ইফিষীয় 3:4 - Chakma Bible

⁴ তুমি সিয়েন পড়িলে বুঝি পারিবা, খ্রীষ্টর্ পৌইদ্যেনে সেই গুমুরো উদ্দেচ্চ্যগান মত্তুন্ বুঝিবার খেমতা আঘে।

ইফিষীয় 3:4 Iomraidhean Croise

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

লূকে লেখ্যে গম্ হবর্ 8:10

সেক্কে যীশু কলঅ, গোজেন রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে, মাত্তর্ অন্যগুনো ইধু মুই সিয়েনি হিত্ত্যলোই কং, যেন তারা রিনি চেইনেয়ো ন-দেগন্ আর শুনিনেয়ো ন-বুঝোন্।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 4:1

মান্‌জ্যে আমারে মনে গত্তোক্ যে, আমি খ্রীষ্টর্ সেবাগুরিয়্যে আর আমা উগুরে গোজেনর্ গুমুরো সত্যগান জানিবার ভারান্ দিয়্যে ওইয়্যে।

২ করিন্হীয় 11:6

যুনিয়ো মুই গমেডালে কধা কোই ন-পারং তো মর্ যদেষ্ট জ্ঞান আঘে আর সিয়েন বেক্কানিন্দি তমা ইধু ফগদাং গোজ্জ্যং।

ইফিষীয় 1:9

ঠিগ্ যেবাবোত্যে তে চেইয়্যে আর খ্রীষ্টর্ মাধ্যমে আগেবাগে ঠিগ্ গুরি থোইয়্যে, সেই মজিম তে তার্ গুমুরো উদ্দেচ্চ্যগানি আমারে জানেয়্যে।

ইফিষীয় 3:3

তার্ গুমুরো উদ্দেচ্চ্যগান তে বিশেষ কধালোই মরে জানেয়্যে, আর এ বেপারান মুই তমা ইধু কম্ কধালোই লিগিলুং।

ইফিষীয় 3:9

ইয়েন বাদে তার গুমুরো উদ্দেচ্চ্যগান যে কিবাবোত্যেগুরি কামত্ লাগা অবঅ সিয়েন ফগদাং গুরিবার্ ভারান্‌অ তে মঅ উগুরে দিয়্যে। বেক্কানির্ সৃট্টিগুরিয়্যে গোজেনে এদক্ বিলোন ধুরি তার্ সেই উদ্দেচ্চ্যগান গুমুরোত্ থোইয়্যে।

ইফিষীয় 5:32

ইয়েন এক্কান দাঙর্ গুমুরো সত্য-মাত্তর্ আজলে মুই খ্রীষ্ট আর তা মন্ডলীর্ কধা কঙর্।

ইফিষীয় 6:19

মত্যেয়ো তবনা গরঅ যেন মুই যেক্কে কধা কং সেক্কে গোজেনে মরে এমন্‌ ভাষা যুগেই দে যাতে মুই সাহচ্‌ গুরিনে তার্ দিয়্যে গম হবরর্ গুমুরো সত্যগান্ প্রচার গুরি পারং।

কলসীয় 1:26

গোজেনর্ কধানি ভিদিরে যে গুমুরো সত্যগান পুরোণি মানুচ্চুনো ইধু যুগ যুগ ধুরি লুগেয়্যে এলঅ, ইক্কিনে তা মানুচ্চুনো ইধু সিয়েন ফগদাং ওইয়্যে।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

১ তীমথিয় 3:9

তারা যেন সাব্ বিবেগে খ্রীষ্টীয় ধর্ম-বিশ্বেজর্ গুমুরো সত্যগান ধুরি রাগান্।