ইফিষীয় 5:28 - Chakma Bible

²⁸ নেগ্‌কো যেধোক্ক্যেন নিজোর্ কিয়্যেগানরে কোচ্‌পায় ঠিগ্ সেধোক্ক্যেন গুরি নিজো মোগ্‌কোরেয়ো তার্ কোচ্‌পানা উচিত্। যে নিজোর্ মোগরে কোচ্‌পায় তে নিজোরে কোচ্‌পায়।

ইফিষীয় 5:28 Iomraidhean Croise

মথি লেখ্যে গম্ হবর্ 19:5

‘ইয়েনত্তে মানুচ্ মা-বাবরে ছাড়িনে তা মোগো সমারে এক্ ওইনে থেবাক্ আর তারা দ্বিজনর্ এক্কান্ কিয়্যে অবঅ’?

ইফিষীয় 5:25

তুমি যিগুনে নেগ্, খ্রীষ্ট যেধোক্ক্যেন গুরি মন্ডলীরে কোচ্‌পেইয়্যে আর সিয়েনত্যে নিজোরে দান গোজ্জ্যে ঠিগ্ সেধোক্ক্যেন তুমিয়ো বেক্কুনে মোগরে কোচ্‌পেইয়ো।

ইফিষীয় 5:29

কেঅ দঅ কনদিন নিজোর্ কিয়্যেগানরে ন-ঘিনায়, বরং তে তার্ কিয়্যেগানর্ ভরণ-পোষণ আর যত্তন্ গরে। ঠিগ্ সেবাবোত্যেগুরি খ্রীষ্টয়ো তা মন্ডলীর যত্তন্ গরে,

ইফিষীয় 5:31

পবিত্র বোইবোত্ লেগা আঘে, “ইয়েনত্যে মানুচ্‌ মা-বাবরে ছাড়িনে তা মোগো লগে এক ওই থেবাক্ আর তারা দ্বিজনে এক্কান কিয়্যে অবাক্।”

ইফিষীয় 5:33

মাত্তর্ যাক সেই বেক কধানি। তুমি পত্তিজনে নিজো মোগরে নিজো ধোক্ক্যেন কোচ্‌পেইয়ো; আর মোগর্-অ উচিত যেন তে নিজো নেগরে সর্মান গরে।

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।