ইফিষীয় 2:22 - Chakma Bible

²² তুমি তা সমারে এগত্তর্ ওইয়ো আর সেনত্যে তমারেয়ো এক সমারে তুলো অর্, যেন পবিত্র আত্মার মাধ্যমে তুমি গোজেনর্ থেবার জাগা ওই পারঅ।

ইফিষীয় 2:22 Iomraidhean Croise

১ করিন্হীয় 3:16

তুমি কি কোই ন-পারঅ যে, তুমি গোজেনর্ থেবার্ ঘর আর গোজেন আত্মা তমা মনত্ বজত্তি গরে?

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

১ করিন্হীয় 6:19

তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

ইফিষীয় 3:17

আর বিশ্বেজর্ মাধ্যমে খ্রীষ্ট তমা মনানি পুরোপুরি গুরিনে অধিকার গরে। মুই আরঅ তবনা গরং যেন খ্রীষ্টর্ কোচ্‌পানার মাধ্যমে তুমি গভীন গুরিনে ডুবিইনে থির্ অ,

১ যোহন 3:24

তা উগুমান যে পালন গরে তে তা সমারে থায় আর তেয়ো তা সমারে থায়। যে পবিত্র আত্মাগান তে আমারে দিয়্যে সেই পবিত্র আত্মাগান্দোই আমি বুঝি পারিই যে, তে আমা মন ভিদিরে থায়।

১ যোহন 4:13

তা আত্মাগান তে আমারে দান গোজ্জ্যে, আর ইয়েন্দোই আমি কোই পারিই যে, আমি তা সমারে আঘিই আর তেয়ো আমা মনভিদিরে আঘে।

১ যোহন 4:16

আমি কোই পারিই গোজেনে আমারে কোচ্‌পায়, আর তা কোচ্‌পানাগান উগুরে আমার বিশ্বেজ্ আঘে। গোজেনে নিজেই কোচ্‌পানা। কোচ্‌পানা সমারে যে থেবঅ তে গোজেন সমারে থায় আর গোজেনে তা সমারে থায়।