ইষ্টের 7:3 - Chakma Bible

³ জোবত্‌ রাণী ইষ্টেরে কলঅ, “মহারাজ, মুই যুনি তর্‌ দোয়্যে পেই থাং আর মহারাজে যুনি হুজি ওই থায় সালে মঅ কোজোলিগান্‌ অলঅ মর্‌ আর মঅ জাদর্‌ মানুচ্চুনোরে পরাণে রোক্ষ্যে গর্‌,

ইষ্টের 7:3 Iomraidhean Croise

১ রাজাবলী 20:31

বিন্‌হদদর কামগুরিয়্যেগুনে তারে কলাক্‌, “চাহ্, আমি শুন্যেইদে, ইস্রায়েলর রাজাগুনে দোয়েলু। আঢঅ, আমি কমরত্‌ বস্তাফাদা পিনিনে আর মাঢাত্‌ দুড়ি বানিনে ইস্রায়েল রাজার ইদু যেই। অয়ত তে তঅ পরাণান্‌ রোক্ষ্যে গুরিবো।”

২ রাজাবলী 1:13

ইয়েন পরেন্দি রাজা আর ইক্কো সেনাপতি আর তার্‌ পঞ্চাশজন সৈন্যরে পাধেই দিলো। এ তিন লম্বর সেনাপতিবো উগুরে উদিনে এলিয়ো মুজুঙোত্‌ মাঢা নিগিরিনে কোজোলী গুরি কলঅ, “ও গোজেন মানুচ্‌, তুই দোয়্যে গুরি আমা পঞ্চাশজন চাগর পরাণানি রোক্ষ্যে গর্‌।

ইষ্টের 4:8

শূশনত্‌ দিয়্যে যিহূদীগুনোরে ভস্ত গুরিবার যে রাজ-উগুম দিয়্যে ওইয়্যে মর্দখয় সিয়েনর্ নকল কপিবো হথকরে দিলো, যেনে তে সিয়েন্‌ ইষ্টেররে দেগেই পারে আর বেপারান্‌ বুঝেই পারে। ইষ্টেরে যেনে রাজার মুজুঙোত্‌ যেইনে তা মানুচ্চুনোত্তেই কোজোলি গরে সে কধাগান ইষ্টেররে কবাত্তে মর্দখয় হথকরে কলঅ।

ইষ্টের 5:8

মহারাজে যুনি মরে দোয়্যের্‌ চোগেন্দি দেগচ্‌ আর মঅ কোজোলিগান্‌ রাগেবাত্তে চাজ্‌ আর মঅ আওজ্‌চান পূরেই দিবাত্তে চাজ্‌ সালে এজেত্তে কেল্যে মুই যে হানাগান্‌ যুক্কোল্‌ গুরিম্‌ সিয়েনত্‌ যেনে মহারাজে আর হামনে এজঅ। সেক্কে মুই মহারাজর প্রশ্নগানির্‌ জোব্‌পান দিম্‌।”

ইষ্টের 7:7

রাজা রাগে আংগুর-রস্‌চান্ থোইনে উদিলো আর নিগিলিনে রাজঘরর্‌ বাগানত্‌ গেলঅ। রাজা হামনর ভাগ্যগান ঠিগ্‌ গুরি ফেলেয়্যে বুঝিনে তে রাণী ইষ্টের ইদু পরাণান ভিক্ষ্যে চেবাত্তে সিয়েনত্‌ থেলঅ।

ইষ্টের 8:5

ইষ্টেরে কলঅ, “মহারাজর যুনি গম্‌ বিলিনে মনে অয়, তে যুনি মরে দোয়্যের্‌ চোগেন্দি দেগে আর যুনি মনে গরেদে, কামান্‌ গরানা উচিত্ আর যুনি তে মঅ উগুরে হুজি ওই থায়, সালে মহারাজর পুরো রেজ্যত্‌ যিহূদীগুনোরে ভস্ত গুরিবাত্তে ফন্দী গোজ্যে অগাগীয় হম্মাদাথার পূঅ হামনে যে চিদিগান লেখ্যে সিয়েন্‌ বাতিল গুরিবাত্তে এক্কান্‌ উগুম্‌ লেগা ওক্‌।

ইয়োব 2:4

শদান্‌নো কলঅ, “তা জীংকানিগান তাইদু পরাণর পরান; মানুচ্‌ নিজো পরাণান বাঁজেবাত্তে তার্‌ যিয়েনি আঘে বেক্কানি দিবো।

যিরমিয় 38:26

মাত্তর্ তুই তারারে কবে, ‘মুই রাজারে কোজোলী গোজ্যং মরে যেন যোনাথন ঘরত্ ফিরেই ন-পাদান, কিত্তে সিদু পাদেলে মুই মুরি যেম।’ ”