ইফিষীয় 3:17 - Chakma Bible

¹⁷ আর বিশ্বেজর্ মাধ্যমে খ্রীষ্ট তমা মনানি পুরোপুরি গুরিনে অধিকার গরে। মুই আরঅ তবনা গরং যেন খ্রীষ্টর্ কোচ্‌পানার মাধ্যমে তুমি গভীন গুরিনে ডুবিইনে থির্ অ,

ইফিষীয় 3:17 Iomraidhean Croise

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

মথি লেখ্যে গম্ হবর্ 13:6

মাত্তর্ বেলান্ উদোনার পরেদি সিগুন রোদে পুড়ি গেলাক্ আর শিঙোরানি গমেডালে ন-বজে বিলি শুগেই গেলাক্।

লূকে লেখ্যে গম্ হবর্ 6:48

তে এমন্ এক্কো মান্‌‌‌‌‌জ্য ধোক্ক্যেন, যে ঘরান্ বানেবাত্তে গভীন্ গুরি মাদি কাবিনে পাত্তর উগুরে গড়াগান্ গাড়েল। যেরেদি বান্ এলঅ আর গাঙ পানির গঙার্ সে ঘরান উগুরে এইনে পড়িলো, মাত্তর্ ঘরান লাড়েই ন-পারিলো, কারন সিয়েন দরমর গুরি বানা ওইয়্যে।

যোহন 14:17

সেই বল্ দিয়্যেবো সত্যর্ আত্মা। জগদ মানুচ্চুনে তারে মানি লোই ন-পারন্, কিয়া তারা তারে ন-দেগন্ আর তারে হবর্‌অ ন-পান্। মাত্তর্ তুমি তারে হবর্ পঅ, কিয়া তে তমা সমারে সমারে থায় আর তে তমা মনত্ বজত্তি গুরিবো।

যোহন 14:23

যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

যোহন 6:56

যে মর্ য়েরাগান্ আর লো-গান্ খায় তে মঅ ভিদিরে থায় আর মুইয়ো তা ভিদিরে থাং।

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

২ করিন্হীয় 13:5

তুমি নিজোরে পোরোক্ষ্যে গুরি চঅ তুমি ঘেচ্চ্যেক্ গুরি খ্রীষ্টরে বিশ্বেজ্ গোজ্জ্য নাকি। তুমি নিজোরে তোলেই চঅ। তুমি কি ন-বুঝো, খ্রীষ্ট যীশু তমা রিবেঙত্ আঘে? খালিক্ তোলেই চানার্ পরেদি তুমি যুনি ভেজাল্যে বিলিনে ধরা ন-পরঅ।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

কলসীয় 2:7

খ্রীষ্ট ভিদিরে মূরোত্ পুরিনে তা ভিদিরে তুমি বাড়ি উদোনাত্ থাগঅ। তুমি শিক্ষ্যে পেইনে যিয়েন বিশ্বেজ্ গোজ্জো সিয়েন্দোই থির্ থাগঅ আর গোজেনরে নিত্য ভালেদি জানেই থাগঅ।

১ যোহন 4:16

আমি কোই পারিই গোজেনে আমারে কোচ্‌পায়, আর তা কোচ্‌পানাগান উগুরে আমার বিশ্বেজ্ আঘে। গোজেনে নিজেই কোচ্‌পানা। কোচ্‌পানা সমারে যে থেবঅ তে গোজেন সমারে থায় আর গোজেনে তা সমারে থায়।

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।