ইফিষীয় 6:12 - Chakma Bible

¹² আমার্ এ যুদ্ধোগান দঅ কনঅ মান্‌জ্যর বিরুদ্ধে নয়, বরং সিয়েন আন্ধার রেজ্যর্ বেক শাসনগুরিয়্যে আর খেমতার্ অধিকারীগুনোর বিরুদ্ধে, আন্ধার জগদর্ খেমতাবলা আত্মাগুনোর্ বিরুদ্ধে, আর আগাজর্ বেক ভান্ন্যেই আত্মাগুনোর বিরুদ্ধে।

ইফিষীয় 6:12 Iomraidhean Croise

ইয়োব 2:2

লগেপ্রভু শদান্‌নোরে কলঅ, “তুই কুত্তুন্‌ এচ্ছোস্‌?” জোবত্‌ শদান্‌নো লগেপ্রভুরে কলঅ, “পিত্‌থিমীর ভিদিরে ইন্দি-উন্দি ঘুরিনে এলুঙ্‌।”

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মার্ক 4:19

মাত্তর্ সংসারর্ চিন্তে-ভাবনা, ধন-সোম্বোত্তির্ মেয়্যে আর অন্য জিনিজোর্ লুভ্ এইনে সেই কধানিরে চাপি রাগায়;

লূকে লেখ্যে গম্ হবর্ 13:24

চিগোন্ দুয়োরদি সুমিবাত্যে জদবদে চেষ্টা গরঅ। মুই তমারে কঙর্, ভালোক্‌জনে সুমিবাত্যে চেষ্টা গুরিবাক্ মাত্তর্ ন-পারিবাক্।

লূকে লেখ্যে গম্ হবর্ 22:53

মুই পত্তিদিন তমা লগে উবোসনা-ঘরত্ এলুং, মাত্তর্ সেক্কে দঅ তুমি মরে ধুরিবাত্যে চেষ্টা ন-গরঅ। মাত্তর্ ইক্কিনে দঅ তমার ধুরিবার সময়; আন্ধারর্ খেমতা ইক্কিনে দেগা যার্।”

যোহন 12:31

এ জগদ মানুচ্চুনোর্ বিচের সময় এবেরা এচ্চ্যে, আর জগদর্ গিরোজ আঢত্তুন্ ইক্কিনে রাজাগিরি কাড়ি নেযা অবঅ।

যোহন 14:30

মুই তমা সমারে আর বেশ্ কধা ন-কোম্, কিয়া জগদর্ গিরোজ্‌সো এজের্। মঅ উগুরে তার্ কনঅ অধিকার্ নেই।

যোহন 16:11

বিচের পৌইদ্যেনে চেতনা দিবো, কিয়া জগদ গিরোজর্ বিচের্ ওই যেইয়্যে।

রোমীয় 8:38

মুই এ কধাগান্ গমেদালে কোই পারং, মরণ্ বা জিংকানি, স্বর্গদূত্ বা শদানর্ দূত, ইক্কিনে বা ভবিচ্চদর্ কনঅ কিজু বা অন্য কনঅ বাবোত্যে খেমতা,

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

২ করিন্হীয় 11:14

ইয়েনত্ আমক্ অবার্ কিচ্চু নেই, কিয়া শদানেয়ো নিজোরে পহ্‌রত্ জদবদে স্বর্গদূত্ বিলিনে দেগেবার্ আজায় নিজোরে বুদুলি ফেলায়।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

ইফিষীয় 1:21

আগাজত্ যিগুনো আঢত্ বেক্ শাসন, খেমতা, বল্ আর রাজাগিরি আঘে তারারে তে খ্রীষ্টর্ অধীন গোজ্জ্যে। আর যিবেরে যে নাঙ্ দিয়্যে অদঅ সাৎ, সিয়েন তে এ যুগোত্ ওক্‌ বা এজেত্তে যুগোত্ ওক্‌, বেক্‌ নাঙান উগুরে খ্রীষ্টর্ নাঙান্।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

ইফিষীয় 2:2

জগদর্ চিন্তেধারা অনুসারে তুমিয়ো এক সময় সেই অবাধ্যত্যে আর পাপে আঢাউদো গত্তা। যে আত্মাগান আগাজর্ খেমতাবলাগুনোর রাজা সেই পাজি আত্মাগানে গোজেনর্ অবাধ্য মানুচ্চুনো ভিদিরে কাম গরের্, আর তুমি সেই আত্মাগানর্ পিজে পিজে চলিদা।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

২ তীমথিয় 2:5

সেবাবোত্যে গুরি জিদেজিত্যে খারাত্ মিজেইনে কেঅ যুনি সুদোম মজিম ন-খেলে সালে তে জিদেনার্ মালাবো ন-পায়।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

ইব্রীয় 12:4

পাপর্ বিরুদ্ধে যুদ্ধো গত্তে গত্তে তমার দঅ এজঅ লো ঝরেদে ধোক্ক্যেন অবস্থা ন-অয়।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।