ইফিষীয় 5:20 - Chakma Bible

²⁰ আমিঝে বেক্কানিত্যে আমা প্রভু যীশু খ্রীষ্টর্ নাঙে বাবা গোজেনরে ভালেদি জানঅ।

ইফিষীয় 5:20 Iomraidhean Croise

ইয়োব 1:21

“মা পেদত্তুন্‌ মুই লাংটা-বাংটা এচ্ছোং আর লাংটা-বাংটা যেম্‌। লগেপ্রভুই দিয়্যে আর লগেপ্রভুই নেযেয়্যে; লগেপ্রভুর বাঈনী ওক্‌।”

গীতসংহিতা 34:1

মুই নিত্য লগেপ্রভুর বাঈনী গুরিম; মর্ মুয়োন্দি তার্ গুণগান আমিঝে থেবঅ।

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

রোমীয় 1:8

পত্তমে মুই যীশু খ্রীষ্টর্ মাধ্যমে তমা বেক্কুনোত্যে মর্ গোজেনরে ভালেদি জানাঙর্, কিত্যে তমা বিশ্বেজর্ কধানি গোদা দুনিয়েগানত্ ছিদি পোজ্জ্যে।

১ করিন্হীয় 1:4

মুই নিত্য তমাত্তে মঅ গোজেনরে ভালেদি জানাং, কিয়া খ্রীষ্ট যীশু সমারে মিজেনেই তুমি গোজেনর্ দোয়্যে পেইয়ো।

১ করিন্হীয় 15:24

ইয়েন পরেদি খ্রীষ্ট যেক্কে বেক্‌ শাসন-বেবস্থাগানি, অধিকার আর খেমতাগানি ভস্ত গুরিনে বাবা গোজেন আঢত্ রেজ্যগান দি দিবো সেক্কে থুম্ সময়ান এবঅ।

ইফিষীয় 5:4

কনঅ বাবোত্যে লাজত্ পরিবার আচার-বেবহার আর বাজে আহ্ কজরা ঠাট্টা-তামাজার্ কধাবাত্তা যেন তমা ইধু ন-অয়, কিয়া ইয়েনিয়ো ন-মানায়। তাত্তুন্ বরং তুমি গোজেনরে ভালেদি জানঅ।

ফিলিপীয় 1:3

মুই যেদক্‌‌বার তমা কধা ইদোত্ তুলোং সেদক্‌‌বার মঅ গোজেনরে ভালেদি জানাং।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

১ থিষলনীকীয় 3:9

তমাত্যে গোজেন মুজুঙোত্ আমার যে হুজী, সিয়েনর্ বদলে কেধোক্ক্যেন গুরিনে যে তারে তমাত্যে ভালেদি জানেম সিয়েন আমি কোই ন-পারিই।

১ থিষলনীকীয় 5:18

আর যে কনঅ অবস্থাত্ গোজেনরে ভালেদি জানেয়ো; কিয়া খ্রীষ্ট যীশুর মাধ্যমে তমাত্যে সিয়েনই গোজেনর্ আয়োজ।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।