ইফিষীয় 1:22 - Chakma Bible

²² গোজেনে বেক্কানি খ্রীষ্ট টেঙ তলে থোইয়্যে আর তারে বেক্কানির্ অধিকার দিয়্যে, আর তারে মন্ডলীর্ মাঢা ইজেবে নেযা ওইয়্যে।

ইফিষীয় 1:22 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 91:13

তুই সিংহ আর আজাব সাব উগুরেন্দি আঢি যেবে, দামারা সিংহ আর সাপ্‌পোরে টেঙোই দুলি পারিবে।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

ইফিষীয় 3:21

খ্রীষ্ট যীশুর্ মাধ্যমে আর মন্ডলীর্ মাধ্যমে বংশর্ পর বংশ ধুরি উমরত্যে গোজেনর্ বাঈনী ওক্। আমেন।

ইফিষীয় 5:23

কিয়া খ্রীষ্ট যেধোক্ক্যেন মন্ডলীর, অত্তাৎ তার্ কিয়্যেগানর্ মাঢাবো, নেগ্‌‌‍কোয়ো সেধোক্ক্যেন মোগ্‌‌‍কোর্ মাঢা। সিয়েনবাদে খ্রীষ্টই এ কিয়্যেগানর্ উদ্ধোরগুরিয়্যেবো।

কলসীয় 1:18

ইয়েনবাদে তেয়ই তার্ কিয়্যেগানর্, অত্তাৎ মন্ডলীর মাঢাবো। তেয়ই পত্তম্ আর তেয়ই মরণত্তুন্ পৌইল্যা জেদা ওইয়্যে, যেন বেক্কানিত্ তেয়ই আজল্লো ওই পারে।

কলসীয় 1:8

পবিত্র আত্মায় তমারে যে কোচ্‌পানার মনভাব দান গোজ্জ্যে তা পৌইদ্যেনে ইপাফ্রা আমারে জানেয়্যে।

কলসীয় 2:10

তে দাঙর্ আগাজর্ বেক্কানির্ শাসনগুরিয়্যে আর খেমতার্ অধিকারীগুনোর্ উগুরে।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

ইব্রীয় 2:8

আর তা ঠেঙ তলাত্ বেক্কানি থোইয়োচ্। যেক্কে গোজেনে বেক্কানি মান্‌জ্যর্ অধীনোত্ গুরিলো সেক্কে তে কনঅ কিজু সিয়েনিত্তুন্ বাদ ন-দিলো। খালিক্ বেক্কানি যে আমি ইক্কিনে মান্‌জ্যর অধীনোত্ দেগির্ সিয়েন নয়,