ইফিষীয় 5:26 - Chakma Bible

^26-27 খ্রীষ্টর্ উদ্দেচ্চ্য অলঅ যেন তে মন্ডলীরে পবিত্র গুরিবাত্যে তার্ কধার মাধ্যমে পানিত্ ধোইনে মহিমালোই ভরা অবস্থায় নিজো মুজুঙোত্ আঝির্ গুরি পারে। সেলক্কে মন্ডলী ভিদিরে কনঅ কলংকর দাগ্, থুদো বা সেবাবোত্যে কনঅ কিজু ন-থেবঅ, বরং সিয়েন পবিত্র আর থুদোনেইয়্যে অবঅ।

ইফিষীয় 5:26 Iomraidhean Croise

যিহিষ্কেল 16:9

মুই তরে পানিলোই গাদে দিইনে তর্ লো-নি ধুয়োই দিলুং আর কিয়্যেত্ তেল গুলি দিলুং।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

লেবীয় 14:11

যে ধর্মগুরুবো তার্‌ সুদ্ধো-সাংগ অবার্‌ অনুষ্ঠানান্‌ গোজ্যে তে তারে আর উৎসর্বত্তে আন্যে তার্‌ জিনিস্‌চানি মিলন-তাম্বুলো দোরান ইদু লগেপ্রভু মুজুঙোত্ আঝিল্ গুরিবো।

লেবীয় 16:30

কিত্তে এ দিন্নোত্‌ তমার্‌ পাপ্পানি ঢাগি দিবার্‌ অনুষ্ঠান গুরিনে তমারে সুদ্ধো-সাংগ গুরি নেযা পুরিবো, আর যেরেন্দি তুমি লগেপ্রভু ইদু তমার বেক্‌ পাবত্তুন্‌ সুদ্ধো-সাংগ অবা।

লেবীয় 8:6

এ কধাগান্‌ কোইনে তে হারোণ আর তার্‌ পূঅগুনোরে মুজুঙোত্ নেযেইনে পানিলোই তারারে গাদেল।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

যোহন 13:10

যীশু তারে কলঅ, “যে গাত্ত্যে তার্ টেঙানি বাদে আর কিচ্চু ধবার্ দরকার্ নেই, কিয়া তার্ আর বেক্কানি সাব্ আঘে।

যোহন 15:3

মুই যে কধাগান্ তমারে কোইয়োং সিয়েনত্তে তুমি আগে সাব্ ওইয়ো।

যোহন 15:8

যুনি তমা জিংকানিত্ জদবদে গুলো ধরে আর এবাবোত্যেগুরি তুমি নিজোরে মঅ শিচ্চ্য বিলিনে প্রমাণ গরঅ সালে মঅ বাপ্পোর্ বাঈনী অবঅ।

যোহন 17:7

তারা ইক্কিনে বুঝি পাজ্জ্যন্, যিয়েনি তুই মরে দুয়োচ্ সিয়েনি তত্তুন্ এচ্চ্যে।

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

রোমীয় 10:8

গোজেনর্ মানি লোইয়্যে অনা পৌইদ্যেনে পবিত্র বোইবো আরঅ কয়, “গোজেনে যিয়েন কোইয়্যে সিয়েন তঅ সমারে আঘে, অত্তাৎ তঅ মুয়োত্ আর তঅ মনত্ আঘে।” যে বিশ্বেজর্ কধা আমি ফগদাং গুরির্ সিয়েন অলঅ গোজেনর্ সেই কধাগান্।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

২ করিন্হীয় 11:2

মুই তমাত্যে মঅ মনত্ গোজেনর্ দিয়্যে এক গভিন্ জ্বালায় জ্বলঙর্, কিয়া মুই বানা এক্কো জামেইয় সমারে, অত্তাৎ খ্রীষ্ট সমারে তমার্ মেলা পৌইদ্যেনে ঠিগ্ গুরি রাগেয়োং, যেন সতী মোগ্ ইজেবে তাইধু তমারে তুলি দি পারং।

ইফিষীয় 6:17

মাঢাগুন্ রোক্ষ্যে গুরিবাত্যে গোজেনর্ দিয়্যে উদ্ধোর্ মাঢাত্ দিইনে পবিত্র আত্মার্ ছুরি, অত্তাৎ গোজেনর্ কধানি মানি লঅ।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:14

কিয়া গোজেনর্ নাঙে যিগুনোরে যুদো গরা ওইয়্যে সেই এক্কো উৎসর্বলোই তে উমরত্যে তারারে পূর্ণতাগান দান গোজ্জ্যে।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 13:12

সেবাবোত্যে গুরি যীশুয়ো যিরূশালেম শঅরর্ বারেদি দুঘ্ পেইনে মোজ্জ্যে, যেন তার্ নিজোর্ লো-গান্দোই মান্‌জ্যরে পাপত্তুন্ সিজি গুরি পারে।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।

২ পিতর 1:9

যে মানুচ্চো ভিদিরে এই গুণানি নেই তে বেচ্‌ দূরোত্ ন-দেগিবো, তে কান্। তারে যে তার্ আগ পাপত্তুন্ সিজি গরা ওইয়্যে সিয়েন তে ভুলি যেইয়্যে।

১ যোহন 5:6

ইবেই যীশু খ্রীষ্ট, যিবে পানি আর লো-লোই এচ্চ্যে। বানা পানিলোই নয়, মাত্তর্ পানি আর লো-লোই এচ্চ্যে। পবিত্র আত্মাগানে এ পৌইদ্যেনে সাক্ষি দে, কিয়া তে নিজেই সত্য।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।