ইফিষীয় 5:3 - Chakma Bible

³ কনঅ বাবোত্যে সিনেলী, অসিজি আর লুভোর্ কধা যেন তমা ইধু শুনো ন-যায়, কিয়া এ বেক্‌ কধানি গোজেন মানুচ্চুনোর ন-মানায়।

ইফিষীয় 5:3 Iomraidhean Croise

গীতসংহিতা 10:3

পাজি মান্‌‌জ্যে তার্ মনর্ ভান্ন্যেই আওজর্ বার্‌বো গরে; লুভি মান্‌‌জ্যে লগেপ্রভুরে অভিশাব দে আর তারে ঈচ্ গরে।

গীতসংহিতা 119:36

ভান্ন্যেয়ন্দি মঅ মনান যেনে ন-ফিরে, তঅ কধা মজিম তুই মঅ মনান ফিরেই দে।

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 20:17

“অন্য মান্‌জ্যর্‌ ঘর-দুয়োর্‌, মোক্‌, চাগর-চাগরানী, গোরু-গাধা বা আরঅ কনঅ কিজু উগুরে লুভ্‌ ন-গোজ্য।”

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

গম্ উপদেজ্ 28:16

যে শাজন্ গুরিয়্যেবোর বিচের বুদ্ধি নেই তে অমকদ অত্যেচার গরে; যে শাজন্ গুরিয়্যেবো লুভ গরানা ঘিনেই তে ভালোক্‌দিন বাঁজি থায়।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

লেবীয় 15:18

কনঅ মরদ যেক্কে কনঅ মিলেমান্‌জ্যলোই ঘুম যায়্‌ সেক্কে লের্‌ নিগিলিলে দ্বিজনত্তুন্‌ পানিলোই গাদা পুরিবো, আর তারা সাজোন্যে সং ফি-বলা অবস্থায় থেবাক্।

মীখা 2:2

তারা খেত্-খামারত্ আর ঘর উগুরে লুভ গুরিনে সিয়েনি কাড়ি নেযান্। তারা মান্‌‌‌‌জ্যরে ঠোগেইনে তারা ঘরানি আর তারা জাগা-ভূইয়ানি নেযান্।

গণাণা 25:1

শিটীম শঅর ইদু থেবার সময় ইস্রায়েলীয়গুনে মোয়াবীয় মিলেগুনো সমারে সিনেলী আরাম্ভ গোজ্যন্‌।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

লূকে লেখ্যে গম্ হবর্ 12:15

সে পরেদি যীশু মানুচ্চুনোরে কলঅ, উজিয়ার্! নানান্ বাবোত্যে লুভোত্তুন্ নিজোরে রোক্ষ্যে গরঅ, কিয়া সয়-সাগর্ সম্বোত্তি থানা মান্‌জ্য জিংকানিত্ বেক্কুনত্তুন্ দরকারী বেপার নয়।

লূকে লেখ্যে গম্ হবর্ 16:14

এ বেক্‌ কধানি শুনিনে ফরীশীগুনে যীশুরে ঠাট্টা গরা ধল্ল্যাক্, কিয়া তারা টেঙা-পৌইজ্যে বেশ্ কোচ্‌পেদাক্।

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

রোমীয় 1:29

নানান্ বাবোত্যে অন্যেয়, ভান্ন্যেই, লুভ্, নীচুতা, ইংসে, খুন্, মারামারি, ছলনা আর অন্যরে ক্ষতি গুরিবার আয়োজে তারা যুক্কোল্।

রোমীয় 16:2

গোজেন মানুচ্চুনোরে যেবাবোত্যেগুরি আপন গুরি নেযানা উচিত তারে তুমি প্রভুর্ নাঙে সেবাবোত্যেগুরি আপন গুরি লোইয়ো। কনঅ পৌইদ্যেনে যুনি তে তমার সাহায্য চায় সালে তারে সাহায্য গোজ্জ্য, কিয়া তে বোউত্ মান্‌জ্যরে, এমন্‌ কি মরেয়ো, সাহায্য গোজ্জ্যে।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

১ করিন্হীয় 10:8

তারা ভিদিরে ভালোকজনে বেভিচের্ গরানার্ ফলে এক দিনোত তেইশ্ আজার মানুচ্‌ মুরি যেয়োন। আমি যেন সেবাবোত্যে বেভিচের্ ন-গুরিই।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

১ করিন্হীয় 6:18

বেক্ বেভিচারানিত্তুন্ ধেই যঅ। মানুচ্‌ অন্য যেদক্কানি পাপ্ গরন্ সিয়েনি তার্ কিয়্যের্ বারেদি গরন্, মাত্তর্ যে বেভিচের্ গরে তে নিজোর্ কিয়্যের্ বিরুদ্ধে পাপ গরে।

