ইষ্টের 1:6 - Chakma Bible

⁶ সেই বাগান্নো সাজেবাত্তে ধুব্‌ আর য়্যেল্‌ কাবড়র্‌ পর্দা বেবহার গরা ওইয়্যে। সিগুন্‌ ধুব্‌ আর বিগুনো রঙর্‌ মসীনা সুদোর্‌ দুড়িলোই রূবোর্‌ হেবালোই মার্বেল পাত্তরর্‌ ভাজত্ আক্‌সোয়ে এলঅ। মার্বেল পাত্তর্‌, চিলোন্ আর নানান্‌ রঙর্‌ অন্য মংগা পাত্তর্‌‌লোই কাম্‌ গোজ্যে কাবড় উগুরে সনা আর রূবোর আসন এলঅ।

ইষ্টের 1:6 Iomraidhean Croise

ইষ্টের 7:8

রাজঘরর্‌ বাগানত্তুন্‌ রাজা হানা ঘরানত্‌ ফিরি এলঅ আর সেক্কেনে ইষ্টেরে যে আসনানত্‌ এলান্‌ দিইনে বোই এলঅ সিয়েন উগুরে হামনে পোজ্যে এলঅ। সেক্কে রাজা রঅ ছাড়িনে কলঅ, “এ মানুচ্চো কি মঅ মুজুঙোত্‌ রাণীর ইজ্জোদ্‌তান্ বর্‌বাদ্ গুরিবো?” রাজার মুয়োত্তুন্‌ এ কধাগান নিগিলেনার্‌ লগে লগে মানুচ্চুনে হামনর মুয়োন্‌ নাঢি দিলাক্‌।

ইষ্টের 8:15

মর্দখয়ে মসীনা সুদোর্‌ বিগুনো রঙর্‌ পোজাগ উগুরে য়েল্‌ আর ধুব্‌ রংয়র্‌ রাজপোজাক্‌ উরিনে আর সনার এক্কো দাঙর্‌ মুকুট মাদাথ্ দিইনে রাজার মুজুঙোত্তুন্‌ নিগিলি গেলঅ। শূশন শঅরর্‌ মানুচ্চুনে রঅ ছাড়িনে হুজিয়ে ফূত্তি গুরিলাক্‌।

যাত্রা 26:1

মর্‌ থেবার্‌-তাম্বুলান্‌ দশ কট্টা কাবড়্‌লোই বানেই দিয়্যে পুরিবো। কট্টানি পাগেয়্যে মসীনা সুদো আর য়েল্, বিগুনি আর রাঙা রঙর্‌ সুদোলোই বানেই দিয়্যে পুরিবো। কাবিদেং কালিগর্‌লোই সিয়েনি ভিদিরে করূপ্পুনোর্‌ ফোটু বুনিই নেযেবা।

যিহিষ্কেল 23:41

সে পরেদি তারা দোল্ বিচ্ছোনত্ বজিনে তা মুজুঙোত্ এক্কান টেবিল্ পাদিনে সিয়েন উগুরে মর্ আগর্‌বাট্টি আর তেলান্ রাগেলাক্।

আমোষ 2:8

তারা পত্তি পূজো ইধু বন্ধক নেযেয়্যে পোজাগ উগুরে ঘুম যান। তারার্ উবোসনা-ঘরত্ তারা জরিমানার টেঙালোই কিন্যে আংগুর-রস হান্।

আমোষ 3:12

লগেপ্রভু কত্তে, “গরগ্‌কুনে‌‌‌‌‌‌ সিংহ মুয়োত্তুন্ যেবাবোত্যে বানা টেঙর্ দ্বিবে আড়্ বা কানর্ এক্কো কট্টা উদ্ধোর্ গুরি পারন সেবাবোত্যে ইস্রয়েলর্ যে মানুচ্চুনে শমরিয়াত্ বজত্তি গরন্ তারা বানা তারা খাদর্ খুদো আর কাবড় পাদালোই উদ্ধোর্ পেবাক্।”

আমোষ 6:4

তুমি এ্যদো দাদর্ কাম গোজ্যে খাদত্ ঘুম যঅ আর তমা বিচ্ছোনত্ আল্‌‌সি গুরিনে কিয়্যেগান টানঅ। তমা পালত্তুন্ তুমি বেঈ লোইয়্যে ভেড়া ছঅ আর গোরু ছর্ য়েরা খঅ।

১ শমূয়েল 28:23

মাত্তর্‌ শৌল রাজী ন-ওইনে কলদে, “না, মুই ন-হেম্‌।” মাত্তর্‌ তা মানুচ্চুনে সে মিলেমানুচ্চো সমারে অমকদ কোজোলী গরা ধুরিলাক্। যেরেন্দি তে তারার কধানি শুনিলো আর মাদিত্তুন্‌ উদিনে খাদত্‌ বঝিলো।