ইফিষীয় 4:30 - Chakma Bible

³⁰ তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

ইফিষীয় 4:30 Iomraidhean Croise

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

পত্থম 6:6

সেনে লগেপ্রভু মনত্‌ দুখ্‌ পেলঅ। তে পিতথিমীয়ানত্‌ মানুচ্‌ বানেয়্যে বিলি দুখ্‌ পেইনে কলঅ, “মর্ বানেয়্যে মানুচ্চুনোরে মুই পিত্‌থিমীগান উগুরেত্তুন্ তুলি দিম; আর তা লগে বেক পরাণবলাগুন, বুগেদি-আঢি বেড়েয়্যে প্রাণী আর আগাজ পেক্কুনো তুলি দিম্‌ । ইগুনোরে বানেয়োং বিলিনে মঅ মনত্‌ কষ্ট অর্‌।”

গীতসংহিতা 78:40

ধূল্যেচর-চাগালাত্ কয়বার তা বিরুদ্ধে তারা উল্লোমি গোজ্যন্, সেই ধূল্যে ভূইয়োত্ কয়বার তারে দুঘ্ দুয়োন।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যিশাইয় 43:24

তুই কনঅ তুম্বাজ্ বচ্ মত্তে কিনি ন-আনচ্; তর্ য়েমান উৎসর্বর তেল্‌লোই তুই মরে হুজি ন-গরচ্। সিবের্ বদলে তুই তঅ পাপ ভারান্ মঅ উগুরে চাপি দুয়োচ্ আর তর্ বেক অন্যেয়ানিলোই মরে বল্‌পোজ্যে গোজ্যস্।‌‌‍‌‌‍

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিশাইয় 7:13

সেক্কে যিশাইয় কলঅ, “দায়ূদ বংশর মানুচ্চুন্, তুমি শুনো। মান্‌জ্যর ধৈয্য পোরোক্ক্যে গরানা কি যগাজ্যে নয়? তুমি কি মঅ গোজেনর্ ধৈয্য পোরোক্ক্যে গুরিবা?

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

লূকে লেখ্যে গম্ হবর্ 21:28

এ বেক্ ঘটনাগানি ঘদতে আরাম্ব গল্লে পরেদি তুমি উদিনে থিয়্যেইয়ো আর মুয়োনি তুল্ল্য, কিয়া তমার্ উদ্ধোরর্ সময়বো কায়কুরে এচ্চ্যে।”

যোহন 3:33

যে তার্ সাক্ষ্য গ্রাজ্য গোজ্যে তে তারে দিইনে প্রমাণ গোজ্যে যে, গোজেনে যিয়েন্ কয় সিয়েন্ সত্য।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

রোমীয় 8:23

বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 15:54

যিয়েন বর্‌বাদ অয় আর যিয়েন মুরি যায়, সিয়েনি যেক্কে সেবাবোত্যে গুরি বুদুলি যেবঅ সেক্কে পবিত্র বোইবোর্ এ কধাগান্ পূরোণ অবঅ যে, “মরণান্ ভস্ত ওইনে জিদেনাগান এচ্চ্যে।”

১ থিষলনীকীয় 5:19

পবিত্র আত্মাগানরে মারে ন-ফেল্ল্য।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 3:10

মুই তারা উগুরে রাগে কোইয়োং, ‘এ মানুচ্চুনোর মনানি ভান্ন্যেই পধেদি ঘুরি বেড়ার্; তারা আমা পথ্‌তান হবর্ ন-পেলাক্।’

ইব্রীয় 3:17

আর চল্লিশ বজর্ ধুরিনে গোজেনে কুগুনো উগুরে তোচ্চ্যা পেলঅ? সিগুনে কি সে মানুচ্চুন নয় যিগুনে পাপ গোজ্জ্যন আর যিগুনোর্ মরা কিয়্যেনি ধূল্যেচর-চাগালাত পোজ্জ্যে এলঅ?

বিচের গুরিয়্যেগুন 10:16

ইয়েনর্ পরেন্দি তারা ভিদিরে অন্য জাদ্‌‌‌‌তুনোর যিদুক্কুন দেব-দেবেদা এলাক্‌ সিগুনোরে দূর্ গুরি দিইনে তারা লগেপ্রভুরে সেবা গরা ধুরিলাক্‌। ইস্রায়েলীয়গুনোর দুঃখানি দেগিনেই লগেপ্রভুর মনত্‌ বুক্‌ ধিবেদিপ্যে অলঅ।