ইষ্টের 3:7 - Chakma Bible

⁷ রাজা অহশ্বেরশর রাজাগিরর্‌ বার বজরর্‌ পত্তম্ মাজত্‌, অত্তাৎ নীষণ মাজত্‌ এক্কো দিন আর মাস বেঈ লবাত্তে মানুচ্চুনে হামনর মুজুঙোত্‌ পূর, অত্তাৎ চাম্বা চাহ্ ধুরিলাক্‌। সেক্কে বার মাজর্‌, অত্তাৎ অদর মাজ বেপারে চাম্বা উদিলো।

ইষ্টের 3:7 Iomraidhean Croise

ইষ্রা 4:6

অহশ্বেরশর রাজাগিরির আরাম্ভত্ সেই শত্রুগুনে যিহূদা আর যিরূশালেমর্ মানুচ্চুনোর বিরুদ্ধে এক্কান আবিত্তি লিগিনে জানেলাক্।

ইষ্রা 6:15

রাজা দারিয়াবসর রাজাগিরির ছয় বজরত্ অদর মাজর্ তিন দিনোত্ উবোসনা-ঘরর্ কামান্ থুম অলঅ।

নহিমিয় 2:1

রাজা অর্তক্ষস্তর রাজাগিরির্‌ কুড়ি বজরত্‌ নীষণ মাজত্‌ একদিন্যে হেবার্‌ সময়োত্‌ রাজার মুজুঙোত্‌ আংগুর-রস এলঅ্‌, আর মুই সিয়েনি নেযেইনে রাজারে দিলুঙ্‌। এ আগেন্দি মুই রাজার মুজুঙোত্‌ কনদিনঅ সুদোমু গুরি ন-থাং।

ইষ্টের 1:3

তার্‌ রেজ্যর্‌ তিন বজরত্‌ তে তার্‌ বেক্‌ মানুচ্চুনোরে আর মুরব্বীগুনোত্তে এক্কো হানা দিলো। তারা ভিদিরে এলদে পারস্য আর মাদিয়া দেজর্‌ সেনাপতিগুনে, মুরুব্বীগুনোরে আর রেজ্যগানির্ দাঙর্‌ পোজিশনর্‌ মানুচ্চুনোরে।

ইষ্টের 2:16

রাজা অহশ্বেরশর রাজাগিরির সাত বজরর্‌ দশ মাজত্‌, অত্তাৎ টেবেৎ মাজত্‌ ইষ্টেররে রাজঘরত্‌ রাজার ইদু নেযা অলঅ।

ইষ্টের 9:1

অদর মাজর্‌, অত্তাৎ বার মাজর্‌ তের দিনোত্‌ রাজার উগুমান কামত্‌ লাগেবার অক্ত এলঅ। এ দিনোত্‌ যিহূদীগুনোর শত্রুগুনে তারারে দোঙেবার্‌ আজা গোজ্যন্, মাত্তর্‌ ঘটনাগান অলঅ উগুদো। যিহূদীগুনোরে যিগুনে ঘিনেইদাক্‌ যিহূদীগুনেই তারারে দোঙেলাক্‌।

ইষ্টের 9:21

তে তারারে উগুম দিলোদে যেনে তারা পত্তি বজর অদর মাজর্‌ চৌদ্দো আর পনর দিন দ্বিবে পালান।

ইষ্টের 9:5

যিহূদীগুনে তারার্‌ বেক্‌ শত্রুগুনোরে শেজ্‌ গুরিবাত্তে, মারে ফেলেবাত্তে আর এক্কুবারে শেজ্‌ গরা ধুরিলাক্‌ আর যিগুনে তারারে ঘিনেইদাক্‌ তারা উগুরে যিয়েন্‌ হুজি সিয়েনই গরা ধুরিলাক্‌।

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

মথি লেখ্যে গম্ হবর্ 27:35

যীশুরে ক্রুশোত্ দেনার্ পরেদি সৈন্যগুনে চাম্বা চেইনে তা লাম্বা সিলুম্মো তারা ভাগাভাগি গুরি নিলাক্।