ইফিষীয় 6:1 - Chakma Bible

¹ পুয়ো-ছা লগ্, প্রভু যেধোক্ক্যেন চায় সেধোক্ক্যেন গুরি তুমি মা-বাবর্ বাধ্য ওইনে চলঅ, কিয়া সিয়েনই অনা উজিত্।

ইফিষীয় 6:1 Iomraidhean Croise

পত্থম 28:7

এষৌ দেগিলোদে, যাকোবে তা মা-বাবঅ কধামজিম্‌ পদ্দন-অরামত্‌ গেলগোই।

পত্থম 37:13

সেক্কে একদিন্যে ইস্রায়েলে যোষেফরে কলঅ, “তঅ ভেইয়ুনে শিখিমোত্‌ ছাগল আর ভেড়া ছাগল ঝাক্ চরাদন্। মুই চাং যেন তুই তারা ইধু যাচ্।” যোষেফে কলঅ, “ঠিগ আঘে, মুই যেম্।”

পত্থম 48:12

সেক্কে যোষেফে তা বাব ইত্তুন্‌ তা পুয়োগুনোরে সোরেইনে মাদিত্‌ মাঢা নিগিরিনে তা বাবরে জু জু দিলো।

পত্থম 50:12

ইস্রায়েল তা পুয়োগুনোরে যিয়েনি গুরিবাত্তে কোইয়্যে সিয়েনি তারা গুরিলাক্।

নহিমিয় 9:13

তুই সিনাই মুড়োবোর্‌ লামি এচ্ছ্যস্‌ আর স্বর্গত্তুন্‌ তারার্‌ লগে কধা কোইয়োচ্‌। সে অক্তত্‌ তুই ন্যায্য উগুম্‌, দোল্‌ রীদি-সুুদোম আর দোল্‌ সুদোম্‌ আর উগুম্‌ তারারে দুয়োচ্‌।

ইষ্টের 2:20

ইষ্টেরে মর্দখয়র কধামজিম্‌ তা বংশ পরিচয় আর জাদর্‌ কধা লুগেল। ইষ্টেরে মর্দখয়র ইদু লালন-পালন অবার্‌ অক্তত্‌ যেধোক্কেন্‌ মর্দখয়র কধামজিম্ চলিদো সেক্কেয়ো তে সেধোক্কেন্‌ চলিদো।

ইয়োব 33:27

তে সেক্কেনে মান্‌জ্য ইদু এইনে কবঅ, মুই পাপ গোজ্যং আর যিয়েন ঠিগ্ সিয়েনর্ উগুদো গোজ্যং, মাত্তর্ মর্ পাইদে সাজাগান্ মুই ন-পাং।

গীতসংহিতা 119:128

তর্ বেক সুদোমানি মুই ঠিগ্ বিলিনে মনে গরং, আর বেক মিজে পধ্‌থানি মুই গম ন-পাং।

গীতসংহিতা 119:75

ও লগেপ্রভু, মুই হবর্ পাং তর্ সুদোমানি অমকদ গম্; তুই বিশ্বেজি বিলিনে মরে দুঘ্ দুয়োচ্।

গীতসংহিতা 19:8

লগেপ্রভুর বেক্ সুদোমানিয়ে উজু পধেদি চালায় আর মনানরে হুজি রাগায়। লগেপ্রভুর উগুমান খাটি, সিয়েনে মনানরে ফোট্‌‌ফোট্যে রাগায়।

গম্ উপদেজ্ 1:8

পুয়োবো মর্, তুই তঅ বাব্‌‌পো উপদেজ শুনিচ্; তর্ মা দিয়্যে শিক্ষ্যেনি ভুলি ন-যেচ্।

গম্ উপদেজ্ 23:22

তঅ বাবঅ কধা শুন্ যিবে তরে জর্ম দিয়্যে; তর্ মাবো বুড়ো ওই গেলে তারে ঈচ্ ন-গুরিচ্।

গম্ উপদেজ্ 30:11

এবাবোত্যে বোউত্ মানুচ্ আগন্ যিগুনে এধোক্ক্যেন্- তারা বাবরে অভিশাব্ দুয়োন আর মাবোর্ মংগল ন-চান্,

