ইফিষীয় 2:8 - Chakma Bible

⁸ গোজেনর্ দোয়্যেই বিশ্বেজর্ মাধ্যমে তুমি পাপত্তুন্ উদ্ধোর্ পেয়ো। ইয়েন তমার্ নিজোর্ মাধ্যমে ন-অয়, সিয়েন গোজেনর্ দান।

ইফিষীয় 2:8 Iomraidhean Croise

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 20:9

বেল্যে পাচটা সময় যে চাগরুনোরে কামত্ লাগা ওইয়্যে তারা এইনে পত্তিজনে এক এক দীনার গুরি নেযেলাক্।

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

লূকে লেখ্যে গম্ হবর্ 7:50

যীশু সেক্কে সেই মিলেবোরে কলঅ, “তুই বিশ্বেজ্ গোজ্যস্ বিলি পাপত্তুন্ উদ্ধোর্ পেইয়োচ্। সুগে-শান্দিয়্যে যাহ্।”

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:44

মঅ বাপ্পো, যিবে মরে পাধেয়্যে তে টানি ন-আনিলে কনজনে মইধু এই ন-পারন্। আর মুয়ই তারে শেজ্ দিনোত্ জেদা গুরি তুলিম্।

যোহন 6:65

সেনত্তে তে কলঅ, “মুই তমারে কোইয়োং, বাবা বল্ ন-দিলে কনজনে মইধু এই ন-পারন্।”

প্রেরিত্‌ 13:39

তুমি মোশির রীতি-সুদোম্বোই পাপর্ সাজাত্তুন্ রেহাই ন-পঅ, মাত্তর্ যে কেঅ যীশু উগুরে বিশ্বেজ্ গরে তে পাপর্ সাজাত্তুন্ রেহাই পায়।

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

প্রেরিত্‌ 15:11

আমি বিশ্বেজ্ গুরিই যে, প্রভু যীশুর্ দোয়্যেই অযিহূদী বিশ্বেজিগুনে যেবাবোত্যেগুরি পাপত্তুন্ উদ্ধোর্ পেইয়োন সেবাবোত্যেগুরি আমিয়ো উদ্ধোর্ পেইয়্যেই।”

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

প্রেরিত্‌ 16:31

তারা কলাক্, “তুই আর তঅ পরিবার প্রভু যীশু উগুরে বিশ্বেজ্ গরঅ, সালে পাপত্তুন্ উদ্ধোর্ পেবা।”

রোমীয় 10:14

মাত্তর্ যিবে উগুরে তারা বিশ্বেজ্ ন-গরন্ তারে কেধোক্ক্যেন্ গুরি ডাগিবাক্? যিবে পৌইদ্যেনে তারা ন-শুনোন্ তা উগুরে কেধোক্ক্যেন গুরিনে বিশ্বেজ্ গুরিবাক্? প্রচারক ন-থেলে তারা কেধোক্ক্যেন্ গুরিনে শুনিবাক্?

রোমীয় 10:17

সালে দেগা যায়, গোজেনর্ কধানি শুনোনার্ পরেদি বিশ্বেজ্ এজে, আর যীশু খ্রীষ্ট পৌইদ্যেনে প্রচারর্ মাধ্যমে সেই কধানি শুনিবাত্তে পাহ্ যায়।

রোমীয় 4:16

সেনত্তে মান্‌জ্যর্ বিশ্বেজর্ মাধ্যমে এই এগেমান্ পূরোন্ গরা অয়, যেন ইয়েন গোজেনর্ দোয়্যের্ দান ওই পারে। আর সেনত্তে অব্রাহামর্ গুট্টিগুনোর বেক্কুনোত্তে এ এগেমান্ খামাক্কায় পূরোণ অবঅ। রীদি-সুদোমর্ অধীনো মানুচ্চুনোত্যে যে বানা এ এগেমান্ পূরোন অবঅ, সিয়েন নয়; যিদুক্কুন্ মানুচ্ অব্রাহাম ধোক্ক্যেন্ একই বিশ্বেজে বিশ্বেজি তারাত্যেয়ো খামাক্কায় এ এগেমান্ পূরোন অবঅ।

রোমীয় 4:5

মাত্তর্ যে নিজো চেট্ট্যা উগুরে নির্ভর ন-গুরিনে বানা গোজেন উগুরে বিশ্বেজ্ গরে গোজেনে তার্ সেই বিশ্বেজত্তে তারে নিদ্দুজি বিলি মানিবো, কিত্যে তেয়ই পাপীগুনোরে নিদ্দুজি বিলি মানি লোই পারে।

রোমীয় 9:16

সালে ইয়েন্ কারঅ চেট্ট্যা বা আয়োজ উগুরে নির্ভর ন-গরে, গোজেনর্ দোয়্যে উগুরে নির্ভর গরে।

গালাতীয় 3:14

গোজেনে অব্রাহামরে যে বর্ দিয়্যে সেই বরান্ খ্রীষ্ট যীশুর্ মাধ্যমে যেন অযিহূদীগুনেয়ো পেই পারন্, আর যেন আমি বিশ্বেজর্ মাধ্যমে এগেম্-গোজ্জ্যে পবিত্র আত্মারে পেই পারিই, সেনত্যে খ্রীষ্ট সেই অভিশাব্‌পান নিজো উগুরে নেযেয়্যে।

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

ইফিষীয় 2:5

এই অবাধ্যগানত্যে যেক্কে আমি মরা অবস্থায় এলং সেক্কে খ্রীষ্ট সমারে তে আমারে জেদা গুরিলো।

ফিলিপীয় 1:29

তমারে দোয়্যে গরা ওইয়্যেদে যেন তুমি যে বানা খ্রীষ্ট উগুরে বিশ্বেজ্ গুরি পারঅ এমন নয়, সিয়েনত্যে দুঘ্‌‌অ ভুগি পারঅ।

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।

২ থিষলনীকীয় 1:9

প্রভু যেক্কে এবঅ সেক্কে তারারে এমন্‌ সাজা দিয়্যে অবঅ যিয়েনর কারনে তারা আজিল্ আর দাঙর্ খেমতার্ বারেদি পড়িনে জিংকানিবর্ ভস্ত অনাত্ থেবাক্। সেদিন্যে তার্ নিজো মানুচ্চুনোর মাধ্যমে তার্ মহিমাগান ফগদাং অবঅ আর যিগুনে বিশ্বেজ্ গোজ্জ্যন তারার্ বেক্কুনোর্ মাধ্যমে তার্ বাঈনী অবঅ। তুমিয়ো সেই বিশ্বেজিগুনো ভিদিরে আঘঅ, কিয়া তুমি আমার সাক্ষিগানি বিশ্বেজ্ গোজ্জ্য।

ইব্রীয় 6:4

কিয়া যিগুনে একবার্ পহ্‌রান দেক্ক্যন, স্বর্গীয় দানর্ সুয়োদ্‌তান আর পবিত্র আত্মার্ আভা পেইয়োন,

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।