ইফিষীয় 4:23 - Chakma Bible

²³ সিয়েনর্ বদলে গোজেনরে তমার মনানিরে নুয়ো গুরিনে গাঢেই তুলিবাত্যে দুয়ো,

ইফিষীয় 4:23 Iomraidhean Croise

গীতসংহিতা 51:10

ও গোজেন, তুই মইদু দোল্ মন-মানসিক্ গুরি দে; মর্ মনান্ আরঅ থির্ গুরি দে।

যিহিষ্কেল 11:19

মুই তারারে এমন মন দিম্ যিয়েন বানা মইন্দি আসক্ত থেবঅ, আর মুই তারা ভিদিরে নূয়ো আত্মা দিম; মুই তারার্ চিৎনপুজ্যে মনান্ সোরেইনে নরম মনানি দিম।

যিহিষ্কেল 18:31

তমা বেক্ অন্যেয়ানি তমা নিজোত্তুন্ দূর গরঅ আর তমা রিবেঙানি আর মনানি নুয়ো গুরি তুলো। কিত্তে তুমি মুরিবা?

যিহিষ্কেল 36:26

মুই তমা ভিদিরে নুয়ো রিবেং আর নুয়ো মন দিম; মুই তমার্ দরমর রিবেঙান্ দূর্ গুরিনে নরম রিবেং দিম।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

রোমীয় 6:4

আর সেনত্তে সেই বাপ্তিস্মর্ মাধ্যমে খ্রীষ্ট সমারে মুরিনেই আমার্ গোর্-অ ওইয়্যে, যেন বাবা গোজেনে তার্ খেমতালোই যেবাবোত্যেগুরি খ্রীষ্টরে মরণত্তুন্ জেদা গোজ্জ্যে সেবাবোত্যেগুরি আমিয়ো যেন নুয়ো জিংকানির্ পধেদি আঢি পারিই।

রোমীয় 8:6

পাপ-খাচ্চ্যদে যিয়েনি চায় সিয়েনি আয়োজি অনার্ ফল অলঅ মরণ্, আর পবিত্র আত্মা যিয়েনি চায় সিয়েনি আয়োজি অনার্ ফল অলঅ জিংকানি আর শান্তি।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।