ইফিষীয় 6:4 - Chakma Bible

⁴ তুমি যিগুনে বাপ, তুমি তমার পুয়ো-ছাগুনোরে তোচ্চ্যে ন-লাগেইয়ো, বরং প্রভুর শাসন আর শিক্ষ্যেই তারারে মানুচ্‌ গুরি তুলো।

ইফিষীয় 6:4 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

১ বংশধর 29:19

মর্ পুয়ো শলোমনরে এধোক্ক্যেন উজুউস্যে মান্‌জ্য মন দান গুরিচ্‌ যেনে তে তঅ উগুমানি, তঅ কধানি আর তঅ সুদোমানি পালেই পারে আর মুই যে পাক্কা ঘরান্‌ বানেবার্‌ যুক্কোল গোজ্যং সিয়েন্‌ বানেই পারে।”

গম্ উপদেজ্ 19:18

তঅ পুয়োবোরে শামালা, কিত্তে সিয়েনত্ আজা আঘে; তা মরণান্ ঘোদেবাত্তে ন-চেয়ো।

গম্ উপদেজ্ 22:15

ঝি-পুয়োগুনো মনত্ ভুলানি যেন ন-থায়, মাত্তর্ শাজনর্ লাদিবো তাত্তুন্ দূর্ গুরি দে।

গম্ উপদেজ্ 22:6

ঝি-পুয়োগুনোর দরকার মজিম্ তারারে শিক্ষ্যে দুয়ো, তে বুড়ো ওই গেলেয়ো সিয়েনত্তুন্ সুরি ন-যেবঅ।

গম্ উপদেজ্ 29:15

সংশোধন কধা আর শাজন্‌ গুরিবার লুদিক্কো জ্ঞান দান গরে, মাত্তর্ যে পুয়োবোরে শাজন্‌ গরা ন-অয় তে তার মাবোরে লাজ্ দে।

গম্ উপদেজ্ 29:17

তঅ পুয়োবোরে শাজন্‌ গর্, সেক্কে তে তরে গমেডালে রাগেব আর তঅ পরাণানত্ হুজি দিবো।

যিশাইয় 38:19

বানা জেদাগুনে, জেদাগুনে তরে নাঙ্ গিনোন্ যেধোক্ক্যেন এচ্চ্যে মুই নাঙ্ গিনোঙর্; বাব্‌পো তা পুয়োগুনোরে তর্ এগেম কধা কোই থায়।‌

ইফিষীয় 6:3

যেন তর্ মংগল অয় আর তুই ভালোক্ দিন সং এ পিত্‌থিমীত বাঁজি থেই পারচ।”

দ্বি’লম্বর বিররণ 4:9

যেদক্‌দিন তুমি বাঁজি থেবা সেদকদিন সং তুমি গমেডালে থেবা আর নিজো উগুরে কড়া নজর্‌ রাগেবা যেনে তুমি চোগেন্দি যিয়েনি দেগর্‌ সিয়েনি ভুলি ন-যঅ আর তমার্‌ মনত্তুন্‌ সিয়েনি বাদ ন-যায়। এ বেক্কানি তুমি তমার্‌ ঝি-পূঅগুনোর্‌ আর সিগুনোর্‌ পরেন্দি তারার্‌ ঝি-পূঅগুনোরে শিগেবাক্‌।

দ্বি’লম্বর বিররণ 6:7

তমার ঝি-পূঅগুনোরে তুমি বার্‌ বার্‌ সিয়েনি শিগেবা। ঘরত্‌ বৈ থেবার্‌ অক্তত্‌, পধন্দি যেবার্‌ অক্তত্‌, ঘুমেবার্‌ অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি এ বেপারানিলোই তেম্মাং গুরিবা।

কলসীয় 3:21

তুমি যিগুনে বাব্, তমার পুয়ো-ছাগুনোর্ মনানি যাগুলুগ্ গুরি ন-দুয়ো, যেন তারা মন্‌মরা ন-অন্।

২ তীমথিয় 1:5

তঅ মনত্ যে ঘেচ্চ্যেকগুরি বিশ্বেজ্ আঘে সে কধাগান্অ মঅ মনত্ আঘে। এ বিশ্বেজ্‌চান আগে তর্ নানু লোয়ীর আর তর্ মা উনীকীর মনত্ এলঅ, আর মুই ঘেচ্চ্যেকগুরি হবর্ পাং, এ বিশ্বেজ্‌চান তঅ মনত্‌অ আঘে।

২ তীমথিয় 3:15

চিগনত্তুন্ ধুরিনে তুই পবিত্র বোইবোত্তুন্ শিক্ষ্যে পেইয়োচ্। আর এ পবিত্র বোইবো তরে খ্রীষ্ট যীশু উগুরে বিশ্বেজর্ মাধ্যমে পাপত্তুন্ উদ্ধোর্ পেবাত্যে জ্ঞান দি পারে।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

বিচের গুরিয়্যেগুন 13:12

মানোহ তারে পুযোর্‌ গুরিলো, “তঅ কধাগান যেক্কে হামাক্কাই অবঅ সেক্কে কিঙিরিনে পূঅবো জীংকানিগান কাদেব আর তার কামান বা কি অবঅ?”