ইফিষীয় 2:16 - Chakma Bible

¹⁶ ইয়েন্অ তার্ উদ্দেচ্চ্য এলঅ, যেন তার্ ক্রুশোত্ মরণর্ মাধ্যমে সেই দ্বিয়েনরে তে এক কিয়্যেলোই গোজেন লগে আরঅ এগত্তর্ গরে; কিয়া এ দ্বিয়েনর্ ভিদিরে যে শত্রুতার্ ভাব্ এলঅ সিয়েনি তে তার্ ক্রুশোত্ মরাণার্ মাধ্যমে ভস্ত গোজ্জ্যে।

ইফিষীয় 2:16 Iomraidhean Croise

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

রোমীয় 6:6

আমি কোই পারিই, আমা পাপ খাচ্চ্যত্তানরে অকেজো গুরিবাত্যে আমা পুরোণি মুই মরে খ্রীষ্ট সমারে ক্রুশোত্ দিয়্যে ওইয়্যে যেন পাপর্ চাগর্ ওইনে আর আমার্ থা ন-পরে;

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

১ করিন্হীয় 10:17

আমি ভালোক্কুন অলেয়ো একই কিয়্যে, কিয়া বানা এক্কান রুটি আঘে, আর আমি বেক্কুনে সেই রুটির কট্টাগান্ লোই।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

ইফিষীয় 4:4

গোজেনে তমারে ডাক্ক্যে বিলিনে তমা ইধু বানা এক্কান আজা আঘে, বানা এক্কানই কিয়্যে আঘে, একজনই সুদ্ধো-সাংগ আত্মাবলা আঘে,

কলসীয় 2:14

আর আমা বিরুদ্ধে যে দলিলানি এলঅ সিয়েনির বেক দাবি-দাওয়া সুদ্ধো সিয়েনি বাতিল গুরি দিয়্যে। সেই দলিলানি তে ক্রুশোত্ পেরেগ্ মারিনে নাকচ্ গুরি ফেল্ল্যে।

কলসীয় 3:15

খ্রীষ্ট যে সুগ্-শান্দি দে সেই সুগ্-শান্দিগান তমা রিবেঙত্ থেইনে তমারে পরিচালনা গোরোক্। সুগে-শান্দিয়্যে থেবাত্যে দঅ তমারে বেক্কুনোরে এক্কান কিয়্যে ইজেবে ডাগা ওইয়্যে। তুমি কৃতজ্ঞ থাগঅ।