ইফিষীয় 4:31 - Chakma Bible

³¹ নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।

ইফিষীয় 4:31 Iomraidhean Croise

পত্থম 27:41

যাকোবে তা বাবত্তুন্‌ বর্ পেইয়্যে বিলিনে এষৌ তারে ইংসে গরা ধুরিলো। তে মনে মনে কলঅ, “আমা বাপ্পোত্তে আবিলেজ্ গুরিবার দিনুন ঘোনেই এজের্‌। সে পরেদি মুই মঅ ভেই যাকোবরে মারে ফেলেম।”

পত্থম 37:21

মাত্তর্‌ রূবেণে এ কধাগান্‌ শুনিনে তারা আদত্তুন্‌ তারে উদ্ধোর গুরিবার্‌ আজায় কলঅ, “তারে পরানে ন-মাজ্য।”

পত্থম 37:4

ভেইয়ুনে যেক্কে বুঝিলাক, বাব্‌পো তারাত্তুন্‌ যোষেফরে বেজ্ কোচ্‌পায় সেক্কে তারা তারে ইংসে গরা ধুরিলাক্। তারা কনঅ কধা তাল্লোই গমে ডালে ন-কদাক্‌।

পত্থম 4:8

ইয়েন পরেদি একদিন্যে মাদত্‌ থেবার অক্তত্‌ কয়িনে তার ভেই হেবল লগে কধা কোইয়্যে, আহ্ সেক্কে তে হেবলরে আক্রমণ গুরিনে মারে ফেলেল।

২ শমূয়েল 13:22

অবশালোমে অম্নোনরে গম্‌-বজং কিচ্ছু ন-কলঅ। তা বোন্নো তামরর ইজ্জোদ্‌তান্‌ বর্‌বাদ্ গোজ্যে বিলিনে তে অম্নোনরে ঈচ্ গরা ধুরিলো।

২ শমূয়েল 19:27

মঅ গিরোজ মহারাজ মুজুঙোত্ তে মঅ বন্নাম্ গোজ্যে। মঅ গিরোজ্‌ মহারাজে গোজেনরর্ এক্কো দূতো ধোক্ক্যেন্‌; সেনত্তেই মঅ উগুরে তর্‌ যিয়েন্ হুজি সিয়েনই গর্‌।

২ শমূয়েল 19:43

জোবত্‌ ইস্রায়েলর মানুচ্চুনে যিহূদার মানুচ্চুনোরে কলাক্, “আমি দশ গুট্টি বিলি রাজা দায়ূদো উগুরে তমাত্তুন বেশ্‌ আমার অধিকার অাঘে। সেনত্তেই তুমি কিত্তে আমারে এধোক্ক্যেনগুরি ঈচ্ গরর্‌? আমা রাজারে ফিরেই আনিবার কধা কি আমি পোইল্যে ন-কোই?” মাত্তর্‌ ইস্রায়েলর মানুচ্চুনোত্তুন্‌ বেশ্‌ যিহূদার মানুচ্চুনোর কধানি কোচ্‌‌কোচ্যে বিলিনে মনে অলঅ।

গীতসংহিতা 101:5

যিগুনে ভিদিরে ভিদিরে অন্য মান্‌জ্যরে ঈচ্ গরন তারারে মুই শেজ্ গুরিম; যিগুনো চোগ্‌কুনোত্ আর মনানিত্ বাড়্‌বোগান্ রোয়্যে তারারে মুই সোজ্য ন-গুরিম।

গীতসংহিতা 140:11

ইংসে-নিন্দে গুরিয়্যেগুনে যেনে দেশ ভিদিরে অধিকার ন-পান; অত্যেচার্ গুরিয়্যেগুনোর্ পিজে পিজে দজাগান্ আমিঝে থেবঅ।

গীতসংহিতা 15:3

পররে নিন্দে ন-গরে, সমাজ্যেরে ক্ষেতি ন-গরে, পাড়াল্যেগুনোর্ সর্মানান্ বর্‌‌বাদ্ ন-গরে,

গীতসংহিতা 37:8

রাগ গরানা বন্ধ গর্, মেজাজ্ দেগানা বাদ্ দে; মনান্ যাগুলুগ্ ন-গুরিচ্, কিত্যে সিয়েনে তরে বানা ভান্ন্যেয়ন্দি নেযায়।

গীতসংহিতা 50:20

তুই বোইদ্যে বোইদ্যে তর্ নিজো ভেইয়োর্ বিরুদ্ধে কধা কোই কোই থাচ্ আর তারে ইংসে গরচ্।

