ইফিষীয় 1:23 - Chakma Bible

²³ এ মন্ডলী আজলে খ্রীষ্টর্ কিয়্যেগান। যিবে বেক্কানিত্তুন্ বেক্কানি পুরেই দে সেই খ্রীষ্টর্ পুরেই দেনাগান্ অলঅ এ মন্ডলী।

ইফিষীয় 1:23 Iomraidhean Croise

যোহন 1:16

আমি বেক্কুনে তার্ সেই পূরোণ অনাত্তুন্ দোইয়্যে উগুরে আরঅ দোয়্যে পেইয়্যেই।

রোমীয় 13:5

ইয়েনত্তে তুমি শাসন গুরিয়্যেগুনোর অধীনতা স্বীগের্ গত্তে বাধ্য। গোজেনর্ সাজা দরে বানা তারার্ অধীনতা স্বিগের্ গুরিবা সিয়েন নয়, তমা বিবেক্‌‌কানি সাব্ রাগেবাত্তেয়ো সিয়েন গুরিবা।

১ করিন্হীয় 12:6

আমা পত্তিজনরে নানান্ বাবোত্যে কাম্ দিয়্যে ওইয়্যে, মাত্তর্ একই গোজেনে নানান্ উপায়ে আমা পত্তিজন ইধু কাম গুরি থায়।

১ করিন্হীয় 15:28

যেক্কে বেক্কানি খ্রীষ্টর্ অধীনোত্ থুয়ো অবঅ, সেক্কে যিবে বেক্কানি খ্রীষ্ট অধীনোত্ থোইয়্যে সেই গোজেনে যাতে বানা এক্কো গিরোজ্ ওই পারে সেনত্তে পুয়োবোয়ো নিজে গোজেনর্ অধীন অবঅ।

ইফিষীয় 2:16

ইয়েন্অ তার্ উদ্দেচ্চ্য এলঅ, যেন তার্ ক্রুশোত্ মরণর্ মাধ্যমে সেই দ্বিয়েনরে তে এক কিয়্যেলোই গোজেন লগে আরঅ এগত্তর্ গরে; কিয়া এ দ্বিয়েনর্ ভিদিরে যে শত্রুতার্ ভাব্ এলঅ সিয়েনি তে তার্ ক্রুশোত্ মরাণার্ মাধ্যমে ভস্ত গোজ্জ্যে।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

ইফিষীয় 3:19

খ্রীষ্টর্ সেই কোচ্‌পানাগান বুদ্ধিলোই হবর্ ন-পায়; তো মুই তবনা গরং যেন তুমি সেই কোচ্‌পানাগান বুঝি পারঅ, যেন গোজেনর্ বেক্‌ পূর্ণতাগান্দোই তুমি ভর্‌পুনোং অ।

ইফিষীয় 4:10

যিবে লাম্মেগোই তে বেক্কানি পূরোণ গুরিবাত্যে আরঅ আগাজত্তুন্অ বোউত্ উগুরে উঠ্যেগোই।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:13

ইয়েনর্ উদ্দেচ্চ্যগান অলঅ, আমি যেন বেক্কুনে গোজেন পুয়োবো উগুরে বিশ্বেজ্ গুরিনে আর তারে গমেডালে কোই পারিনে এক ওই; আর খ্রীষ্ট যেবাবোত্যে বেক্‌ গুণেদি ভরা, আমিয়ো যেন সেবাবোত্যেগুরি বেক্‌ গুণেদি ভরা ওইনে পেলেং পেলেং ওই। সেক্কে আমি আর চিগোন গুরো ধোক্ক্যেন ন-থেবং।

ইফিষীয় 4:4

গোজেনে তমারে ডাক্ক্যে বিলিনে তমা ইধু বানা এক্কান আজা আঘে, বানা এক্কানই কিয়্যে আঘে, একজনই সুদ্ধো-সাংগ আত্মাবলা আঘে,

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।

কলসীয় 3:15

খ্রীষ্ট যে সুগ্-শান্দি দে সেই সুগ্-শান্দিগান তমা রিবেঙত্ থেইনে তমারে পরিচালনা গোরোক্। সুগে-শান্দিয়্যে থেবাত্যে দঅ তমারে বেক্কুনোরে এক্কান কিয়্যে ইজেবে ডাগা ওইয়্যে। তুমি কৃতজ্ঞ থাগঅ।