ইফিষীয় 2:4 - Chakma Bible

⁴ মাত্তর্ গোজেনে দোয়্যেলোই ভরা; তে আমারে ভারী কোচ্‌পায়।

ইফিষীয় 2:4 Iomraidhean Croise

নহিমিয় 9:17

তারা বাধ্য থেবাত্তে অস্বীগের্‌ গোজ্যন্‌, আর যেদক্কানি আমক্‌ অবার্‌ কাম্‌ তুই তারার্‌ ভিদিরে গোজ্যস্‌ সিয়েনিয়ো তারা মনত্‌ ন-রাগান্‌। তারা একগেয়েমি গুরিনে আরঅ চাগর্‌ কাদিবাত্তে মিসরত্‌ ফিরি যেবাত্তে এক্কো নেতারে নেযেয়োন। মাত্তর্‌ তুই ক্ষমাশীল গোজেন, দোয়্যেবান আর মেয়্যের্‌ ভরা; তুই সহজে বেজার্‌ ন-অস্‌ আর তর্‌ কোচ্‌পানা শেজ্‌ ন-ওইয়্যে। সেনত্তেই তুই তারারে ছাড়ি ন-যাজ্‌।

গীতসংহিতা 145:8

লগেপ্রভু দোয়্যে-মেয়্যেলোই তুুজিমপুরো; তে এমনে বেজার্ ন-অয় আর তার অমকদ কোচ্‌পানার দুযি নেই।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

যাত্রা 33:19

লগেপ্রভু কলঅ‌, “মুই মর্‌ বেক্‌ আওজ্‌‌চানি তঅ মুজুঙোত্‌ তুলি ধুরিম। তর্‌ মুজুঙোত্‌ মুই মর্‌ ‘লগেপ্রভু’ নাঙান্‌ ফগদাঙ্‌ গুরিম্‌। মর্‌ যিবে গম্‌‌ লাগে তারে দোয়্যে গুরিম্‌, যিবেরে গম্‌‌ লাগে তারে মেয়্যে গুরিম্‌।

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

যিরমিয় 31:3

সে অক্তত্ ইস্রায়েলীয়গুনে কোইয়োন, লগেপ্রভু দূরোত্তুন্ তারারে দেগা দিয়্যে। সেক্কে লগেপ্রভু তারারে কোইয়্যেদে, “অমকদ কোচ্‌‌পানালোই মুই তমারে কোচ্‌‌পেইয়োং; অমকদ কোচ্‌‌পানালোই মুই তমারে কায়কুরে টান্যং।”

দানিয়েল 9:9

আমা প্রভু গোজেন দোয়্যেলু আর খেমাবলা, যুনিয়ো আমি তঅ বিরুদ্ধে উল্লোমী গোজ্যেই।

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

রোমীয় 10:12

যিহূদী আর অযিহূদীগুনো ভিদিরে কনঅ বেচ্‌কম্ নেই, কিয়া বেক্কুনোর্ এক্কো প্রভু। যিগুনে তারে ডাগন্ তে তারা উগুরে জদবদে বর্ দে।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

রোমীয় 5:8

মাত্তর্ গোজেনে যে আমারে কোচ্‌পায় সিয়েনর্ প্রমাণ্ ইয়েন্, আমি পাপী থাগদে খ্রীষ্ট আমাত্যে পরাণান্ দিয়্যে।

রোমীয় 9:23

আরঅ তে তার্ অশেষ্ মহিমার্ কধায়ো জানেবাত্তে চেইয়্যে। যিগুন তার্ দোয়্যের্ মানুচ্ তারারে তে তার্ মহিমা পেবাত্তে আগেবাগে যুক্কোল্ গুরি রাগেয়্যে।

ইফিষীয় 1:7

গোজেনর্ দোয়্যে অনুসারে খ্রীষ্ট লগে মিজেইনে তার্ লোগান্দোই আমি খেমা পেইয়্যেই, অত্তাৎ পাপর্ খেমা পেইয়্যেই।

ইফিষীয় 2:7

তে এই কামান্ গোজ্জ্যেদে যেন তে তার্ অমকদ দোয়্যেগান্ আগামিদি যুগ্ যুগ্ ধুরি দেগেই পারে। তে খ্রীষ্ট যীশুর্ মাধ্যমে আমা উগুরে দোয়্যে গুরিনে যিয়েনি গোজ্জ্যে সিয়েনিলোই তার্ এই দোয়্যেগান ফগদাং পেইয়্যে।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

১ তীমথিয় 1:14

আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,