গীতসংহিতা 64:3

তারা যেন লাম্বা ছুরি ধোক্ক্যেন গুরি জিলান্ দারেই রাগেয়োন, তারার্ থিদে কধার সেলুন ধনুগানত্ লাগেই রাগেয়োন;

গম্ উপদেজ্ 10:12

ঈচ্ গরানাগানে কোল্-কোজ্যে বাজেই দে, মাত্তর্ কোচ্‌পানাগানে বেক অন্যেয়ানিরে ঢাগি রাগায়।

গম্ উপদেজ্ 10:18

যে মানুচ্চো তা মন ভিদিরে ঈচ্ গরেদে কধা গুমরত্ রাগায় তে মিজে কধা কয়;

গম্ উপদেজ্ 14:17

বদমেজাজি মানুচ্ ভুলো ধোক্ক্যেন কাম গরন, আর কুজুরোমি গুরিয়্যেবোরে বেক্কুনে ঘিনান্।

গম্ উপদেজ্ 18:8

ইংসে-নিন্দের্ কধানি সুয়োত্ ওইয়্যে হানা ধোক্ক্যেন্, মান্‌জ্যর মন গভিনোত্ সিয়েন লামে।

গম্ উপদেজ্ 19:12

রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

গম্ উপদেজ্ 25:23

উত্তেরেদি বোইয়্যেরানে যেধোক্ক্যেন্ ঝড় আনে, সেধোক্ক্যেন্ নিন্দেগুরিয়্যেবোর কধালোই অন্যগুনোর মুয়োত্ রাগর্ ভাব দেগা যায়।

গম্ উপদেজ্ 26:20

আগুনোত্ ধার্‌বো ন-দিলে আগুনান্ মুরি যায়; নিন্দে গুরিয়্যে ন-থেলে কোল্-কোজ্যেয়ো থামায়।

গম্ উপদেজ্ 29:22

রাগী মান্‌‌জ্যে কোল্-কোজ্যে বাজেই দুয়োন্, আর বদ্‌‌মেজাজী মান্‌‌জ্যে বোউত্ পাপ গরন্।

গম্ উপদেজ্ 29:9

বুদ্ধিমান মান্‌‌জ্যে যুনি বাজে মান্‌‌জ্যর বিরুদ্ধে মগদ্দমা গরে সালে সে মানুচ্চো অয়ত রাগ্ উদিবো নয়ত আজিবো, আরে সেক্কে কনঅ মীমাংসা ন-অবঅ।

গম্ উপদেজ্ 6:19

মিজে কধা কোইয়্যে মিজে সাক্ষি, আর ভেইয়্যে ভেইয়্যে যাগুলুক্ বাজেয়্যে মানুচ্।

উপদেশক 7:9

তঅ রিবেঙানরে যাদিমাদি রাগ্ গুরিবাত্তে ন-দিচ্, কিত্তে রাগ্‌কান ভুল্ মানুচ্চুনোর্ রিবেঙত্ বজত্তি গরে।

যিরমিয় 6:28

তারা বেক্কুনে অমকদ উল্লোমী; তারা ইংসে গুরি বেড়ান। তারা ব্রোঞ্জ আর লুয়ো ধোক্ক্যেন; তারা বেক্কুনে ভান্ন্যেই ওই যেইয়োন।

যিরমিয় 9:4

তারা পত্তিজনে সমাজ্যেগুনোত্তুন্ উজিয়ার ওক্ আর নিজো ভেইয়ুনোরে বিশ্বেজ্ ন-গোরোক্, কিত্তে পত্তি ভেইয়্যে ঠগান্ আর পত্তি সমাজ্যেই ইংসে গরন।

প্রেরিত্‌ 21:30

সেক্কে পুরো শঅরত্ উত্তেজিত ওই উদিলাক্। মানুচ্চুনে একসমারে ধাবা এইনে পৌলরে ধুরিনে উবোসনা-ঘরত্তুন্ টানিনে নিগিলেই আনিলাক্ আর সমারে সমারে উবোসনা-ঘরর্ দোরানি নাঢি দিলাক্।

রোমীয় 3:14

তারার্ মুয়োনি অভিশাব আর তিদে কধালোই ভরা।

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

১ করিন্হীয় 5:8

সেনত্তে পুরোণি সদা, অত্তাৎ ইংসে আর ভান্ন্যেই দিইনে নয়, বরং এজঅ, আমি সদা নেইয়্যে রুটি, অত্তাৎ সরলতা আর সত্যলোই পরব্‌পো পালেই।

