ইফিষীয় 4:24 - Chakma Bible

²⁴ আর গোজেনর্ দিয়্যে নুয়ো “মুই” নুয়ো কাবড় ধোক্ক্যেন উরো। সত্যর্ নিদ্দুজিগান আর পবিত্রতালোই এই নুয়ো “মুই” গোজেন ধোক্ক্যেন গুরি বানা ওইয়্যে।

ইফিষীয় 4:24 Iomraidhean Croise

পত্থম 5:1

ইবে অলঅ আদম বংশগুনোর্ কধা। মানুচ্‌ সৃট্টি গুরিবার অক্তত্‌ গোজেনে তারে তা নিজো ধোক্ক্যেন গুরি বানেল;

ইয়োব 29:14

সততাগানরে মুই কাবড় ধোক্ক্যেন উরিদুং, আর সততাগানে মরে তা মোক্ক্যেন্দি রাগেদ;

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিশাইয় 59:17

তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

যোহন 17:17

সত্যলোই তর্ নাঙে তুই তারারে যুদো গুরি থঅ। তর্ কধাগানি সেই সত্য।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

রোমীয় 13:12

রেত্ প্রায় থুম্, বেইন্ন্যে পহ্‌র ওই এজের্; সেনত্তে এজঅ, আমি আন্ধার কামানি বাদ্ দিইনে পহ্‌রর্ অাত্যেরানি তুলি লোই।

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 6:4

আর সেনত্তে সেই বাপ্তিস্মর্ মাধ্যমে খ্রীষ্ট সমারে মুরিনেই আমার্ গোর্-অ ওইয়্যে, যেন বাবা গোজেনে তার্ খেমতালোই যেবাবোত্যেগুরি খ্রীষ্টরে মরণত্তুন্ জেদা গোজ্জ্যে সেবাবোত্যেগুরি আমিয়ো যেন নুয়ো জিংকানির্ পধেদি আঢি পারিই।

রোমীয় 7:6

সেক্কে আমারে যিয়েনিয়ে বানি রাগেদ সিয়েনির দাবি-দাওয়া ইধু আমি মোজ্জ্যেই। সেনত্তে আইন-কানুনোত্তুন্ ইক্কিনে আমি মুক্ত। সিয়েনর্ কারনে আমি ইক্কিনে লেগা রীদি-সুদোমর্ সেই পুরোণি জিংকানি-পধর্ চাগর্ নয়, মাত্তর্ পবিত্র আত্মার্ দিয়্যে নুয়ো জিংকানি-পধর্ চাগর্ ওইয়্যেই।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

১ করিন্হীয় 15:53

যিয়েন্ বর্‌বাদ অয় সিয়েনরে কাবড় ধোক্ক্যেন গুরি এমন্‌ কিজু পিনে পুরিবো যিয়েন কনদিন্অ ন-মরে।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 4:16

ইয়েনত্যে আমি আজা ন-আরেই। যুনিয়ো আমা বারেদি কিয়্যেগান ক্ষয় ওই যার্ তো আমা ভিদিরে মানুচ্চো দিনে দিনে নুয়ো ওই উদের্।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

গালাতীয় 3:27

কিয়া তমাত্তুন্ যিগুনোর্ খ্রীষ্টর্ মাধ্যমে বাপ্তিস্ম ওইয়্যে, তুমি কাবড় ধোক্ক্যেন গুরি খ্রীষ্টরে দিইনে নিজোরে ঢাঘি ফেল্ল্য।

গালাতীয় 6:15

চুনু মাঢা কাবানা বা ন-কাবানার্ কনঅ দাম নেই, খ্রীষ্টর্ মাধ্যমে নুয়ো সৃট্টি ওইনে উদোনা অলঅ দাঙর্ কধা।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

ইফিষীয় 6:11

যুদ্ধোত্যে গোজেনর্ দিয়্যে বেক্ সাজ্-পোজাগ্‌কানি পিনি লঅ, যেন তুমি শদানর্ বেক্‌ চালাগ্‌কানির্ বিরুদ্ধে দরমর ওইনে থিয়্যেই পারঅ।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 1:8

মাত্তর্ পুয়োবো পৌইদ্যেনে গোজেনে কোইয়্যেদে, “ও গোজেন, তর্ সিংহাসনান্ উমরত্যে; তর্ শাসনান্ ন্যায়র্ শাসন।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।

২ পিতর 1:4

তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।