ইষ্টের 1:10 - Chakma Bible

^10-11 সাত দিনোত্‌ রাজা অহশ্বেরশে আংগুর-রস হেইনে অমকদ হুজি ওই উদিলো আর মহূমন, বিস্থা, হর্বোণা, বিগ্‌থা, অবগথ, সেথর আর কর্কস নাঙে তার্‌ সাতজন সেবাগুরিয়্যেরে উগুম্‌ দিলো যেনে রাণী বষ্টীরে রাজমুকুট পিনেইনে তা মুজুঙোত্‌ আনা অয়। রাণী চাদে দোল এলঅ বিলিনে রাজা মানুচ্চুনোর্‌ আর দাঙর্‌ পোজিশনর্‌ কামগুরিয়্যেগুনোর্‌ মুজুঙোত্‌ তার্‌ দোলান্‌ দেগেবাত্তে চেইয়্যে।

ইষ্টের 1:10 Iomraidhean Croise

পত্থম 43:34

যোষেফে তার্‌ নিজো টেবিলোত্তুন্‌ কিজু হানা ভেইয়ুনোরে দিবার্‌ বেবস্থা গুরিলো। অন্য যে কনঅ ভেইয়োত্তুন্‌ বিন্যামীনোরে পাজ্‌গুন্‌ বেজ্ দিয়্যে অলঅ। এবাবোত্যেগুরি তারা যোষেফ লগে হানা-বীনে গুরিলাক্। বেজগুরি আংগুর্‌ রস্‌ হেইনে তারা হুজি অলাক্।

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

ইষ্টের 1:9

রাজা অহশ্বেরশর রাজঘরত্‌ রাণী বষ্টীয়ো মিলেগুনোত্তে এক্কো হানা দিলো।

ইষ্টের 3:15

রাজার উগুম্‌ পেইনে হবর্‌-বোইয়্যেগুনে যাদিমাদি নিগিলি গেলাক্‌ আর শূশনর্ তাম্বুলত্‌অ সেই উগুমান্‌ জানেই দিয়্যে অলঅ। সে পরেন্দি রাজা আর হামনে আংগুর-রস হেবাত্তে বজিলাক্‌ আর ইন্দি শূশন শঅর ভিদিরে কিজিক্-কাজাগ্ পড়ি গেলঅ।

ইষ্টের 7:9

সেক্কে হর্বোণা নাঙে রাজার এক্কো সেবাগুরিয়্যে কলঅ, “হামনর ঘরত্‌ পঞ্চাশ আত্ অজল্‌ এক্কান্‌ ফাসির গাজ্‌ ঠিগ্‌ গোজ্যে আঘে। মর্দখয়, যিবে রাজার পরাণান রোক্ষ্যে গুরিবাত্তে হবর্‌ দিয়্যে তাত্যেই হামনে সিয়েন্‌ বানেয়্যে।” রাজা কলঅ, “সিয়েন উগুরে তারে ফাসি দুয়ো।”

গম্ উপদেজ্ 20:1

যে মানুচ্চো আংগুর-রস হেইনে মাত্তল্ অয় তে ঠাট্টা-মশ্‌কারি গরে, আর যিবে মদ হায় তে অমকদ কোল্-কোজ্যে গরে; ইয়েনি হেইনে যে মাত্তল্ অয় তে জ্ঞানি নয়।

গম্ উপদেজ্ 31:4

ও লমূয়েল, রাজাগুনোর তপ্পে, অয়, রাজাগুনোর তপ্পে আংগুর-রস হানা যগাজ্যে নয়; মদ্ হেবাত্তে চানা শাজন্‌গুরিয়্যেগুনোর তপ্পে যগাজ্যে নয়।

উপদেশক 10:19

আজিহুজিত্তে হানার্ যুক্কোল্ গরা অয়; আংগুর-রস্‌চানে জিংকানিত্ হুজি আনে; টেঙা-পোজে বেক্কানি যুগেই দে।

বিচের গুরিয়্যেগুন 16:25

পরেন্দি তারা হুজি ওই উদিনে ইয়েন কোইনে জগার্‌ পারিলাক, “শিম্‌শোনরে নিগিলেনে আনা ওক্‌; আমি তামাজা চেবং।” সেনত্তেই তারা হ্‌জদত্তুন্‌ শিম্‌শোনরে নিগিলেই আনিলাক্‌ আহ্‌ শিম্‌শোনে তারারে তামাজা দেগা ধুরিলো। তারা শিম্‌শোনরে খুদোগুনোর সংমোধ্যে থিয়্যেই রাগেলাক্‌।

বিচের গুরিয়্যেগুন 19:6

সেনত্তেই তারা দ্বিজনে হানা-দানা গুরিবাত্তে বুঝিলাক্‌। মিলেবোর বাপ্পো কলঅ, “এচ্চ্যে রেত্তো থাগঅ আর এক্কেনা রঙ্গ-ফুর্তি গরঅ।”

রূত 3:7

হানা-দানার পরেন্দি বোয়সর মনান্‌ যেক্কে খুজি অলঅ সেক্কে তে থুবেই-রাগেয়্যে শোজ্যর এক কিত্তেন্দি যেইনে ঘুমোত্‌ পুরিলো। রূতে চুবে চুবে যেইনে তা টেঙ উগুরেত্তুন কাবড়ান্‌ সোরেইনে সিয়োত্‌ ঘুমোত্‌ পুরিলো।