ইষ্টের 3:5 - Chakma Bible

⁵ মর্দখয় আদুয়ো ন-পাদে আর তারে সর্মান্অ ন-দেগায় হবর্‌ পেইনে হামনে অমকদ রাগ্‌ গুরিলো।

ইষ্টের 3:5 Iomraidhean Croise

ইষ্টের 1:12

রাজার্‌ সেবাগুরিয়্যেগুনে রাজার উগুমে রাণীরে হবর্ দিলে যেরেদি রাণী বষ্টী এবাত্তে রাজী ন-অলঅ। সেক্কে রাজা অমকদ রাগে আগুনো ধোক্ক্যেন ওই গেলঅ।

ইষ্টের 3:2

রাজঘরর্‌ গেদোত্‌ থেইয়্যে চুগিদারুনে আদু পাদিনে হামনরে সর্মান দেগেদাক্‌, কিত্যে রাজা তা পৌইদ্যেনে সেধোক্কেন্‌ উগুম্‌ দিয়্যে। মাত্তর্‌ মর্দখয়ে আদুয়ো ন-পাদিদো বা তারে সর্মান্অ ন-দেগেদ।

ইষ্টের 3:4

দিনকে দিন তারা তারে কলেয়ো তে সিয়েনি মানদে রাজী ন-অলঅ। সেনত্তেই তারা হামনরে সে কধাগান জানেলাক্‌। তারা দেগিবাত্তে চেলাক্‌ মর্দখয়র এ বেবহারান্‌ গ্রাজ্য গরা অবঅ নাহি, কিত্যে তে যে এক্কো যিহূদী সে কধাগান তে তারারে কোইয়্যে।

ইষ্টের 5:9

সেদিন্যে হামনে হুজি ওইনে হুজিয়ে রাজিয়ে বারেন্দি গেলঅ। মাত্তর্‌ তে যেক্কেনে রাজঘরর্‌ গেদোত্‌ মর্দখয়রে দেগিলো, আর দেলদে, মর্দখয় তারে দেগিনে উদিনে ন-থিয়্যেল বা আর কনঅ সর্মান্অ ন-দেগেল সেক্কে মর্দখয় উগুরে তার্‌ অমকদ রাগ অলঅ।

ইয়োব 5:2

হাঙেলেত্যে জ্ঞাননেইয়্যে মানুচ্চুনোরে শেজ্‌ গুরি দে আর ইংসে-নিন্দে বেদমা মানুচ্চুনোরে মারে ফেলায়।

গীতসংহিতা 37:12

গোজেন ভক্তগুনো বিরুদ্ধে পাজিগুনে সল্লা গুরিবাক্ আর তারার বিরুদ্ধে দাত্ কামেরেবাক্।

গম্ উপদেজ্ 12:16

যিবের চিদে-চজ্জানি বাজে তে তার লবাদোস্যেগানি ফগদাং গুরি ফেলায়, মাত্তর্ উজিয়ারবলা মানুচ্ নিজোর অগমানানি নাঢি দে।

গম্ উপদেজ্ 19:19

অমকদ রাগি মান্‌জ্যত্তুন্ সাজা পাহ্ পুরিবো; তারে একপল্লা রোক্ষ্যে গুরিলে বার্ বার্ গরা পুরিবো।

গম্ উপদেজ্ 21:24

বাড়্‌বো গুরিয়্যে আর অহংকারগুরিয়্যে মান্‌জ্যর নাঙান অলঅ “ঠাট্টা-মশ্‌কারিগুরিয়্যে”; তে অমকদ বাড়্‌বো গুরিনে কাম গরে।

উপদেশক 10:6

বুদ্ধিনেইয়্যেগুনে কাম্ পান্দে দাঙর্ দাঙর্ পোজিশনত্, আর তাগোয়্যেগুনে কাম্ পান্ চিগোন্ পোজিশনত্।

দানিয়েল 3:19

সেক্কে শদ্রক, মৈশক আর অবেদ্-নগো উগুরে নবূখদ্‌‌‌‌‌‌‌‌‌‌নিৎসরে অমকদ রাগ অলঅ আর তার্ মুয়োদি রাগর্ ভাব ফুদি উদিলো। চুলোবো যেবাবোত্যে গরম্ থায় তে সিবে সিয়োত্তুন্‌অ সাতগুন বেশ্ গরম গুরিবাত্তে কলঅ।