ইফিষীয় 5:17 - Chakma Bible

¹⁷ সেনত্যে কং, তুমি বুদ্ধি-নেইয়্যে ন-ওইয়ো, বরং প্রভুর আওজ্‌‌‍চান কি সিয়েন বুঝি লঅ।

ইফিষীয় 5:17 Iomraidhean Croise

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

গীতসংহিতা 111:10

লগেপ্রভু ইদু ভোক্তিপূর্ণ দরান অলঅ জ্ঞানান্; যিগুনে সে ইজেবে কাম গরন্ তারা গম্ বুদ্ধি পান্। লগেপ্রভুর নাঙ্ গিনেনাগান্ উমরত্তে থিদেবর্।

গীতসংহিতা 119:27

তর্ সুদোমর উগুমানি মরে বুঝোনার খেমতাগান দে; সালে মুই তর্ আমক্ অবার কামানি পৌইদ্যেনে চিন্তে গুরি পারিম।

গম্ উপদেজ্ 14:8

বিচেরবুদ্ধি মজিম্ চলানা অলঅ উজিয়ার মান্‌জ্যর জ্ঞান, মাত্তর্ ছলনাগান অলঅ ভুল্ মান্‌জ্যর বুদ্ধি।

গম্ উপদেজ্ 2:5

সালে লগেপ্রভু উগুরে ভোক্তিবলা দরানাগান্ কি, সিয়েন তুই বুঝি পারিবে আর গোজেন পৌইদ্যেনে জ্ঞান পেবে;

গম্ উপদেজ্ 23:23

যে কনঅ মূল্যে ওক্ সত্য, জ্ঞান, শিক্ষ্যে আর বিচেরবুদ্ধি পাহ্; কনঅ কিজুর্ বদলে সিয়েনি অন্যরে ন-দুয়ো।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

ইফিষীয় 5:15

তুমি কেধোক্ক্যেন গুরি চলর্ সে পৌইদ্যেনে গমেডালে ভাবি চঅ। বুদ্ধি-নেইয়্যে মানুচ্চুনো ধোক্ক্যেন ন-চলিনে জ্ঞানীগুনো ধোক্ক্যেন চলঅ।

দ্বি’লম্বর বিররণ 4:6

ইয়েনি পালন গরানার মাধ্যমে অন্য জাদর্‌ মানুচ্চুনো মুজুঙোত্‌ তমার্‌ জ্ঞান আর বুদ্ধিগানি ফগদাং পেবঅ। তারা এ বেক্‌ সুদোমানি পৌইদ্যেনে শুনিনে কবাক, জাদ ইজেবে ইগুনে হামাক্কায় দাঙর্‌ আর জ্ঞানী, বুদ্ধিবলা।

কলসীয় 1:9

ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

কলসীয় 4:5

যিগুনে গোজেনর্ মানুচ্‌ নয় সিগুনো সমারে বুদ্ধি খাদেইনে চোল্ল্য আর খ্রীষ্ট পৌইদ্যেনে সাক্ষি দিবার পত্তি সুযোগ্ কামত্ লাগেইয়ো।

১ থিষলনীকীয় 5:18

আর যে কনঅ অবস্থাত্ গোজেনরে ভালেদি জানেয়ো; কিয়া খ্রীষ্ট যীশুর মাধ্যমে তমাত্যে সিয়েনই গোজেনর্ আয়োজ।

১ পিতর 4:2

সিয়েনত্যে এই জগদর্ বাগি জিংকানিগান তে আর জগদর্ কামনা-বাসনা ঈল্ মারেইনে ন-কাদায়, বরং গোজেনর্ আওজ্‌ পালেইনে কাদায়।