ইফিষীয় 3:1 - Chakma Bible

¹ ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 3:1 Iomraidhean Croise

লূকে লেখ্যে গম্ হবর্ 21:12

ইয়েনি বেক্কানি অবার্ আগেদি মানুচ্চুনে তমারে ধুরিবাক্ আর তমা উগুরে অত্যেচার্ গুরিবাক্। বিচেরত্যে তারা তমারে সমাজ-ঘরত্ নেযেবাক্ আর জেলোত্ দিবাক্। মত্তে রাজাগুনোর্ আর শাসনগুরিয়্যেগুনো মুজুঙোত্ তমারে নেযা অবঅ,

প্রেরিত্‌ 21:33

সেক্কে আজল্ সেনাপতিবো এইনে পৌলরে বন্দী গুরিলো আর দ্বিয়েন শিগোল্লোই তারে বানিবার্ উগুম্ দিলো। সে পরেদি তে পুযোর্ গুরিলো, মানুচ্চো কন্না?

প্রেরিত্‌ 23:18

সেক্কে সেই শত উগুরে সেনাপতিবো সেই গাবুজ্জ্যে পুয়োবোরে নেযেইনে আজল্ সেনাপতিবো ইধু যেইনে কলঅ, “বন্দী পৌলে মরে ডাগিনে এ গাবুজ্জ্যে পুয়োবোরে তইধু আনিবাত্যে কলঅ, কারন তইধু তার্ নাকি কিজু হবার্ আঘে।”

প্রেরিত্‌ 26:29

পৌলে কলঅ, “সময় কম্ ওক্ বা বেশ্ ওক্, মুই গোজেন ইধু এ তবনাগান্ গরং যে, বানা তুই নয়, মাত্তর্ যিগুনে এচ্চ্যে মঅ কধানি শুন্ন্যন্ তারা বেক্কুনে যেন মঅ ধোক্ক্যেন্ অন্-বানা এই শিগোলান্ বাদে।”

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

২ করিন্হীয় 1:6

আমি যে দুঘ্ ভুগ্ গুরির্ সিয়েনি তমার সান্তনা আর উদ্ধোর নাঙেই গুরির্। আমি যে সান্তনা পেই সিয়েনি তমার্ সান্তনার্ নাঙে পেই। যেক্কে তুমি আমা ধোক্ক্যেন গুরি একই দুঘ্ ভোগ্ গুরিবে সেক্কে এ সান্তনাগান সেই দুঘ্‌‌কানি সমারে সোজ্জ্য গত্তে সাহায্য গুরিবো।

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

গালাতীয় 5:11

ভেইলগ্, মুই যুনি এজঅ প্রচার গরং, মানুচ্চুনোরে চুনু মাঢা কাবানা উচিত সালে কিত্ত্যে মরে এজঅ অত্যেচার্ গরা অর্? ক্রুশো উগুরে খ্রীষ্টর্ মরণর্ মানা দঅ সালে দূর্ ওই যেইয়্যে।

গালাতীয় 5:2

মুই পৌল তমারে কঙর্, শুনো-যুনি তমার চুনু মাঢা কাবানা অয় সালে তমা ইধু খ্রীষ্টর্ কনঅ দাম নেই।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

ইফিষীয় 3:11

ইয়েনই এলঅ তার্ উমরর্ আওজ্, আর সেই আওজ্‌চান তে আমার প্রভু যীশু খ্রীষ্টর্ মাধ্যমে পূরেই দিয়্যে।

ইফিষীয় 3:13

সেনত্যে মুই কোজোলি গরঙত্তে, তমাত্যে মুই দুঘ্-কষ্ট ভুগোঙর্ বিলিনে তুমি সাহচ্‌ ন-আরেয়ো, কিয়া সিয়েনি বেক্কানি তমার্ বাঈনী পেবাত্যে অর্।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ইফিষীয় 6:20

এই গম্ হবরান্ প্রচারত্যে মুই শিগোলত্ বান্যে খেলেয়ো খ্রীষ্টর দূতোর্ কাম গরঙর্। তবনা গরঅ যেন জেলো ভিদিরে থেইনে যেবাবোত্যে গুরি সেই গম্ হবরান মর্ প্রচার গরানা উচিত সেবাবোত্যেগুরি সাহচ্ গুরিনে সিয়েন গুরি পারং।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

কলসীয় 4:18

মুই পৌল নিজো আঢে এ পাত্তুরু তুরু জানানার্ কধাগান লেগঙর্। ইদোত্ রাগেয়ো, মুই বন্দী আঘং। গোজেনে তমারে দোয়্যে গোরোক্।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

২ তীমথিয় 1:16

অনীষিফর ঘোর্‌‌‌‌‌বোগুনো উগুরে প্রভু দোয়্যে গোরোক্; তে ভালোক্ বার্ মরে তচ্‌তাজা গুরি তুল্যে, আর মুই জেল্ খাট্যে ওইয়োং বিলিনে তে ন-লাজায়।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

ফিলীমন 1:1

মুই পৌল খ্রীষ্ট যীশুর বন্দী ওইয়োং। মুই আর আমা বিশ্বেজি ভেই তীমথিয় আমার কোচ্‌‌পেইয়্যে সমাজ্জ্যে আর সমারে কাম গুরিয়্যে ফিলীমন ইধু,

ফিলীমন 1:23

ইপাফ্রা তরে ভালেদি জানার্; তে খ্রীষ্ট যীশুত্যে মঅ সমারে বন্দী আঘে।

ফিলীমন 1:9

তো কোচ্‌পানাত্যে সিয়েনর্ বদলে মুই তরে কোজোলি গরঙর্। এক্কো বুড়ো মানুচ্‌ ইজেবে আর বত্তমানে খ্রীষ্ট যীশুত্যে বন্দী ইজেবে মুই পৌল তইধু মর্ পুয়ো ওনীষিমত্যে কোজোলি গরঙর্। জেলখানাত্ মর্ বন্দী অবস্থায় তে বিশ্বেজি ইজেবে মর্ পুয়ো ওইয়্যে।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।