ইফিষীয় 6:2 - Chakma Bible

² পবিত্র বোইবোত্ পত্তম্ যে উগুমো সমারে এগেমান্ আঘে সিয়েন এই-“তমা মা-বাবরে সর্মান গরঅ,

ইফিষীয় 6:2 Iomraidhean Croise

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

গম্ উপদেজ্ 20:20

যিবের কধালোই মা-বাব উগুরে ভোক্তি ন-থায়, ঘুর্‌ঘুজ্যে আন্ধারত্ তা জিংকানিগান মিলেই যেবঅ।

যিরমিয় 35:18

ইয়েনর্ পরেদি যিরমিয় রেখবীয়গুনোরে কলঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “তুমি তমার পুরোণি মানুচ্ যিহোনাদবর উগুম পালর্ আর তার বেক্ উগুম মজিম্ চলর্ আর তার উগুম মজিম্ বেক কামানি গোজ্য।

যিরমিয় 35:7

ইয়েনবাদেয়ো তুমি কনদিন্‌অ ঘর্ ন-বানেবা, বিজি ন-ফেলেবা বা আংগুর-খেত্ ন-কিনিবা বা চাষ ন-গুরিবা; মাত্তর্ নিত্য তাম্বুলোত্ বজত্তি গুরিবা। সালে তুমি যে দেজত্ বিদেশীগুনো ধোক্ক্যেন থেবা সিদু ভালোক্ দিন থেই পারিবা।’

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

রোমীয় 13:7

যার্ যিয়েন পাওনা তারে সিয়েন দে। যে খাজানা তুলে তারে খাজানা দে; যে সরকারি কর্ তুলে তারে সরকারি কর্ দে; যারে শ্রদ্ধা গরানা উচিত্ তারে শ্রদ্ধা গরঅ; যারে সর্মান গরানা উচিত্ তারে সর্মান গরঅ।

ইফিষীয় 6:3

যেন তর্ মংগল অয় আর তুই ভালোক্ দিন সং এ পিত্‌থিমীত বাঁজি থেই পারচ।”

দ্বি’লম্বর বিররণ 27:16

সে মানুচ্চো অভিশাবখেইয়্যে, যে মাবোরে বা বাবরে অসর্মান গরে। সেক্কে বেক্কুনে কবাক, আমেন।

দ্বি’লম্বর বিররণ 5:16

তমা গোজেন লগেপ্রভুর্ উগুমানি মানিনে তুমি তমার্‌ মা-বাবরে সর্মান গুরি চলিবা। সেক্কে তমা গোজেন লগেপ্রভুর দিয়্যে দেজত্‌ তুমি ভালোক্‌ দিন বাঁজি থেবা আর তমার্‌ ভালেদি অবঅ।

১ তীমথিয় 5:4

মাত্তর্ কনঅ রানী মিলের্ যুনি পুয়ো-ছা বা নাঢিন্ থায় সালে সেই পুয়ো-ছাগুনে বা নাঢিনুনে যেন পত্তমে নিজো পরিবার উগুরে কাম্ গুরিনে গোজেন ভোক্তি দেগাদে শিগোন্। এবাবোত্যেগুরি তারা তারার্ বাপ-দাদাগুনোর্ কোচ্‌পেইয়্যের্ দোয়্যে-মেয়্যেনি সুজিই পারিবাক্, আর ইয়েনিলোই গোজেনে হুজি অয় ।