ইষ্টের 6:12 - Chakma Bible

¹² ইয়েনর্ পরেন্দি মর্দখয়ে আরঅ রাজঘরর্‌ গেদোত্‌ গেলঅ। মাত্তর্‌ হামনে মনত্ দুঘে মাঢাবো লুগেইনে যাদিমাদি গুরিনে ঘরত্‌ গেলঅ।

ইষ্টের 6:12 Iomraidhean Croise

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

১ রাজাবলী 20:43

ইয়েন্দোই ইস্রায়েলর রাজা মুয়োন্‌ কালা গুরিলো আর কাঙেলেত্যে পেইনে শমরিয়াত্‌ তা রাজঘরত্‌ গেলঅ।

১ রাজাবলী 21:4

“মঅ বাপ-দাদার সোম্বোত্তিগানি মুই তরে ন-দিম্‌,” যিষ্রিয়েলীয় নাবোতর এ কধানিত্তে আহাবে মুয়োন্‌ কালা গুরিলো আহ্‌ কুজুক্ ওইনে ঘরত্‌ ফিরি গেলঅ। তে বিচ্ছোনত্‌ পুরিনে মুয়োন্‌ ফিরেই রলঅ, হেবাত্তে ন-চেলঅ।

১ রাজাবলী 21:6

জোবত্‌ রাজা তারে কলঅ, “মুই যিষ্রিয়েলীয় নাবোতরে কোইয়োং তা আংগুরো ক্ষেততান্‌ মইদু বিজিবাত্তে বা তে চেলে সিয়েন বদলে মুই তারে আর এক্কান আংগুর ক্ষেতঅ দিবাত্তে চেয়োং, মাত্তর্‌ তে কলদে, তে তার্‌ আংগুর ক্ষেদ্‌তান্‌ মরে ন-দিবো।”

২ বংশধর 26:20

আজল্‌ ধর্মগুরু অসরিয় আর অন্য বেক্‌ ধর্মগুরুগুনে তাইন্দি চেইনে তা কবালানত্‌ সে ফারাঙিগান্‌ দেগিলাক্‌। সেনত্তে তারা যাদিমাদি তারে নিগিলেই দিলাক্‌। তে নিজেয়ো যাদিমাদি নিগিলি যেবাত্তে চেলঅ, কিত্তে লগেপ্রভু তারে আঘাত্‌ গোজ্যে।

ইষ্টের 2:19

দ্বিবারত্‌ গাবুজ্যে মিলেগুনোরে তুবেবার্‌ সময়োত্‌ মর্দখয়ে রাজঘরর্‌ গেদোত্‌ বোজেবার জাগানত্ নেযা ওইয়্যে।

ইষ্টের 6:11

সেনত্তেই হামনে রাজপোজাক্‌ আর ঘোড়াগুন্‌ নেযেল আর মর্দখয়রে রাজপোজাক্‌ উরেইনে ঘোড়া উগুরে চোড়েইনে শঅরর্‌-চক্কর্‌বোত্‌ তা আগে আগে এ কধাগান ফগদাঙ্‌ গুরিনে বেড়া ধুরিলো, “রাজা যিবেরে সর্মান দেগেবাত্তে চায় তা উগুরে এ বাবোত্যে গরা অবঅ।”

ইষ্টের 7:8

রাজঘরর্‌ বাগানত্তুন্‌ রাজা হানা ঘরানত্‌ ফিরি এলঅ আর সেক্কেনে ইষ্টেরে যে আসনানত্‌ এলান্‌ দিইনে বোই এলঅ সিয়েন উগুরে হামনে পোজ্যে এলঅ। সেক্কে রাজা রঅ ছাড়িনে কলঅ, “এ মানুচ্চো কি মঅ মুজুঙোত্‌ রাণীর ইজ্জোদ্‌তান্ বর্‌বাদ্ গুরিবো?” রাজার মুয়োত্তুন্‌ এ কধাগান নিগিলেনার্‌ লগে লগে মানুচ্চুনে হামনর মুয়োন্‌ নাঢি দিলাক্‌।

ইয়োব 20:5

শদানুনোর্‌ রঙ্গ-ফুত্তি কানক্কণ্‌। গোজেন উগুরে ভোক্তি নেইয়্যেগুনোর হুজিগান্ বানা কানক্কণত্তে থায়;

ইয়োব 9:24

শদানুনোর্‌ আঢত্‌ পিত্‌থিমীগানরে ইরি দিয়্যে ওইয়্যে গোজেনে বিচেরক্‌কুনোর চোখ্‌কুন নাদি থোই দিয়্যে। তেয়ই যুনি সিয়েন্‌ ন-গরে সালে কন্না সিয়েন্‌ গোজ্যে?

১ শমূয়েল 3:15

ইয়েনর্ পরেন্দি শমূয়েলে বেন্যে সং বিচ্ছোনত্‌ পড়ি থেলঅ, সে পরেন্দি উদিনে লগেপ্রভুর ঘরর দোরানি খুলিলো; মাত্তর্‌ এই দর্শনর কধা এলির ইদু কবাত্তে সাহস ন-অলঅ।