ইষ্টের 4:16 - Chakma Bible

¹⁶ “তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

ইষ্টের 4:16 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 43:14

বেগত্তুন্‌ খেমতাবলা গোজেনে যেন সে মানুচ্চো ইধু তমারে দোয়্যে দেগায়, আর তমা সে ভেইবো আর বিন্যামীনরেয়ো তমা আদত্‌ ইরি দে; আর যুনি মত্তুন পুয়ো আরেয়্যে উয়ো পরেদে অয়্‌ সালে নয়ত সিয়েনোই অলুং।”

২ শমূয়েল 10:12

ন-দোরেয়ো; আমা মানুচ্চুনোত্তে আর আমা গোজেনর শঅরানিত্তে এজঅ, আমি ন-দোরেইনে যুদ্ধো গুরিই। লগেপ্রভুর চোগোত্‌ যিয়েনি গম্‌ তে সিয়েনিই গোরোক্‌।”

২ রাজাবলী 7:4

যুনি কোই আমি শঅরত্‌ যেবং সালে সিদুয়ো ভাদরাত্‌ আর আমি মুরিবোং। যুনি ইয়োত্‌ থেই তুয়ো মুরিবোং। বরং আমি যেই, আমি অরামীয়গুনোর তাম্বুলোত্‌ যেইনে তারা আঢত্‌ নিজোরে তুলি দিই। যুনি তারা আমারে বাজান্ সালে আমি বাঁজিলোং, আর নয়দ মুরিবোং।”

২ বংশধর 20:3

সেক্কে যিহোশাফটে দোরেইনে ঠিগ্‌ গুরিলোদে, তে লগেপ্রভু ইদু বল্‌ চেবঅ। তে যিহূদা দেজর্‌ পুরো জাগানিত্‌ উবোজ্‌ বিলিনে জানেই দিলো।

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

ইষ্টের 4:15

সেক্কেনে ইষ্টেরে মর্দখয়রে এ জোব্‌পান পাধেই দিলো,

ইষ্টের 4:17

সেক্কে মর্দখয় যেইনে ইষ্টেরর্ বেক্‌ উগুমানি মজিম্‌ কাম্‌ গুরিলো।

ইষ্টের 4:3

পত্তি চাগালাত্‌ যিয়েনত্‌ রাজার কধাগান আর উগুমান লুমিলো সিয়েনত্‌ যিহূদীগুনো ভিদিরে আবিলেচ্‌, উবোস্, কানাকুদি আর বিলেপ্‌ গরা ধুরিলাক্‌। কয়েকজনে বস্তা ফাদা উরিনে ছেইয়ো উগুরে পড়িলাক্‌।

ইষ্টের 5:1

ইষ্টেরে তিন দিনোর্ দিন্নোত্‌ রাণীর পোজাক্‌ উরিনে রাজার ঘর মুজুঙোত্‌ রাজঘর ভিদিরে দরবারত্‌ যেইনে থিয়্যেল। রাজা দোরান ইন্দি মু গুরিনে সে ঘর ভিদিরে সিংহাসনত্‌ বুয়োই এলঅ।

ইষ্টের 9:31

সে চিদিগান পাদা ওইয়্যে যেনে তারা ঠিগ্‌ সময়োত্‌ যিহূদী মর্দখয় আর রাণী ইষ্টেরর্ উগুম্‌ মজিম্‌ পূরীমোর এ দ্বিবে দিন পালেবাত্তে থির্‌ গুরি পারন্‌, যেধোক্কেন্‌ গুরি তারা নিজোরে আর তারার্‌ বংশধরুনোত্তে অন্য উবোস্‌ থানা আর আবিলেচ্‌ হানার্‌ অক্তবো ঠিগ্‌ গোজ্যন।

