ইফিষীয় 6:23 - Chakma Bible

²³ বাবা গোজেনে আর প্রভু যীশু খ্রীষ্ট ভেইয়ুনোরে শান্তি, বিশ্বেজ্ আর কোচ্‌পানা দান গোরোক্।

ইফিষীয় 6:23 Iomraidhean Croise

পত্থম 43:23

সে সদ্দার্‌বো কলঅ, “বেক্কানি ঠিগ্‌ আঘে, ন-দোরেয়ো। তমার্‌ আর তমা বাপ্পোর্‌ গোজেনে সেই দানুন্‌ তমা বস্তাগুনোত্‌ থোই দিয়্যে। তমা টেঙাগুন্‌ মুই পেইয়োং।” ইয়েন্‌ কোইনে তে শিমিয়োনরে নিগিলেনে তারা মুজুঙোত্‌ আনিলো।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

রোমীয় 15:33

শান্তিদিয়্যে গোজেনে তমা বেক্কুনো সমারে সমারে থোক্। আমেন।

১ করিন্হীয় 1:3

আমা বাবা গোজেন আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

গালাতীয় 6:16

যিগুনে এ সুদোমত্ চলন্ তারার্, অত্তাৎ গোজেনর্ আজল্ ইস্রায়েলীয়গুনোরে তে শান্তি আর দোয়্যে দান গোরোক্।

ইফিষীয় 6:24

আমা প্রভু যীশু খ্রীষ্ট উগুরে যিগুনোর্ থির্ কোচ্‌পানা আঘে সিগুনোর্ বেক্কুনো উগুরে গোজেনর্ দোয়্যে থোক্।

১ থিষলনীকীয় 5:8

মাত্তর্ আমি দিনোর মানুচ্‌; সেনত্যে বুক্ রোক্ষ্যে গুরিবাত্যে বিশ্বেজ্ আর কোচ্‌পানালোই বুক্ ঢাগিনে আর মাধা রোক্ষ্যে গুরিবাত্যে উদ্ধোরর্ নিচ্চয়তা মাধাত্ দিইনে এজঅ, আমি নিজোরে দোঙেই রাগিই।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

২ থিষলনীকীয় 3:16

শান্তিদিয়্যে প্রভু নিজে নিত্য তমারে শান্তি দান গোরোক্। প্রভু তমার বেক্কুনো সমারে থোক্।

১ তীমথিয় 1:14

আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

১ তীমথিয় 1:3

মুই ম্যাসিডোনিয়াত্ যেবার সময়োত্ তরে যিয়েনি কোইয়োং ইক্কিনিয়ো সিয়েনি কঙর্-তুই ইফিষ শঅরত্ থাগ্, যেনে কয়েক্কো মান্‌জ্যরে নিদ্দেচ্‌ দি পারচ যেন তারা আর ভুল্ শিক্ষ্যে ন-দুয়োন।

১ তীমথিয় 5:8

যে নিজো কুদুম্মোগুনোরে, বিশেষ গুরিনে নিজো পরিবারর্ দেগাশুনো ন-গরে, তে তারে দিইনে তা বিশ্বেজ্‌চানরে অস্বিগের্ গোজ্জ্যে; তে অবিশ্বেজিত্তুন্‌অ বেশ্ বজং।

১ পিতর 5:14

কোচ্‌পানার মনভাব্‌পোই তুমি একজন আরেকজনরে পাত্তুরু তুরু জানঅ। তুমি যিগুনে খ্রীষ্টর্ নিজো মানুচ্ ওইয়ো, তমার শান্তি-ওক্‌।

৩ যোহন 1:14

আজা গরং যাদিমাদি তরে দেগিম্, আর সেক্কে মুজুঙোমুজুঙি ওইনে আমি কধা কোই পারিবোং।

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।