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

গম্ উপদেজ্ 6:20

মঅ পুয়োবো, তুই তঅ বাবঅ উগুমান পালা, আর মাবোর দিয়্যে শিক্ষ্যেনি পুরি ন-ফেলেচ্।

যিরমিয় 35:14

রেখবর পুয়ো যিহোনাদবে তা পুয়োগুনোরে আংগুর-রস হেবাত্তে মানা গোজ্যে আর সেই উগুমান তারা পালাদন্। এজঅ সং তারা আংগুর-রস ন-হান, কিত্তে তারা তারার পুরোণি মানুচ্চুনোর উগুমান মানন্। মাত্তর্ মুই তমারে বারে বারে কোইয়োং, তো তুমি মঅ কধাগান ন-শুনো।

যিরমিয় 35:18

ইয়েনর্ পরেদি যিরমিয় রেখবীয়গুনোরে কলঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “তুমি তমার পুরোণি মানুচ্ যিহোনাদবর উগুম পালর্ আর তার বেক্ উগুম মজিম্ চলর্ আর তার উগুম মজিম্ বেক কামানি গোজ্য।

যিরমিয় 35:8

আমা পুরোণি মানুচ্ রেখবর পুয়ো যিহোনাদবে আমারে যিয়েনি উগুম গোজ্যে আমি সিয়েনি বেক্কানি পালেই এজির্। আমি, আমা মোগ্ বা ঝি-পুয়োগুন কনজনে কনদিন্‌অ আংগুর-রস ন-হান,

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লূকে লেখ্যে গম্ হবর্ 2:51

ইয়েনর্ পরেদি যীশু তারা লগে নাসরদত্ ফিরি গেলঅ আর মা-বাবর্ বাধ্য ওইনে রলঅ। তা মাবো ইয়েনি বেক্কানি মনত্ রাগেল।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

রোমীয় 16:2

গোজেন মানুচ্চুনোরে যেবাবোত্যেগুরি আপন গুরি নেযানা উচিত তারে তুমি প্রভুর্ নাঙে সেবাবোত্যেগুরি আপন গুরি লোইয়ো। কনঅ পৌইদ্যেনে যুনি তে তমার সাহায্য চায় সালে তারে সাহায্য গোজ্জ্য, কিয়া তে বোউত্ মান্‌জ্যরে, এমন্‌ কি মরেয়ো, সাহায্য গোজ্জ্যে।

রোমীয় 7:12

মাত্তর্ এ কধাগান্ ঠিগ্ যে, আইন-কানুনানি পবিত্র আর তার্ উগুমানিয়ো পবিত্র, ঠিগ্ আর উপকারি।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

দ্বি’লম্বর বিররণ 21:18

যুনি কারঅ পূঅ একবুস্যে আর শাজন্ ন-মানিয়ে অয়, যুনি তে কনমতে মা-বাবর্‌ কধানি ন-শুনে আর তারার্‌ শাজন ন-মানে,

১ তীমথিয় 5:4

মাত্তর্ কনঅ রানী মিলের্ যুনি পুয়ো-ছা বা নাঢিন্ থায় সালে সেই পুয়ো-ছাগুনে বা নাঢিনুনে যেন পত্তমে নিজো পরিবার উগুরে কাম্ গুরিনে গোজেন ভোক্তি দেগাদে শিগোন্। এবাবোত্যেগুরি তারা তারার্ বাপ-দাদাগুনোর্ কোচ্‌পেইয়্যের্ দোয়্যে-মেয়্যেনি সুজিই পারিবাক্, আর ইয়েনিলোই গোজেনে হুজি অয় ।

১ পিতর 2:13

তুমি প্রভু উগুরে বাধ্য ওইনে মান্‌‌জ্যর্ বানেয়্যে শাসনগুরিয়্যে গুনোর অধীনতা স্বীগের্ গরঅ। সম্রাটে বেক্কুনোর আজল্ বিলিনে তার অধীনোত্ থাগঅ;

রূত 3:5

জোবত্‌ রূতে কলঅ, “তুই যিয়েনি কবে, সিয়েনি বেক্কানি মুই গুরিম।”

১ শমূয়েল 17:20

দায়ূদে বেন্যেপোত্যে উদিনেই আরেকজন য়েমান চোড়েইয্যের্‌ আঢত্‌ তার ভেড়াছাগল পালুনোর ভারান্‌ দিলো। সে পরেন্দি যিশয়র উগুম মজিম তে বেক্‌ পযাপিরানি নেযেইনে আদা মারিলো। তে যেক্কে তাম্বুলো ইদু লুমিলো সেক্কে ইস্রায়েলীয় সৈন্যগুনে সুর্ বুধিনে যুদ্ধোর কিজেক্ দেদে দেদে নিগিলি যাদন্‌।