ইষ্টের 4:1 - Chakma Bible

¹ পুরো হবরান্‌ জানি পারিনে মর্দখয় উজ্যে কাবড়ান্‌ ফাদিনে বস্তা ফাদা উরিলো আর ছেই গুলিনে শঅর ভিদিরে যেইনে রঅ ছাড়ি ছাড়ি অমকদ কানা ধুরিলো।

ইষ্টের 4:1 Iomraidhean Croise

পত্থম 27:34

এষৌ তা বাব কধাগান শুনিনে গুজুরি গুজুরি কানিলো। সে পরেদি তে কলঅ, “বাবা, মরেয়ো বর্ দে।”

পত্থম 37:34

যাকোবে তা কাবড়ানি পাদিনে কমরত্‌ বস্তা পিনিনে তা পুয়োবোত্তে ভালোক্‌ দিন সং আবিলেচ্ গুরিলো।

২ শমূয়েল 1:11

এ কধাগান শুনিনে দায়ূদ আহ্‌ তা সমারে এলাক্কে মানুচ্চুনে নিজো কাবড়ানি ফাদিলাক্‌।

২ শমূয়েল 13:19

সেক্কে তামরে নিজো মাধাবোথ্‌ ছেই দিলো আর তা উজ্যেদে সিলুম্মো ফাদি ফেলেল। সে পরেন্দি তে মাধাত্‌ আঢ্ দিইনে গুজুরি গুজুরি কানদে কানদে গেলগোই।

ইষ্টের 4:2

এধোক্কেন্‌ গুরিনে তে রাজঘরর্‌ গেট্টো সং গেলঅ মাত্তর্‌ ভিদিরে সোমেই ন-পারিলো, কিত্যে বস্তা ফাদা উরিনে কারত্তুন্‌ ভিদিরে সুমিবার্‌ উগুম্‌ ন-এলঅ।

ইষ্টের 4:3

পত্তি চাগালাত্‌ যিয়েনত্‌ রাজার কধাগান আর উগুমান লুমিলো সিয়েনত্‌ যিহূদীগুনো ভিদিরে আবিলেচ্‌, উবোস্, কানাকুদি আর বিলেপ্‌ গরা ধুরিলাক্‌। কয়েকজনে বস্তা ফাদা উরিনে ছেইয়ো উগুরে পড়িলাক্‌।

ইয়োব 1:20

এ কধাগান শুনিনে ইয়োবে থিয়্যেইনে মনত্‌ দুঘে তা কাবড়ান ফাদি ফেলেল আর চুলান্‌ কাবি ফেলেল। সে পরেন্দি মাদিত্‌ মাধা নিগিরিনে গোজেনরে তা মনর্‌ ভোক্তি জানেইনে কলঅ,

ইয়োব 2:8

সেক্কে ইয়োবে ছেইয়োর সংমোধ্যে বজিনে সার্‌ভাঙালোই নিজো কিয়্যেগান্‌ ঘজা ধুরিলো।

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

যিশাইয় 15:4

হিষ্‌বোন আর ইলিয়ালী কানের্; তারার মুয়ো রগুন্ যহস সং শুনো যার্। সেনত্তে মোয়াবর্ সৈন্যগুনেয়ো কানদন্ আর তারার মনানি দরে গির্‌‌‌গিরের্।

যিশাইয় 22:4

সেনত্তে মুই কলুং, “মঅ কায়-কুরেত্তুন যগোই; মরে যদবদে কানিবাত্তে দুয়ো। মঅ মানুচ্চুন ভস্ত ওইয়োন বিলিনে মরে বুঝেবার চেষ্ট্যা ন-গোজ্জ্য।”

যিশাইয় 37:1

রাজা হিষ্কিয় এ কধাগান শুনিনে নিজোর্ কাবড়ান ফাদি ফেলেল আর বস্তা পাদা পিনিনে লগেপ্রভুর ঘরত্ গেলঅ।

যিশাইয় 37:2

তে রাজঘরর্ পরিচালক ইলিয়াকীম, রাজার লিগিয়্যে শিব্‌‌‍‍‍ন আর ধর্মগুরু-নেতাগুনোর বস্তাপাদা পিন্যে অবস্থায় আমোসর পুয়ো ভাববাদী যিশাইয় ইদু পাধেই দিলো।

যিশাইয় 58:5

মুই কি এবাবোত্যে উবোস্ থানাগান্ চেইয়োং? তমার্ উবোস্ থানাগান দঅ বানা নিজোরে দুঘ্ দেনা; সিয়েন বানা নল-খাগাড়া ধোক্ক্যেন মাঢাবো লোঙেয়্যে আর বস্তা ফাদা আহ্ ছেইয়ো উগুরে পড়ি থানা। ইয়েনরে কি তুমি উবোস্ থানা আর লগেপ্রভুর দোয়্যে দেগেবার দিন কঅ?

যিহিষ্কেল 21:11

লগেপ্রভু কোইয়্যেদে, লাম্বা ছুরিগান্ পালিশ্ গরা ওইয়্যে যেন সিয়েন বেবহার গরা যায়; যে মারে ফেলেব তা আঢত্ দিবাত্তে সিয়েন ধারানা আর পালিশ্ গরা ওইয়্যে।

যিহিষ্কেল 21:6

“সেনত্তে ও মান্‌‌‌‌‌জ্যর পুয়োবো, তুই ভঅ নিজেস্ ফেলা, মন মরা আর অমকদ দুঘে তারা মুজুঙোত্ ভঅ নিজেস্ ফেলা।

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

মীখা 1:8

ইয়েনত্তে মুই কানাকুদি আর আবিলেচ্ গুরিম; মুই খালি টেঙে লাংটা ওইনে ঘুরি বেড়েম। মুই শিয়েলর আর পেজা ডগরেদে ধোক্ক্যেন গুরি আবিলেচ্ গুরিম।

সফনিয় 1:14

লগেপ্রভুর সেই দাঙর্ দিন্নো কায়কুরে লুম্মেগি আর যাদিমাদি এজের্। উইয়ো শুনো, লগেপ্রভুর দিনুনোর রবো! সেক্কে যোদ্ধাগুনে পীড়েই রঅ ছাড়িবাক্।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

প্রেরিত্‌ 14:14

বার্ণবা আর পৌলে সে কধাগান শুনিনে নিজো কাবড়ানি ফাদিনে ধাবা দিইনে মানুচ্চুনো ইধু গেলাক্ আর রঅ ছাড়িনে কলাক্,

যিহোশূয় 7:6

সেক্কে যিহোশূয় আর ইস্রায়েলীয়গুনোর বুড়ো নেতাগুনে নিজোর কাবড়ানি ফাদিনে লগেপ্রভুর সুন্দুগোর মুজুঙোত্‌ সাজোন্যা সং মাদি উগুরে মাদা নিগিরিনে রলাক্‌। তারা নিজোর মাদা উগুরে ধূল্যে ছিদি দিলাক্‌।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”