ইষ্টের 2:6 - Chakma Bible

⁶ যিহূদার রাজা যিকনিয়োর, অত্তাৎ যিহোয়াখীনোর লগে যিদুক্কুন্‌ মান্‌জ্যরে বাবিলোর রাজা নবূখদ্‌নিৎসরে যিরূশালেমত্তুন্‌ বন্দী গুরিনে নেযেয়্যে মর্দখয়র গুট্টিবোয়ো তারা সমারে এলঅ।

ইষ্টের 2:6 Iomraidhean Croise

২ রাজাবলী 24:12

যিহূদার রাজা যিহোয়াখীন, তা মাবো, তা বল্‌দিয়্যেগুনে, তা সেনাপতিগুনে আর তা কাম্‌গুরিয়্যেগুনে বেক্কুনে নবূখদ্‌নিৎসরর আঢত্‌ নিজোরে তুলি দিলাক্‌। নবূখদ্‌নিৎসরর রাজাগিরির আস্‌তো বজরত্‌ তে যিহোয়াখীনরে বন্দী গুরি নেযেল।

২ রাজাবলী 24:6

পরেন্দি তে তা পূরোণি মানুচ্চুনো ইদু গেলগোই আর তা জাগানত্‌ তা পুয়োবো যিহোয়াখীনে রাজা অলঅ।

২ বংশধর 36:20

যিগুনে মরণর্‌ আদত্তুন্‌ রোক্ষ্যে পেইয়োন্‌ তারারে তে বাবিলোত্‌ নেযেল, আর পারস্য-রেজ্যগান্‌ খেমতাত্‌ ন-এযানা সং তারা নবূখদ্‌নিৎসর আর তার্‌ গুট্টিগুনোর্‌ চাগর্‌ ওই থেলাক্‌।

যিরমিয় 22:24

লগেপ্রভু কোইয়্যেদে, “ও যিহূদার রাজা যিহোয়াকীমর পুয়ো যিহোয়াখীন, মঅ জিংকানিগানর নাঙে কঙর্, তুই যুনি মঅ ডেন্ আঢর্ সীলমঅরর আংটি অদে তো মুই তরে খুলি ফেলেই দিদুং।

যিরমিয় 22:28

এ যিহোয়াখীনে কি এন্ এক্কো ঈচ্ গরেপারা ভাঙা পিলে যিবেরে কনজনে ন-চায়? কিত্তে তারে আর তা পুয়ো-ছাগুনোরে তারার হবর্ ন-পেইয়্যে এক্কান দেজত্ ছিদি ফেলা অবঅ?

যিরমিয় 24:1

বাবিলর রাজা নবূখদ্‌নিৎসরে যিহোয়াকীমর পুয়ো যিহূদার রাজা যিহোয়াখীন আর যিহূদার রাজা যিহোয়াখীন আর যিহূদার রাজকর্মচারীগুন, কালিগর আর কর্মকারুনোরে যিরূশালেমত্তুন বাবিলোত্ বন্দী গুরি নেযানার পরেদি লগেপ্রভু মরে তা ঘর মুজুঙোত্ থোইয়্যে দ্বিকাল্যং ডোমোর গুলো দেগেল।