ইষ্টের 2:3 - Chakma Bible

³ মহারাজে তা রেজ্যর্‌ বেক্‌ জাগানিত্‌ কাম্ গরেদে মানুচ্‌ নেযেল যেনে তারা সেই বেক্‌ দোল্‌ মিলেগুনোরে শূশনর্ তাম্বুলোত্‌ রাজঘরর্‌ হারেমত্‌ পাদেই দি পারন্। মহারাজ হেগয় নাঙে যে ইজিরেবো আঢত্‌ মিলেগুনোর্‌ ভারান্‌ দিয়্যে তে এ মিলেগুনোরে দেগাশুনো গোরোক্‌। তারার্‌ দোলানি বাড়েবাত্তে যিয়েনি লাগে সিয়েনি দিয়্যে ওক্‌।

ইষ্টের 2:3 Iomraidhean Croise

ইষ্টের 2:19

দ্বিবারত্‌ গাবুজ্যে মিলেগুনোরে তুবেবার্‌ সময়োত্‌ মর্দখয়ে রাজঘরর্‌ গেদোত্‌ বোজেবার জাগানত্ নেযা ওইয়্যে।

ইষ্টের 2:4

সে পরেদি মহারাজর্‌ যিবে গম্‌ লাগে তেয়ই বষ্টীর জাগানত্‌ রাণী অবঅ।” এ সল্লাগান রাজার ইদু গম্‌ লাগিলো। তে সেধোক্কেন্‌ কাম্‌ গুরিলো।

ইষ্টের 2:5

সে অক্তত্‌ মর্দখয় নাঙে বিন্যামীন-গুট্টির এক্কো যিহূদী শূশনর্ তাম্বুলোত্‌ এলঅ। তে অলদে যায়ীরোর্‌ পূঅ, যায়ীর শিমিয়ির পূঅ আর শিমিয়ি কীশোর্‌ পূঅ।