ইষ্টের 2:5 - Chakma Bible

⁵ সে অক্তত্‌ মর্দখয় নাঙে বিন্যামীন-গুট্টির এক্কো যিহূদী শূশনর্ তাম্বুলোত্‌ এলঅ। তে অলদে যায়ীরোর্‌ পূঅ, যায়ীর শিমিয়ির পূঅ আর শিমিয়ি কীশোর্‌ পূঅ।

ইষ্টের 2:5 Iomraidhean Croise

২ শমূয়েল 16:5

রাজা দায়ূদে যেক্কে বহুরীমোত্‌ লুমিলো সেক্কে শৌল বংশর এক্কো মান্‌জ্যে সিয়োত্তুন্‌ নিগিলি এলঅ। তে অলদে গেরার্‌ পূঅ শিমিয়ি। তে গেইল্ দি দি এজের্‌।

২ রাজাবলী 24:12

যিহূদার রাজা যিহোয়াখীন, তা মাবো, তা বল্‌দিয়্যেগুনে, তা সেনাপতিগুনে আর তা কাম্‌গুরিয়্যেগুনে বেক্কুনে নবূখদ্‌নিৎসরর আঢত্‌ নিজোরে তুলি দিলাক্‌। নবূখদ্‌নিৎসরর রাজাগিরির আস্‌তো বজরত্‌ তে যিহোয়াখীনরে বন্দী গুরি নেযেল।

২ রাজাবলী 24:15

নবূখদ্‌নিৎসরে যিহোয়াখীনরে বন্দী ইজেবে বাবিলোত্‌ নেযেল। তে যিরূশালেমত্তুন্‌ রাজার মাবোরে, তা মোক্কুনোরে, তা কাম্‌গুরিয়্যেগুনোরে আর দেজর্‌ মুরুব্বী মানুচ্চুনোরেয়ো নেযেল।

ইষ্টের 10:3

রাজা অহশ্বেরশর পরেন্দি যিহূদী মর্দখয়র পোজিশনান্ এলদে দ্বিলম্বরত্‌। তার্‌ বেক্‌ জাদ-ভেইয়ূনে তারে সর্মান আর কোচ্‌পানার চোগেন্দি দেগিদাক্‌, কিত্যে তে তা মানুচ্চুনোর ভালেদিত্তেই কাম্‌ গোজ্যে আর বেক্‌ যিহূদীগুনে গমেডালে থেবাত্তে চেট্ট্যা গোজ্যন্।

ইষ্টের 2:3

মহারাজে তা রেজ্যর্‌ বেক্‌ জাগানিত্‌ কাম্ গরেদে মানুচ্‌ নেযেল যেনে তারা সেই বেক্‌ দোল্‌ মিলেগুনোরে শূশনর্ তাম্বুলোত্‌ রাজঘরর্‌ হারেমত্‌ পাদেই দি পারন্। মহারাজ হেগয় নাঙে যে ইজিরেবো আঢত্‌ মিলেগুনোর্‌ ভারান্‌ দিয়্যে তে এ মিলেগুনোরে দেগাশুনো গোরোক্‌। তারার্‌ দোলানি বাড়েবাত্তে যিয়েনি লাগে সিয়েনি দিয়্যে ওক্‌।

ইষ্টের 2:4

সে পরেদি মহারাজর্‌ যিবে গম্‌ লাগে তেয়ই বষ্টীর জাগানত্‌ রাণী অবঅ।” এ সল্লাগান রাজার ইদু গম্‌ লাগিলো। তে সেধোক্কেন্‌ কাম্‌ গুরিলো।

ইষ্টের 5:1

ইষ্টেরে তিন দিনোর্ দিন্নোত্‌ রাণীর পোজাক্‌ উরিনে রাজার ঘর মুজুঙোত্‌ রাজঘর ভিদিরে দরবারত্‌ যেইনে থিয়্যেল। রাজা দোরান ইন্দি মু গুরিনে সে ঘর ভিদিরে সিংহাসনত্‌ বুয়োই এলঅ।

১ শমূয়েল 9:1

কীশ নাঙে বিন্যামীন-গুট্টির এক্কো সর্মানী তাগোয়্যে মানুচ্‌ এলঅ। কীশ অবীয়েলর পূঅ, অবীয়েল সরোরর্‌ পূঅ, সরোর বখোরতর পূঅ বখোরতে অফীহের পূঅ।