ইফিষীয় 4:16 - Chakma Bible

¹⁶ গোদা কিয়্যেগান এমন্‌ গুরিনে বান্ন্যে আঘেদে যে, পত্তি ভাগ্‌কানি যার্ যার্ জাগাত থেইনে কিয়্যেগান সমারে এগত্তর্ থায়। পত্তি ভাগে যেক্কে গমেডালে কাম্ গরে সেক্কে গোদা কিয়্যেগান মাঢাবো চাল্লই বাড়ি উদে আর কোচ্‌পানার্ মাধ্যমে নিজোরে গাঢেই তুলে।

ইফিষীয় 4:16 Iomraidhean Croise

যোহন 15:5

মুয়ই আংগুর্ গাজ্, আর তুমি সিবের্ ডেলা-পাদা। যুনি কেঅ মঅ সমারে থায় আর মুই তা সমারে থাং সালে তা জিংকানিত্ সয়-সাগোজ্যে গুলোগুলি ধরে, কিয়া মরে বাদে তুমি কিচ্চু গুরি ন-পারঅ।

রোমীয় 12:4

আমা পত্তিজন কিয়্যের্ ভালোক্কানি ভাগ্ আঘে, মাত্তর্ বেক্ ভাগ্‌‌কানি একই কাম্ ন-গরে;

১ করিন্হীয় 10:17

আমি ভালোক্কুন অলেয়ো একই কিয়্যে, কিয়া বানা এক্কান রুটি আঘে, আর আমি বেক্কুনে সেই রুটির কট্টাগান্ লোই।

১ করিন্হীয় 13:13

সালে দেগা যাত্তে বিশ্বেজ্, আজা আর কোচ্‌‌পানা-এ তিনেন্ থুম্ সং থিগি থায়; মাত্তর্ ইয়েনিত্তুন্ কোচ্‌পানাগান্ বেক্কুনোত্তুন্ দাঙর্।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ইফিষীয় 1:4

আমি যেনে গোজেন চোগেদি পবিত্র আর গম্ ওই পারিই সেনত্যে গোজেনে জগদ্‌‌‌তান বানেবার্ আগেদি খ্রীষ্টর্ মাধ্যমে আমারে বেঈ লোইয়্যে। তার্ কোচ্‌পানাত্যে তে হুজী ওইনে নিজোর্ আয়োজে আগে ধুরি ঠিগ গোজ্জ্যেদে, যীশু খ্রীষ্টর্ মাধ্যমে তার্ পুয়ো ইজেবে তে আমারে মানি লবঅ।

ইফিষীয় 3:17

আর বিশ্বেজর্ মাধ্যমে খ্রীষ্ট তমা মনানি পুরোপুরি গুরিনে অধিকার গরে। মুই আরঅ তবনা গরং যেন খ্রীষ্টর্ কোচ্‌পানার মাধ্যমে তুমি গভীন গুরিনে ডুবিইনে থির্ অ,

ইফিষীয় 3:7

গোজেনে তার্ দাঙর্ খেমতা অনুসারে মরে যে দোয়্যে গোজ্জ্যে সেই দোয়্যের্ দান ইজেবে তে মরে গম্ হবর্ প্রচার গুরিবার কামান্ দিয়্যে।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:15

আমি বরং কোচ্‌পানার মনভাব্‌পোই খ্রীষ্ট পৌইদ্যেনে সত্য কধা কবং আর বেক্কানিদি বাড়ি উদিইনে খ্রীষ্ট ধোক্ক্যেন অবং। তেয়ই দঅ কিয়্যেগানর্ মাঢা।

ফিলিপীয় 1:9

মুই তবনা গরং তমার কোচ্‌পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

১ থিষলনীকীয় 3:12

প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ যোহন 4:16

আমি কোই পারিই গোজেনে আমারে কোচ্‌পায়, আর তা কোচ্‌পানাগান উগুরে আমার বিশ্বেজ্ আঘে। গোজেনে নিজেই কোচ্‌পানা। কোচ্‌পানা সমারে যে থেবঅ তে গোজেন সমারে থায় আর গোজেনে তা সমারে থায়।