২ করিন্হীয় 12:21

মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

ইফিষীয় 5:12

কিয়া মান্‌জ্যর ভিদিরে ভিদিরে গোজ্জ্যে এ বেক্‌ কামর্ কধানি কনায়ো লাজর্ বেপার।

ইফিষীয় 5:5

তুমি খামাক্কায় কোই পারঅ, যিগুনে সিনেলী গরন্, যিগুনে অসিজি আর যিগুনে লুভী, অত্তাৎ যিগুনোরে এক বাবোত্যে মূত্তি পুজো গুরিয়্যে কুয়ো যায় খ্রীষ্টর আর গোজেন রেজ্যত্ তারার কনঅ অধিকার নেই।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

১ থিষলনীকীয় 4:3

গোজেনর্ আওজ্‌চান ইয়েন-তুমি পবিত্র অ, অত্তাৎ নানান্ বাবোত্যে সিনেলীত্তুন্ দূরোত্ থাগঅ,

১ থিষলনীকীয় 4:7

কিয়া গোজেনে ফি-বলা ওইনে চলিবাত্যে আমারে ন-ডাগে, পবিত্র গুরি চলিবাত্যে ডাক্ক্যে।

১ তীমথিয় 2:10

সিয়েনর্ বদলে যেন তারা গম গম কাম্বোই নিজোরে সাজান্। যে মিলেগুনে নিজোরে গোজেন-ভক্ত কোই থান্ সেই মিলেগুনোত্যে সিয়েনই অবঅ যগাজ্জ্যে কাম্।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

২ তীমথিয় 3:2

মান্‌জ্যে বানা নিজোরে কোচ্‌পেবাক্, টেঙার্ লুভি অবাক্, বাড়্ গুরিবাক্, বেক্কুনোরে থেঝেরা মারিবাক্, বেক্কুনোরে বদ্‌নাঙ্ গুরিবাক্, আর মা-বাবর্ অবাধ্য অবাক্। তারা অকৃতজ্ঞ আর ভোক্তি নেইয়্যে অবাক্,

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।

ইব্রীয় 12:16

চঅ, কেঅ যেন এষৌ ধোক্ক্যেন নীতি নেইয়্যে বা গোজেন উগুরে ভোক্তি নেইয়্যে ন-অন্। এষৌ এক সাচ্ হানাত্যে দাঙর্ পুয়োবোর্ অধিকারান্ বেজি দিয়্যে।

যিহোশূয় 7:21

মুই লুদেয়্যে মাল ভিদিরে শিনিয়র দেজর দোল্‌ এক্কান কাবড়্‌, প্রায় আড়ি কেজি রূবো আর ছয়শ গ্রাম ওজনর্ এক্কান সনার কট্টা দেগিনে লুভ্‌ সামেলেই ন-পারিনে সিয়েন নেযেয়োং। সিয়েনি মঅ‌ তাম্বুলান ভিদিরে মাদিত্‌ তলে লুগেয়্যে আঘে আর বেক্কানির তলেদি আগেদে রূবোনি।”

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

২ পিতর 2:14

তারার চোগ্‌কুন্ পরপাগোল্যেলোই ভরা আর তারা পাপ-কাম গরানা কনঅ দিনঅ ন-থামান। যিগুনে চুলুবুলু সিগুনোরে তারা লুভ্ দেগেইনে ভুল পধেদি নেযান্। তারার্ মনানি বানা লুভ গুরিবাত্যে শিক্ষ্যে। তারা উগুরে অভিশাব্ আঘে। তারা উজু পথ্‌তান ফেলেইনে ভুল পধেদি যেইয়োন।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।

ফগদাং পেইয়্যে 2:21

বেগেয়্যে গরানাত্তুন্ মনান্ ফিরেবাত্যে মুই তারে সময় দুয়োং মাত্তর্ তে মনান্ ফিরেবাত্যে রাজী ন-অয়।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

ফগদাং পেইয়্যে 9:21

ইয়েনিবাদে খুন, যাদুবিদ্যে, বেগেয়্যে আর চুর্-ইয়েনিত্তুন্ তারা মনানি ন-ফিরেলাক্।

১ শমূয়েল 8:3

মাত্তর্‌ তারা তারার বাপ্পো ধোক্ক্যেন ন-চলিদাক্। তারা অন্যেয়গুরিনে ধন সোম্বোত্তি পেবার্‌ আজায়্‌ গম্‌ পথ্‌তান্‌ ছাড়ি দিলাক্। তারা ঘুষ নেযেইনে গমানরে ভান্ন্যেই আর ভান্ন্যেইয়ানরে গম্‌ বিলিনে রায় দিদাক্।