ইষ্টের 2:14 - Chakma Bible

¹⁴ সাজোন্যে অক্তত্‌ তে যিয়েনত্‌ যেদঅ আর বেন্যেমাদান্ দ্বিতীয় ঘরর্‌ মোগ্‌কুনোর্‌ কাম ভারান্ পেইয়্যে রাজার নেযেয়্যে ইজিরে শাশ্‌গসর চেইচিদিবার অধীনোত্‌ হারেমর অন্য গুদিবোত্‌ ফিরি এদাক্‌। রাজা তা উগুরে হুজি ওইনে নাঙ্‌ ধুরি ন-ডাগিলে তে আর রাজার ইদু যেই ন-পারিদো।

ইষ্টের 2:14 Iomraidhean Croise

পত্থম 34:19

পরিবার ভিদিরে বেগত্তুন্‌ সর্মানী মানুচ্ শিখিমে আর্ দেরি ন-গুরিনে কধাগান্‌ মানি নেযেল, কিত্তে যাকোব ঝিবো উগুরে তার্‌ জদবদে টান্ এলঅ।

ইষ্টের 2:13

কনঅ মিলে রাজার ইদু যেবার অক্ত অলে হারেমত্তুন্‌ রাজার মুজুঙোত্‌ নেযেবাত্তে তে যিয়েন চেদঅ তারে সিয়েন দিয়্যে অদঅ।

ইষ্টের 2:15

মর্দখয় তা কুত্‌তো অবীহয়িলোর যে মিলেবোরে নিজোর ঝি ইজেবে মানি লোইয়্যে সে মিলেবোর, অত্তাৎ ইষ্টেরর্‌ যেক্কে রাজার ইদু যেবার্‌ পালা এলঅ সেক্কে হারেমর চেইচিদিয়্যেগুনে রাজার নেযেয়্যে ইজিরে হেগয় তারে যিয়েনি নেযেবাত্তে কলঅ সিয়েনি বাদে তে আর কিচ্ছু ন-চেলঅ। যে কনজনে ইষ্টেররে চেলে তা চোগোত্‌ তারে গম্‌ লাগিদো।

ইষ্টের 4:11

“রাজার বেক্‌ কামগুরিয়্যেগুনে আর রাজার অধীনোত্‌ বেক্‌ চাগালার্ মানুচ্চুনে হবর্‌ পান্‌, কনঅ মরদ বা মিলে রাজার ডাগনি ন-পেইনে যুনি ভিদিরে দরবারত্‌ তাইদু যান্‌ সালে তাত্তেই বানা এক্কান্‌ আইন আঘে-সিয়েন অলদে তার্‌ মরণ। মাত্তর্‌ যে মানুচ্চো উগুরে রাজা সোনার রাজলুদিক্ বাবেই দিবো বানা তা পরাণান্‌ বাঁজিবো। মাত্তর্‌ গত ত্রিশ দিনো ভিদিরে রাজার ইদু যেবাত্তে মরে ডাগা ন-অয়।”

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 45:4

মর্ চাগর যাকোবত্তে, মর্ বেঈ থোইয়্যে ইস্রায়েলত্তে মুই তঅ নাঙান্ ধুরি ডাক্ক্যং। মরে তুই ন-চিনিলেয়ো মুই তরে সর্মানর্ উপাধি দুয়োং।

দ্বি’লম্বর বিররণ 21:14

সে পরেন্দি যুনি মিলেবো উগুরে তে বেজার্‌ অয় সালে তারে যিয়েনত্‌ আওজ্ যেবাত্তে দিয়্যে পুরিবো। তে তারে বিজি দি ন-পারিবো বা চাগরানী ইজেবে রাগেই ন-পারিবো, কিত্যে তে তারে অসর্মান গোজ্যে।