ইফিষীয় 4:18 - Chakma Bible

¹⁸ তারার্ মনানি আন্ধারত্ পড়ি আঘে। মনানি দরঅ বিলিনে তারা গোজেন পৌইদ্যেনে কিচ্চু কোই ন-পারন্, আর সেনত্যে গোজেনর্ দিয়্যে জিংকানিত্তুন্ তারা বোউত্ দূরোত্ আঘন।

ইফিষীয় 4:18 Iomraidhean Croise

গীতসংহিতা 74:20

তর্ সুদোমর কধাগানি তুই ইদোত্ তুলি চাহ্; দেজর্ বেক্ পৌল্যেনে থেবার জাগায়ানি অত্যেচারে ভুরি উঠ্যে।

যিশাইয় 25:7

যে পদ্দাগানত্ বেক জাদর্ মানুচ্চুনে নাঢা যেইয়োন্, যে কাবড়ানে বেক জাদর্ মানুচ্চুনোরে নাঢি ফেল্যন্, এ মুড়োবোত্ তে সিয়েনি বর্‌বাত লাগেই দিবো।

যিহিষ্কেল 14:5

ইস্রায়েলীয়গুনোর মনানি আরঅ জিদিই নিবাত্তে মুই ইয়েন গুরিম, কিত্তে তারা বেক্কুনে তারার্ মূত্তিগুনোত্তে মরে ছাড়ি যেইয়োন।

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

প্রেরিত্‌ 17:30

আগ দিনো মানুচ্চুনে হবর্ ন-পেদাক্ বিলি গোজেনে ইয়েনি দেগিনেয়ো ন-দেগে। মাত্তর্ ইক্কিনে তে বেক্ জাগানিত্ বেক্ মানুচ্চুনোরে পাপত্তুন্ মনানি ফিরেবাত্তে উগুম্ দের্,

প্রেরিত্‌ 3:17

ইক্কুনি ভেইলগ্, মুই কোই পারং তমা নেতাগুনো ধোক্ক্যেন্ তুমিয়ো ন-বুঝিনে যীশুরে ক্রুশোত্ দুয়ো।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

রোমীয় 11:7

সালে বুঝো যায়, ইস্রায়েলীয়গুনে যিয়েন্ পেবার চেট্ট্যা গোজ্জ্যন্ সিয়েন তারা ন-পান্, মাত্তর্ গোজেনে যিগুনোরে বেঈ থোইয়্যে সিগুনে সিয়েন পেইয়োন, আর অন্য বেক্কুনোর্ মনানি পাত্তর ধোক্ক্যেন্ দর ওই যেইয়্যে।

রোমীয় 2:19

তুই মনে গরচ্ তুই কান্ মানুচ্চুনোরে পধ্ দেগর্। তুই পারা পাচ্, যিগুনে আন্ধারত্ আঘন্ তারা ইধু তুই পহ্‌র ধোক্ক্যেন্।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ করিন্হীয় 2:8

এ যুগোর্ নেতাগুনো ভিদিরে কনজনে সিয়েন ন-বুঝোন্; যুনি সিয়েন বুঝিদাক্ সালে সেই মহিমাবলা প্রভুরে ক্রুশোত্ ন-দিদাক্।

২ করিন্হীয় 3:14

মাত্তর্ সেই মানুচ্চুনোর্ মনানি দরঅ ওইয়্যে। সেনত্যে এজঅ যেক্কে সেই পুরোণি বেবস্থার্ কধা পড়া অয় সেক্কে তারার্ রিবেঙ উগুরে সেই একই বাবোত্যে পদ্দা থেই যায়, কিয়া বানা খ্রীষ্ট সমারে এগত্তর্ ওইনে সেই পদ্দাগান্ সুরি যায়।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

গালাতীয় 4:8

আগে যেক্কেনে তুমি গোজেনরে ন-চিনিদা সেক্কে তুমি যিগুনোরে সেবা গুরিদা তারা আজলে কনঅ দেবেদা নয়।

ইফিষীয় 2:1

অবাধ্যত্যে আর পাপত্যে তুমি মরা এলা।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

কলসীয় 1:21

এক সময়োত্ তুমি গোজেনত্তুন্ দূরোত্ এলা আর তার্ বিরুদ্ধে তমা মনত্ শত্রুভাব এলঅ। তমার বজং কামর্ মাধ্যমে সিয়েন ফগদাং পেইয়্যে।

ইব্রীয় 5:2

যিগুনে কোই ন-পারিনে পাপ গরন্ আর ভান্ন্যেই পধেদি যান্ তারা সমারে তে নরম বেবহার গুরি পারে, কিয়া তা ভিদিরেয়ো লবাদোচ্চ্যে আঘে।

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

১ পিতর 1:14

গোজেনর্ বাধ্য পুয়ো-ছা ইজেবে তুমি তমার পুরোণি ভান্ন্যেই আওজ্ মজিম জিংকানি ন-কাদেয়ো; সেক্কে দঅ তুমি গোজেনরে ন-চিনিদা।

১ যোহন 2:11

মাত্তর্ যে তা ভেইবোরে ঘিনায় তে আন্ধারত্ আঘে আর আন্ধারত্ আঢাউদো গরের্। তে কোই ন-পারে তে কুধু যার্, কিয়া আন্ধারানে তা চোগ্‌কুন কান্ গুরি দিয়্যে।