ইফিষীয় 1:15 - Chakma Bible

¹⁵ ইয়েনত্যে মুই যেক্কে প্রভু যীশু উগুরে তমার বিশ্বেজ্ আর গোজেনর্ বেক্‌ মানুচ্চুনো উগুরে তমার্ কোচ্‌পানার্ কধা শুনিলুং,

ইফিষীয় 1:15 Iomraidhean Croise

গীতসংহিতা 16:3

পিত্‌‌থিমীর্ যিদুক্কুন মানুচ্ গোজেনর, তারা দাঙর্; তারারে নিইনে মর্ হুজি।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

রোমীয় 1:8

পত্তমে মুই যীশু খ্রীষ্টর্ মাধ্যমে তমা বেক্কুনোত্যে মর্ গোজেনরে ভালেদি জানাঙর্, কিত্যে তমা বিশ্বেজর্ কধানি গোদা দুনিয়েগানত্ ছিদি পোজ্জ্যে।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ইফিষীয় 1:1

মুই পৌল গোজেনর্ আওজে খ্রীষ্ট যীশুর্ এক্কো দূত। ইফিষ শঅরত্ যিগুনে গোজেনর্ মানুচ্ আর খ্রীষ্ট যীশু উগুরে বিশ্বেজি তারা ইধু মুই এ চিধিয়ান লেগঙর্।

ইফিষীয় 3:18

আর গোজেনর্ বেক্‌ মানুচ্চুনো লগে তুমিয়ো বুঝি পারঅ যে, খ্রীষ্টর্ সেই কোচ্‌পানার কনঅ কূল-চর্ নেই, কনঅ কিত্ত্যেদি দুযি নেই।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 4:9

ভেইয়ো উগুরে ভেইয়োর্ কোচ্‌পানা পৌইদ্যেনে তমা ইধু কিজু লিগিবার দরকার নেই, কিয়া গোজেনে তমারে একজন আরেকজনরে কোচ্‌পেবাত্যে শিগেয়্যে।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

১ তীমথিয় 1:14

আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

ফিলীমন 1:5

কিয়া প্রভু যীশু উগুরে তর্ বিশ্বেজ্ আর গোজেনর্ বেক্‌ মানুচ্চনো উগুরে তর্ কোচ্‌পানার কধা মুই শুনঙর্।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?

১ যোহন 4:21

আমি তাত্তুন্ এই উগুমান পেইয়্যেইদে যে, গোজেনরে যিগুনে কোচ্‌পান তারা যেন ভেইয়োরেয়ো কোচ্‌পান।