ইফিষীয় 5:15 - Chakma Bible

¹⁵ তুমি কেধোক্ক্যেন গুরি চলর্ সে পৌইদ্যেনে গমেডালে ভাবি চঅ। বুদ্ধি-নেইয়্যে মানুচ্চুনো ধোক্ক্যেন ন-চলিনে জ্ঞানীগুনো ধোক্ক্যেন চলঅ।

ইফিষীয় 5:15 Iomraidhean Croise

২ শমূয়েল 24:10

মানুচ্চুনোরে গুণিবার পরেন্দি দায়ূদো বিবেগত্‌ ধুরিলো। তে লগেপ্রভুর ইদু তবনা গুরিনে কলঅ, “মুই এ কামান গুরিনে জদবদে পাপ গোজ্যং। ও লগেপ্রভু, কোজোলী গরঙর্‌, তুই তঅ চাগরবোর্‌ এ অন্যেয়ানি দূর্ গুরি দে। মুই জদবদে ভুল্‌ মান্‌জ্যর কাম্ গোজ্যং।”

ইয়োব 2:10

মাত্তর্‌ ইয়োবে তারে কলঅ, “তুই এক্কো বেদমা মিলে ধোক্ক্যেন্ কধা কোইয়োচ্‌। আমি গোজেন ইত্তুন্‌ কি বানা ভালেদি চেবং, অমংগল ন-চেবং?” ইয়েনি ঘুদি গেলেয়ো ইয়োবে তা কধালোই পাপ ন-গুরিলো।

গীতসংহিতা 73:22

সেক্কেনে মুই বাজে আর অবুঝুনোর্ ওইয়োং আর তইদু বুদ্ধিনেইয়্যে য়েমান ধোক্ক্যেন ওইয়োং।

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

গম্ উপদেজ্ 14:8

বিচেরবুদ্ধি মজিম্ চলানা অলঅ উজিয়ার মান্‌জ্যর জ্ঞান, মাত্তর্ ছলনাগান অলঅ ভুল্ মান্‌জ্যর বুদ্ধি।

গম্ উপদেজ্ 15:21

যিবের বুদ্ধি নেই তে ভুল্ কামত হুজি পায়, মাত্তর্ যিবের বিচেরবুদ্ধি আঘে তে উজু পধেদি আঢে।

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

মথি লেখ্যে গম্ হবর্ 25:2

তারা ভিদিরে পাচ্‌জন এলাক্ বুদ্ধিবলা।

মথি লেখ্যে গম্ হবর্ 27:24

পীলাতে যেক্কে দেগিলো তে কিচ্চু গুরি ন-পারের্ বরং আরঅ জোল্ অর্, সেক্কে তে পানিলোই মানুচ্চুনো মুজুঙোত্ আঢ্‌তানি ধোইনে কলঅ, “এ মানুচ্চোর্ লো-গানত্তে মুই দায়ী নয়; তুমিই সিয়েন্ বুঝিবা।”

মথি লেখ্যে গম্ হবর্ 27:4

“মুই নিদ্দুজিবোরে মারে ফেলেবাত্তে ধুরি দিইনে পাপ্ গোজ্যং।” তারা কলাক্, “সিয়েন্দোই আমার্ কি? তুয়ই সিয়েন্ বুঝিবে।”

মথি লেখ্যে গম্ হবর্ 8:4

যীশু তারে কলঅ, “শুন, কাররে এ কধাগান ন-কোচ্, বরং ধর্মগুরুগুনো ইধু যেইনে নিজোরে দেগা, আর মোশি যিয়েন্ উগুম গোজ্যে সেবাবোত্যে দান উৎসর্ব গর্। ইয়েন্দোই মানুচ্চুনো ইধু প্রমাণ অবঅ তুই গম্ ওইয়োচ্।”

লূকে লেখ্যে গম্ হবর্ 24:25

সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

গালাতীয় 3:1

ও অবুঝ্ গালাতীয়গুন! কন্না তমারে যাদু গোজ্জ্যে? তমা ইধু দঅ গমেদালে প্রচার গরা ওইয়্যেদে যে, যীশু খ্রীষ্টরে ক্রুশোত্ দিয়্যে ওইয়্যে।

গালাতীয় 3:3

তুমি কি এদক্ অবুঝ? পবিত্র আত্মার্ মাধ্যমে নুয়ো জিংকানি আরাম্ভ গুরিনে কি ইক্কিনে নিজো চেষ্টায় পূর্ণতাগান্ লাভ গুরিবাত্যে যর্?

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ইফিষীয় 5:33

মাত্তর্ যাক সেই বেক কধানি। তুমি পত্তিজনে নিজো মোগরে নিজো ধোক্ক্যেন কোচ্‌পেইয়ো; আর মোগর্-অ উচিত যেন তে নিজো নেগরে সর্মান গরে।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

কলসীয় 1:9

ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

কলসীয় 4:5

যিগুনে গোজেনর্ মানুচ্‌ নয় সিগুনো সমারে বুদ্ধি খাদেইনে চোল্ল্য আর খ্রীষ্ট পৌইদ্যেনে সাক্ষি দিবার পত্তি সুযোগ্ কামত্ লাগেইয়ো।

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

যাকোব 3:13

তমা ভিদিরে জ্ঞানী আর বুদ্ধিবলা কন্না? তে তার্ সৎ জিংকানিলোই জ্ঞানত্তুন্ নিগিলি এচ্চ্যে নম্রতাগান্দোই কাম দেগোক্।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”