যিশাইয় 22:12

সেদিন্যে বেগত্তুন্ খেমতাবলা প্রভু লগেপ্রভু কানিবার্ বা আবিলেচ্ গুরিবাত্তে, মাঢাবো চুলানি মুড়েবাত্তে আর বস্তা পাদা পিনিবাত্তে তমারে ডাক্ক্যে।

যিরমিয় 36:9

যোশিয়র পুয়ো যিহূদার রাজা যিহোয়াকীমোর রাজাগিরির পাচ্ বজরর নয় মাসত্ যিরূশালেমর বেক্ মানুচ্চুনোত্তে আর যিহূদার শঅরানিত্তুন্ এচ্চ্যে মানুচ্চুনোত্তে লগেপ্রভুর মুজুঙোত্ উবোস্ থেবার কধা ফগদাং গরা অলঅ।

দানিয়েল 2:18

তে তারারে কোজোলী গুরিলো যেন তারা সেই হবর্ ন-পেইয়্যে বেপারান্ জানিবাত্তে স্বর্গর গোজেন ইধু দোয়্যে ভিক্ষ্যে চেলঅ, যেনে তে আর তা সমাজ্যেগুন বাবিলোর অন্য সল্লাদিয়্যেগুনো লগে মারা ন-পড়ন্।

মথি লেখ্যে গম্ হবর্ 12:40

যোনা যেবাবোত্যেগুরি সেই মাছ পেদত্ তিন দিন আর তিন রেত্ এলঅ মান্‌‌জ্য পুয়োবোয়ো সেবাবোত্যেগুরি তিন দিন আর তিন রেত্ মাদিত্ তলে থেবঅ।

লূকে লেখ্যে গম্ হবর্ 9:24

যে কেঅ তা নিজোত্তে বাঁজি থেদঅ চায় তে তার জিংকানিগান্ ঘেচ্চেক্‌‍‍‍গুরি আরেব; মাত্তর্ যে মত্তে তা পরাণান্ আরায় তে তার জিংকানিগান্ ঘেচ্চেক্‌গুরি রোক্ষ্যে পেবঅ।

যোহন 19:22

পীলাতে কলঅ, “মুই যিয়েন্ লেক্ক্যং সিয়েন্ লেক্ক্যং।”

প্রেরিত্‌ 10:7

যে স্বর্গদূত্‌তো কর্ণীলিয় সমারে কধা কোইয়্যে তে যানার্ পরেদি কর্ণীলিয় দ্বিজন চাগর আর এক্কো সাহায্য গুরিয়্যে সৈন্যরে ডাগিলো। এ সৈন্যবো গোজেন ভক্ত এলঅ।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

প্রেরিত্‌ 27:33

বেন্ন্যে পহ্‌‌র অবার্ আগেদি পৌলে বেক্কুনোরে কিজু হেবাত্তে কোজোলী গুরিনে কলঅ, “এচ্চ্যে চৌদ্দ দিন অলঅ, কি অবঅ ন-অবঅ সেই চিন্তে গুরিনে তুমি ন-হেইনে আঘঅ-কনঅ হানা ন-খঅ।

প্রেরিত্‌ 9:9

তিন দিন সং শৌলে চোগেদি ন-দেগিলো আর কিচ্চু ন-হেলঅ।

রোমীয় 16:4

মঅ পরাণান্ রোক্ষ্যে গুরিবাত্তে যেইনে তারা নিজোরে মরণ মুয়োত ফেল্ল্যন্। বানা মুই নয়, মাত্তর্ বেক্‌ অযিহূদী মন্ডলীগুন্অ তারা ইধু কৃতজ্ঞ।

ফিলিপীয় 2:30

খ্রীষ্টর্ কামত্যে তে মরণর্ মুয়ো-মি ওইয়্যে। তুমি আঝির্ ন-থানার্ কারনে মত্যে যিয়েন গুরি ন-পারঅ সিয়েন গুরিবাত্যে তে তার্ পরাণান দিবাত্যেয়ো রাজি এলঅ।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”