ইফিষীয় 4:13 - Chakma Bible

¹³ ইয়েনর্ উদ্দেচ্চ্যগান অলঅ, আমি যেন বেক্কুনে গোজেন পুয়োবো উগুরে বিশ্বেজ্ গুরিনে আর তারে গমেডালে কোই পারিনে এক ওই; আর খ্রীষ্ট যেবাবোত্যে বেক্‌ গুণেদি ভরা, আমিয়ো যেন সেবাবোত্যেগুরি বেক্‌ গুণেদি ভরা ওইনে পেলেং পেলেং ওই। সেক্কে আমি আর চিগোন গুরো ধোক্ক্যেন ন-থেবং।

ইফিষীয় 4:13 Iomraidhean Croise

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

যোহন 1:16

আমি বেক্কুনে তার্ সেই পূরোণ অনাত্তুন্ দোইয়্যে উগুরে আরঅ দোয়্যে পেইয়্যেই।

যোহন 16:3

তারা ইয়েনি বেক্কানি গুরিবাক্ কিয়া তারা বাবারেয়ো ন-চিনোন্, মরেয়ো ন-চিনোন্।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 6:69

আমি বিশ্বেজ্ গোজ্যেই আর হবর্ পেইয়্যেই যে, তুয়ই গোজেনর্ সেই পবিত্র মানুচ্চো।”

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

১ করিন্হীয় 2:6

যিগুনে খ্রীষ্টীয় জিংকানিত্ পাগানা তারা ইধু অবুচ্চোই আমি জ্ঞানর্ কধা কোই; মাত্তর্ সেই জ্ঞানান্ এ জগদর্ নয়, বা এ জগদর্ নেতাগুনোর্‌অ নয় যিগুনে খেমতা-নেইয়্যে ওইয়োন্ ।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

ইফিষীয় 1:17

তবনা গুরিবার অক্তত্ মুই তমা কধা ভুলি ন-যাং। মুই তবনা গরং যেন আমার্ প্রভু যীশু খ্রীষ্টর্ গোজেন, অত্তাৎ সেই গৌরবময় বাবা তমারে আত্মিক জ্ঞান আর বুঝিবার খেমতা দান গরে, যাতে তুমি তারে আরঅ গমেডালে জানি পারঅ।

ইফিষীয় 1:23

এ মন্ডলী আজলে খ্রীষ্টর্ কিয়্যেগান। যিবে বেক্কানিত্তুন্ বেক্কানি পুরেই দে সেই খ্রীষ্টর্ পুরেই দেনাগান্ অলঅ এ মন্ডলী।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:3

যে শান্তিগানে আমারে একসমারে এগত্তর্ গোজ্জ্যে সেই শান্তিগান্দোই সুদ্ধো-সাংগ আত্মাগানে দিয়্যে যদা অনাগান্ রোক্ষ্যে গুরিবাত্যে জদবদে চেট্ট্যা গরঅ।

ইফিষীয় 4:5

বানা একজন প্রভু আঘে, একই বিশ্বেজ্ আঘে, একই বাপ্তিস্ম আঘে,

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

ইব্রীয় 5:14

যিগুনোর্ বয়চ্ ওইয়্যে বানা সিগুনে দরঅ হানা হেই পারন্, অত্তাৎ গোজেন কধানির্ আঘাত্যে শিক্ষ্যেনি বুঝি পারন্। বোউত্ অভ্যেজর্ কারনে তারা গম্-ভান্ন্যেই বিচের গুরিবাত্যে শিক্ক্যন্।

২ পিতর 1:4

তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।