ইফিষীয় 1:10 - Chakma Bible

¹⁰ তে ঠিগ্ গুরি থোইয়্যেদে যে, সময় পুরেলে পরেদি সেই উদ্দেচ্চ্যগান্ গুরিবাত্যে তে স্বর্গর্ আর পিত্‌থিমীর্ বেক্কানি এগত্তর্ গুরিনে খ্রীষ্টর্ শাসন অধীনোত্ আনিবো।

ইফিষীয় 1:10 Iomraidhean Croise

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

মথি লেখ্যে গম্ হবর্ 25:32

সে অক্তত্ বেক্ জাদর্ মানুচ্চুনোরে তা মুজুঙোত্ এক সমারে এগত্তর্ গরা অবঅ। গরগ্‌কুনে যেবাবোত্যে গুরি ভেড়া আর ছাগলুনোরে ফারগ্ গরন্ সেবাবোত্যেগুরি তে বেক্ মানুচ্চুনোরে দ্বি ভাগে যুদো গুরিবো।

মার্ক 1:15

“সময় ওইয়্যে, গোজেন রেজ্যগান্ কায়-কুরে লুম্মেগি। তুমি পাপত্তুন্ মনানি ফিরো আর এ গম্ হবরান্ বিশ্বেজ্ গরঅ ।”

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

ইফিষীয় 1:22

গোজেনে বেক্কানি খ্রীষ্ট টেঙ তলে থোইয়্যে আর তারে বেক্কানির্ অধিকার দিয়্যে, আর তারে মন্ডলীর্ মাঢা ইজেবে নেযা ওইয়্যে।

ইফিষীয় 3:2

তুমি খামাক্কায় শুন্ন্যদে যে, গোজেনে তার্ দোয়্যের্ বেবস্থা তমারে জানেবার ভারান্ মঅ উগুরে দিয়্যে।

কলসীয় 1:16

কিত্যেই আগাজত্ আর পিত্‍‌‌‌‍‌‍থিমীত, যিয়েনি দেগা যায় আর যিয়েনি দেগা ন-যায়, বেক্কানি তা মাধ্যমে সৃট্টি ওইয়্যে। দাঙর্ অাগাজত্ যিগুনো আঢত্ রাজাগিরি, দোঙেবার, শাসন আর খেমতা আঘে তারারে বেক্কুনোরে তাঁরে দিইনে তাত্যেই সৃট্টি গরা ওইয়্যে।

কলসীয় 1:20

সিয়েনবাদে পিত্‌থিমীত ওক্‌ বা স্বর্গত ওক্‌, খ্রীষ্টর্ মাধ্যমে তার্ নিজো লগে বেক্কানির্ মিজেনাগান-অ তে চেইয়্যে। খ্রীষ্ট ক্রুশো উগুরে তার্ লো-গান দান গুরিনে শান্তি আন্ন্যে বিলিনে এই মিজেনাগান্ ওই পাজ্জ্যে।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ইব্রীয় 11:40

কিয়া গোজেনে আমাত্যে আরঅ গম্ কিজু ঠিগ্ গুরি থোইয়্যে। তে ঠিগ্ গোজ্জ্যেদে যে, আমারে বাদ্ দিইনে তারারে পূর্ণতাগান দান গরা ন-অবঅ।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।