২ করিন্হীয় 12:20

মত্তুন্ দর্ লাগের্, মুই যেক্কে তমা ইধু এম্ সেক্কে মুই তমারে যেধোক্ক্যেন দেগিবাত্যে চাং অয়ত সেধোক্ক্যেন্ ন-দেগিম্, আর তুমিয়ো মরে যেধোক্ক্যেন্ দেগিবাত্যে চঅ সেধোক্ক্যেন ন-দেগিবা। মত্তুন্ দর্ লাগেত্তে, তমা ভিদিরে কোল্-কোজ্যে, ইংসে, মেজাজ দেগানা, দলাদুলি, নিন্দে, পর কধালোই তেম্মাং, বাড়্ গরানা আর ঝাগুলুগ্ থেবঅ।

গালাতীয় 5:20

মূত্তি-পূজো, যাদুবিদ্যে, শত্রুতা, কোল্-কোজ্জ্যে, লুভ্, রাগ, স্বাত্তবাদি, অমিল, দলাদুলি,

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

ইফিষীয় 4:25

ইয়েনত্যে তুমি মিজে কধা ছাড়ি দুয়ো আর একজন আরেকজন ইধু সত্য কধা কঅ, কিয়া আমি বেক্কুনে একজন আরেকজন সমারে এগত্তর্।

ইফিষীয় 4:26

যুনি রাগ গরঅ সালে সেই রাগত্যে পাপ ন-গোজ্জ্য; বেলান্ ডুবিবার আগেদি তমা রাগ্‌‌‌কানি বাদ্ দুয়ো,

কলসীয় 3:19

তুমি যিগুনে নেক্, তুমি পত্তিজনে মোগরে কোচ্‌পেয়ো আর তা লগে কড়া বেবহার ন-গোজ্জ্য।

কলসীয় 3:8

মাত্তর্ ইক্কিনে রাগ, মেজাজ দেগানা, ইংসে, গেইল্‌ দেদি আর ভান্ন্যেই কধাবাত্তা তমাত্তুন্ দূর্ গরঅ।

১ তীমথিয় 3:11

ঠিগ্ সেবাবোত্যেগুরি তারার্ মোগ্‌কুনেয়ো যেন সর্মানর্ যগাজ্জ্যে অন্। তারা যেন অন্যরে বদ্‌নাঙ্ গুরিনে ন-বেড়ান্ আর নিজোরে দোঙেই রাগান্। বেক্কানি পৌইদ্যেনে যেন তারারে বিশ্বেজ্ গরা যায়।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

২ তীমথিয় 2:23

বাজে, অঘা তর্কাতর্কিত্ ন-মিজেয়ো, কিয়া তুই দঅ কোই পারচ্ সিয়েনিয়ে যেরেদি কোল্-কোজ্জ্যে বাজেই দে।

২ তীমথিয় 3:3

তারা ইধু কোচ্‌পানা জিনিস্‌চান ন-থেবঅ, আর তারা কোল্-কোজ্জ্যে গুরিনে মিলেমিলি ন-অবাক্। তারা পররে বন্নাং গুরিবাক্, নিজোরে দোঙেই ন-পারিবাক্, চিৎ-নপুজ্জ্যে অবাক্, আর যিয়েন গম্ সিয়েন ঘিনেবাক্।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;

যাকোব 3:14

মাত্তর্ তমা রিবেঙানি যুুদি ইংসেলোই ভুরি উদে আর নিজো লুভে ভরা থায় সালে জ্ঞানর্ দেমাগ্ ন-দেগেয়ো, সত্যগানরে মিজে ন-বানেয়ো।

যাকোব 4:11

ভেইলগ্, তুমি একজন আরেকজনরে নিন্দে ন-গোজ্জ্য। যে কেঅ ভেইয়ো বিরুদ্ধে কধা কয় বা ভেইয়ো দুষ্ তগায় তে রীদি-সুদোম বিরুদ্ধে কধা কয় আর রীদি-সুদোমর্ দুষ্ তোগেইনে বেড়ায়। যুনি তুই রীদি-সুদোমর্ দুষ্ তোগেইনে বেড়াচ্ সালে দঅ তুই সিয়েন ন-পালর্ বরং সিয়েনর বিচের গরর্।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।

১ যোহন 3:15

ভেইয়োরে যে ঘিনায় তে খুনী। কনঅ খুনী ভিদিরে যে উমর্‌অ জিংকানি ন-থায়, সিয়েন তমার অজানা নেই।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।