ইফিষীয় 5:25 - Chakma Bible

²⁵ তুমি যিগুনে নেগ্, খ্রীষ্ট যেধোক্ক্যেন গুরি মন্ডলীরে কোচ্‌পেইয়্যে আর সিয়েনত্যে নিজোরে দান গোজ্জ্যে ঠিগ্ সেধোক্ক্যেন তুমিয়ো বেক্কুনে মোগরে কোচ্‌পেইয়ো।

ইফিষীয় 5:25 Iomraidhean Croise

পত্থম 2:24

ইয়েনত্যে মান্‌জ্যে মা-বাবরে ছাড়িনে তারা মোক্কুনো লগে এগত্তর্ ওইনে থেবাক্ আর তারা এক্কান কিয়্যে অবাক্।

পত্থম 24:67

ইস্‌হাকে সেক্কে রিবিকারে তার মা সারার তাম্বুলোত্ নেযেল আর তারে মোক্‌ ইজেবে ললঅ। রিবিকার কোচ্‌পানাগানে মাবো মরানার্‌ পরেদিয়ো তারে ঠিগেই রাগেল।

২ শমূয়েল 12:3

মাত্তর্‌ সে নাঢা মানুচ্চোর্‌ আর কিচ্ছু ন-এলঅ, এলদে বানা এক্কো চিগোন পাদি-ভেড়া। তে সিবে কিনিনে পালার্‌। সিবে তার্‌ আর তা ঝি-পূঅগুনোর্‌ লগে থেইনে দাঙর্‌ ওই উদের্‌। নাঢা মানুচ্চো যিয়েনি হেদঅ পাদি ভেড়া ছঅবোয়ো সিয়েনি হেদঅ আর তা পিলেবোত্তুন্‌ তে পানি হেদঅ। তার্‌ বুগুদ্‌ তে গুম্ যেদঅ। তে তাইদু তা ঝি ধোক্ক্যেন্‌ এলঅ।

পরমগীত 1:11

আমি তত্তে সোনার্ আড়ুক্ গোজ্যে রূবোর্ কান দুল্ বানেবং।

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

গালাতীয় 1:4

আমার গোজেন আর বাবার্ আওজ্ মজিম খ্রীষ্ট আমা পাপত্যে নিজো জিংকানিগান দিয়্যে, যেন তে ইক্কুনু এ ভান্ন্যেই জগদর্ আঢত্তুন্ আমারে রোক্ষ্যে গুরি পারে।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ইফিষীয় 5:24

আর মন্ডলী যেধোক্ক্যেন খ্রীষ্টর্ অধীনোত্ আঘে সেধোক্ক্যেন মোগোর্‌অ বেক্কানি পৌইদ্যেনে নেগর্ অধীনোত্ থানা উচিত্।

ইফিষীয় 5:28

নেগ্‌কো যেধোক্ক্যেন নিজোর্ কিয়্যেগানরে কোচ্‌পায় ঠিগ্ সেধোক্ক্যেন গুরি নিজো মোগ্‌কোরেয়ো তার্ কোচ্‌পানা উচিত্। যে নিজোর্ মোগরে কোচ্‌পায় তে নিজোরে কোচ্‌পায়।

ইফিষীয় 5:33

মাত্তর্ যাক সেই বেক কধানি। তুমি পত্তিজনে নিজো মোগরে নিজো ধোক্ক্যেন কোচ্‌পেইয়ো; আর মোগর্-অ উচিত যেন তে নিজো নেগরে সর্মান গরে।

কলসীয় 3:19

তুমি যিগুনে নেক্, তুমি পত্তিজনে মোগরে কোচ্‌পেয়ো আর তা লগে কড়া বেবহার ন-গোজ্জ্য।

১ তীমথিয় 2:6

তে বেক্‌ মানুচ্চুনোর উদ্ধোরর্ দাম ইজেবে নিজোর জিংকানিগান দিয়্যে। গোজেনর্ ঠিগ গোজ্জ্যে সময়োত্ সে পৌইদ্যেনে সাক্ষ্য দিয়্যে ওইয়্যে,

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।