ইষ্টের 2:23 - Chakma Bible

²³ সে পৌইদ্যেনে হবর্‌ নেযেইনে যেক্কেনে জানা গেলদে কধাগান সত্য সেক্কে সে দ্বিজন চাগররে ফাসি দিয়্যে অলঅ। এ বেক্‌ কধানি রাজার মুজুঙোত্‌ বিজগ বোইবোত্‌ লেগা অলঅ।

ইষ্টের 2:23 Iomraidhean Croise

পত্থম 40:19

এই তিন দিনো ভিদিরে ফরৌণে তঅ মাদাবো কাবি নেযেইনে কিয়্যেগান্‌ গাজত্‌ টাঙেই রাগেব, আর পেক্কুনে এইনে তঅ কিয়্যেগানত্তুন্‌ যেরা খুদি খুদি হেবাক্।”

পত্থম 40:22

মাত্তর্‌ রুটি বানেইয়্যে নেতাবো কিয়্যেগান্‌ তে গাজত্‌ টাঙেই রাগেল। যোষেফে তারা স্ববনর্‌ অত্তগান্‌ যেবাবোত্যে কোইয়্যে তারা উগুরে সিয়েন ঘুদিলো।

ইষ্রা 4:15

ইয়েনত্ রাজা যেনে তার পূরোণী মানুচ্চুনোর্ বিজগ বোইবোত্ তোগেইনে চান্। সেই বোইবো ভিদিরে তুই দেগিবেদে যে, যিরূশালেমান এক্কান উল্লোমী শঅর্; এই শঅরান্ রাজাগুনোর্ আর রেজ্যগানির্ শাজন্‌‌‌‌‌গুরিয়্যেগুনোরে বোউত্ দুঘ্ দুয়োন আর ভালোক্ দিন আগেত্তুন্ ধুরি সেই শঅরত্ বিদ্রোহ ওই এজের্। সেনত্যে সেই শঅরানরে ভস্ত গরা ওইয়্যে।

ইষ্টের 10:2

তা খেমতা আর বলর্‌ বেক্‌ কধানি আর মর্দখয়রে রাজা যেধোক্ক্যেন্‌ গুরিনে দাঙর্‌ পদ দিইনে দাঙর্ গোজ্যে সেই বেক্‌ কধানি মাদিয়া আর পারস্যের রাজাগুনোর্‌ বিজগ বোইবোত্‌ লেগা আঘে।

ইষ্টের 5:14

সেক্কে তা মোক্কো সেরশে আর তা সমাজ্যেগুনে তারে কলাক্‌, “তুই পঞ্চাশ আত্‌ অজল্‌ এক্কান্‌ ফাসি দিবার্‌ গাজ্‌ বানা আর বেন্যেমাদান্ রাজার অনুমতি লোইনে মর্দখয়রে সিয়েন উগুরে ফাসি দিবার বেবস্থা গর্‌। সে পরেন্দি হুজিয়ে রাজিয়ে রাজার লগে হানাত্‌ যাহ্।” এ কধাগান হামনর গম্‌ লাগিলো আর তে সেই ফাসি দিবার্‌ গাজ্‌চুয়ো বানেল।

ইষ্টের 6:1

সেই রেদোত্‌ রাজা ঘুম্‌ যেই ন-পারের্‌। তে উগুম্‌ দিলোদে যেনে তা রেজ্যর্‌ বিজগ বোইবো তাইদু আনা অয়। সে পরেন্দি সেই বোইবো তারে পোড়েই শুনো অলঅ।

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

যিহোশূয় 8:29

তে অয় শঅরর্‌ রাজাবোরে মারে ফেলেইনে সাজোন্যে সং গাজত্‌ টাঙেই রাগেল। সাজোন্যে অক্তত্‌ তে তার কিয়্যেগান্‌ গাজত্তুন লামেইনে শঅরর্‌ গেদোত্‌ চমিবার পথ্‌তানত্‌ ফেলে দিবাত্তে উগুম্‌ দিলো। মানুচ্চুনে তা উগুরে পাত্তর দিইনে এক্কো দাঙর্‌ কুড়্ গুরি রাগেলাক্‌। সিবে এজঅ‌ আঘে।