ইফিষীয় 4:10 - Chakma Bible

¹⁰ যিবে লাম্মেগোই তে বেক্কানি পূরোণ গুরিবাত্যে আরঅ আগাজত্তুন্অ বোউত্ উগুরে উঠ্যেগোই।

ইফিষীয় 4:10 Iomraidhean Croise

মথি লেখ্যে গম্ হবর্ 24:34

মুই তমারে ঘেচ্চেক্‌গুরি কঙর্, যেক্কে ইয়েনি অবঅ সেক্কেয়ো এই কালর্ কিজু মানুচ্ বাঁজি থেবাক্।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 1:16

আমি বেক্কুনে তার্ সেই পূরোণ অনাত্তুন্ দোইয়্যে উগুরে আরঅ দোয়্যে পেইয়্যেই।

যোহন 19:24

সিয়েন্ দেগিনে সৈন্যগুনে একজন আরেক্ জনরে কলাক্, “ইবে ন-ফাদিনে বরং ভাগ্য পোরোক্ষ্যে গুরি চেই ইবে কার্ অবঅ।” ইয়েন্ ঘোট্যে যেন পবিত্র বোইবোর্ এ কধাগান্ পূরোণ অয়, তারা নিজো ভিদিরে মঅ কাবড়-চুগোড়ানি ভাগ্ গত্তন্, আর মঅ কাবড়ানিত্ত্যে তারা ভাগ্য পোরোক্ষ্যে গত্তন্। আর ঘেচ্চ্যেক্‌‌গুরি সৈন্যগুনে ইয়েনি বেক্কানি গুরিলাক্।

যোহন 19:28

ইয়েন পরেদি বেক্কানি থুম্ ওইয়্যে কোই পারিনে পবিত্র বোইবোর্ কধানি যেন পূরোণ্ অয় সেনত্তে যীশু কলঅ, “মত্তুন্ তিরেচ্‌ পেইয়্যে।”

যোহন 19:36

ইয়েনি বেক্কানি ঘোট্যে যেন পবিত্র বোইবোর্ এ কধাগান্ পূরোণ অয়, “তার্ এক্কো আড়্অ ভাঙা ন-অবঅ।”

প্রেরিত্‌ 1:11

“গালীলো মানুচ্চুন, ইধু থিয়্যেইনে আগাজ ইন্দি কিত্ত্যেই রিনি চেই আঘঅ? যিবেরে তমাত্তুন্ তুলি নেযা অলঅ সেই যীশুরে যেবাবোত্যে গুরি তুমি স্বর্গত্ যাদে দেগিলা সেবাবোত্যেগুরি তে ফিরি এবঅ।”

প্রেরিত্‌ 1:9

এ কধানি কনার্ পরেদি শিচ্চ্যগুনো চোগো মুজুঙোত্ যীশুরে তুলি নেযা অলঅ আর তে এক্কান্ মেঘঅ আন্দলে গেলগোই।

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

প্রেরিত্‌ 3:18

মাত্তর্ গোজেনে ভালোক্ দিন আগে বেক্‌ ভাববাদীগুনোর মাধ্যমে কোইয়্যেদে তার মশীহর কষ্ট ভোগ গরা পুরিবো; আর সে কধাগান গোজেনে এবাবোত্যে গুরি পূরেই দিবো।

২ করিন্হীয় 12:2

খ্রীষ্ট বিশ্বেজি এক্কো মান্‌জ্যরে মুই চিনোং। চৌদ্দ বজর্ আগে স্বর্গ সং তারে তুলি নেযা ওইয়্যে। সেক্কে তে তার্ কিয়্যেদি এলঅ কি ন-এলঅ সিয়েন মুই কোই ন-পারং, গোজেনে কোই পারে।

ইফিষীয় 3:19

খ্রীষ্টর্ সেই কোচ্‌পানাগান বুদ্ধিলোই হবর্ ন-পায়; তো মুই তবনা গরং যেন তুমি সেই কোচ্‌পানাগান বুঝি পারঅ, যেন গোজেনর্ বেক্‌ পূর্ণতাগান্দোই তুমি ভর্‌পুনোং অ।

কলসীয় 1:19

গোজেনে চেইয়্যেদে যেন তার্ বেক্‌ ভর্‍‌‌‌‍‌‍পুনোঙান্ খ্রীষ্ট ভিদিরে থায়।

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ইব্রীয় 8:1

আমি যিয়েন কোর্ সিয়েনর আজল্ কধাগান অলঅ ইয়েন, আমার এমন্‌ এক্কো দাঙর্ ধর্মগুরু আঘে যিবে স্বর্গত্ দাঙর্ গোজেন সিংহাসনর্ ডেন্ ধাগেদি বৈচ্চ্যে।