোমিগান্ ফন্দি গোজ্যে সিয়েনি তার্‌ নিজো মাধাত্‌ পড়ে আর তারে আহ্‌ তা পূঅগুনোরে ফাসি দিয়্যে অয়।

দানিয়েল 6:2

তারা উগুরে থেবাক্ তিন্নো রাজ-পরিচালক। সেই তিনজন ভিদিরে দানিয়েলে এলদে একজন। এ তিনজন ইধু সেই শাজন্‌গুরিয়্যেগুনে দায়ী থেবাক্ যেনে মহারাজর্ কনঅ খেতি ন-অয়।

যোয়েল 3:6

তুমি যিহূদা আর যিরূশালেম মানুচ্চুনোরে তারা দেজত্তুন্ দূরোত্ সোরেই দিবাত্তে গ্রীককুনো ইধু বিজি দুয়ো।

আমোষ 2:6

লগেপ্রভু কত্তে, ইস্রায়েলর তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম। তা মানুচ্চুনে টেঙা-পোজেত্যে গম্ মানুচ্চুনোরে আর টেঙর্ এক জড়া জদাত্তে নাঢাগুনোরে বেজন্।

লূকে লেখ্যে গম্ হবর্ 12:45

মাত্তর্ যুনি সেই চাগর্‌‌‌বো নিজে মনে মনে কয় যে, মঅ গিরোজ্‌‌‌সো এত্তে দেরি গরের্। সেই সুযোগত্ যুনি তে অন্য চাগরুনোরে, মিলে আর মরদরে মার্‌‌‌পিট্ গরে, আর হানা-দানা গরানার্ পরেদি মাত্তল্ অলঅ।

দ্বি’লম্বর বিররণ 28:68

মিসরত যানা পৌইদ্যেনে মুই তারারে কোইয়োং, সেই পথতানন্দি আর কনদিনঅ তমাত্তুন টেং দিয়্যে ন-পুরিবো; মাত্তর্‌ লগেপ্রভু সেক্কে জাহাজত্‌ ভোরেইনে তমারে মিসরত ফেরৎ পাদেব। সিয়েনত্ তুমি চাগর আর চাগরানি ইজেবে শত্রুগুনো ইদু নিজোরে বিজি দিবাত্তে চেবা মাত্তর্‌ কনজনে তমারে ন-কিনিবাক্।”

যিহোশূয় 9:23

সেনত্তেই তমা উগুরে এ অভিশাপ্পান্‌ রলঅ‌, আমা গোজেনর্‌ ঘরত্তে তুমি দার্‌বো কাবিবার আর পানি আনিবার কাম্‌ গুরিবা। এ চাগরবোর্‌ কাম্‌ গরানাত্তুন তুমি কনদিনঅ রেহাই ন-পেবা।”

১ শমূয়েল 22:23

তুই মর্‌ কায়-কুরে থাক্‌, ন-দোরেবে। যে তর্‌ পরাণান নেযেবার চেট্ট্যা গোজ্যে তে মর্‌ পরাণান নেযেবার্‌অ চেট্ট্যা গোজ্যে। তুই মইদু গমেডালে থেই পারিবে।”